Populāri Bībeles panti no Yoosuwa 6

Dalīties

YALLI Yoosuwak iyyemii, «Anu Yerikô-magaalaay tet malik kee teetil enna 'ta agiirah tan qaskar ku gabal heeyyo.

Sarrak baanta ayseede'kal waqla fan meqe gide xongolisaanama. Too anay taabben waqdi aki mari yakkeemiik xongolaama. Too waqdi woo magaalah gasoosa inkih addah addigillele. Tohuk lakal qaskar elle sugte'kkek takkeemiik magaala cultaama» kaak iyye.

Koo kee ku qaskar lica ayroh gide, ayrol inki adda magaalak iro le kabuk woo qaxaak a qaxa mermeritetton.

Malcina seekiy maruw gaysak bicsen *baanta gabat lehiyya woo YALLIH Qahdih-Sanduguk foocat gexxaama. Malcinhaytoh ayro woo seeka baanta taagure waqdi, koo kee ku qaskarak takkeenimik woo magaalat malcina adda mermerita.

Yerikô-magaalak afa Israayil mari culaamak alifit teneeh; num akak yawqeeh culam duudak mananna.

Malcinhaytoh adda mermeritta 'yeenih seeka woo baanta toogore waqdi, Yoosuwa isi marak, «YALLI a magaala siinih yeceek, xongola» iyye.

Sarrak kaadu iyyeemih, «A magaala kee tet addal tanim inkih YALLIH sadgatah bayisa. Racab deqsitta xiiqareh xiinah ten barra nanu gibah rubne mara neh tooqoreemih sabbatah, tet buxah mara kee tet maxagina.