Populāri Bībeles panti no Juanasiup Aglangit 6

Dalīties

Jiisusiup uqautivait, “Uvanga niaquujauvunga inuusiqarnaqtuq; uvannut qaijuq kaalirnianngilaq, uvannullu ukpiqtuq imirulauqsimanianngilaq.

Anirniq Inuusiqtaaqtitsivuq; timiup pijunnarninga ikajurunnanngilaq tamatumunga; ilissinnut uqausirijakka anirniuvut inuusiullutiglu.

Niqiksamik nungusaraittumik pinasuarniarnasi, niqiksamigli pinasualirissi inuusiqtaarnaqtumik nungusuittumut, Inuup Irningata tuniniaqtanganik ilissinnut; taanna Guutiup Ataataup nalunaikkusiqsimangmagu naammaksarnirminik.”

Tamajja Ataatama pijumajanga, Irninganik takujulimaat ukpilirlutiglu taassumunga inuusirmik nungusuittumik piqaqullugit; uvangalu uummaqtittumaaqpara ulluit kingulliqpaanganni.”

Jiisusiup kiuvait, “Tavva Guutiup imaak piquvaasi; ukpiqullusi tilijanganut.”

Ataatama tunijjutigijalimaangit uvannuarniaqput, uvannuaqtuniglu qujanaaqsinianngilanga.

Saimuuni Piitturuusiup kiuvaa, “Ataniq, kinamigli maligaksaqarniaratta? Uqausiqarunnaqtututillutit inuusiqarnaqtunik isuqanngittumut.

Uvanga niaquujauvunga uumajuq qilangmit pisimajuq; kinatuinnaq tavvanngat niaquujatuqtuq, inuusiqalirniaqpuq isuqanngittumut; niaquujarlu tuniniaqtara inuusiqaliqtitsijunnaqpuq silarjuarmiunik, taanna tavva timiga.”

Uvannut qaijuqarunnanngilaq Ataataup tilijima uvannuaqtingippagu; uvangalu uummaqtittumaaqpara ulluit kingulliqpaanganni.

Tavva Guutiup niaquujaqutinga taannauvuq qilangmit tikittuq, inuusirmiglu tunisijuq silarjuarmiunut.”

Uvanga inuusiup niaquujarivaanga.

Jiisusiup niaquujait tiguvait, qujalijjutigijariiramigillu, iksivajunut tuniuqaqtauquvait; taimaaktauq iqaluit qujalijjutigillugit tunigivait, naammaksillutik nirivut. Aqiattuqtuinnaungmata, ilinniaqtini uqautivait, “Amiakkugijaujut katiqsuqsiuk, mikijumigluunniit tamaungatuinnaatuqaqunagu.”

Ilinniaqtit iputtlutik ingirraliraluaqtillugit immaqaa pingasunik sitamanigluunniit mailinik, takuliqput Jiisusimik imaup qaangagut pisuktumik umiamut qagliliqtumik. Kappiasuliqput, Jiisusiup uqautivait, “Uvangauvunga kappiasungnasi!”