Populāri Bībeles panti no Mataayi 5

Dalīties

A bali mu unamisa mwiindi mu ufuu nde kutso ipaayi pe, ka bali mu usuusu nde nha yulu a isuusili kia mwiindi, paa aha liyalila kwaa boosi babali mutso nzo. Ni buu ka liyalila la beni lafwaana ungeyine nha kulu a baata boosi, paa bo bamono biyiluu bia beni bibibwe, na bakiinzi Taayi a beni wuli mu mayula.

«Beni dili liyalila la tsi. Ngaanda yi batuungu nha yulu a mulaanda a iyituu usweeme so hoolo pe.

Kinyi yili na babatsieeme mu mutimi, mundaa ti bo sa bamono Nziaambi!

Kinyi yili na babali na nzala na nyooto a libweeye, mundaa ti Nziaambi sa akuusu manzala ma bo!

Ka me nileele beni: Ditoono mitaata mia beni, na dikuundu mu boosi ba bali mu ukwaamisa beni.

«Kinyi yili na bawele mu muheebili, mundaa ti Ipfumu kia mayula ili kia bo!

Kinyi yili na babubaamweese iyeenge nha kati a bo, mundaa ti Nziaambi sa ata bo baana ba nde!

Kinyi yili na babali mu ulili, Mundaa ti Nziaambi sa aboondo bo!

Kinyi yili na babali kutso mbingisi, mundaa libweeye la Nziaambi li bo bali mu usalila, mundaa ti Ipfumu kia mayula yili kia bo!

Kinyi yili na babubaakwiilili bambaayi ngebe, mundaa ti Nziaambi ka sa wabakwiilili ngebe!

Kinyi kwaa beni so baata butuu beni, bukwaamisa beni na uleele mandaa moosi mapia mu beni, mundaa ti beni diasa imiini mu me. Diba kinyi na diyaanga, ka musieende wu munene li mu ukebe beni mu mayula. Ee-e ni buu ka, bakwaamisi mibili miatswaamina beni.

Kinyi yili na bangaa buleembi, mundaa ti bo sa batolo mukobo a tsi wu Nziaambi alasini!

«Beni dili mungwa wa tsi. Ka so mungwa a abwisaala na isie pe, buni butuu usa paa nde abwaba na isie? Nde a bwisaala na ndutu pe, bubwe mu ubumu nde ku buumbu, so a buu pe, ku baata budiaata nde.

Ni mu buu, diba babakuu, weti bu Taayi a beni wu li ku mayula ali akuu.

So ni “Ee-e”, dileele “Ee-e”; mbiiti “E-e ngori”, dileele “E-e ngori.” Ndili a buu, yi bubwaleele nha yulu a mabakwaleele, yi imata kwaa Muutu wu mubi.

«Beni diayuyi baleeli ti: “So muutu tuli we lisi, we ka tulu la nde; so nde sokili we lini, we ka sokolo la nde.” Ka me nileele beni mu uhele uvutulu mamabi mu mamabi. So muutu teti we mbata nha tama la we la koo kia babaala, nyaala nde atete ka we mbata nha tama la koo kia bakaasa.

So ni mundaa lisi la we la koo kia babaala we li mu ubwa mu masumu, sootolo lo na bumu lo ku la. Yavulu bubwe kwaa we, mu ufuusu inama imosi kia nyutu a we, ka a mu ukubu pe ti nyutu a we yoosi yifuu ku mbuungulu. So ni mundaa koo kia we kia babaala we li mu ubwa mu masumu, kese kio na bumu kio ku la. Yavulu bubwe kwaa we, mu ufuusu inama imosi kia nyutu a we, ka a mu uyene pe we woosi ku mbuungulu.