Populāri Bībeles panti no Maak 2

Dalīties

Wen Jiizas ier wa dem se, im se tu dem se, “Piipl we no sik no niid dakta, a onggl sik piipl niid dakta. Mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Wen Jiizas si ou di man dem biliiv iina im, im se tu di kripl man se, “Mi pikni, mi paadn yu fram aal a yu sin dem.”

Den Jiizas se tu dem se, “Di Sabat did mek fi piipl, piipl neva mek fi di Sabat.

Bot siek-a di kroud, dem kudn get di man iina di ous we Jiizas de. So di man dem tier aaf paat a di ous tap an let dong di kripl man pan im chrecha.

Bot fi mek unu nuo, mi a-go shuo unu se di Man we Gad Pik av di rait an di powa fi paadn sin pan ort.” So im se tu di kripl man se, “Lisn tu mi, tan op, tek op yu chrecha, an go a yu yaad.”

Wich wan iiziya, fi tel di kripl man, ‘Mi paadn yu sin dem,’ ar fi tel im se, ‘Tan op, pik op yu chrecha, an waak’?

Di man get op siem taim, tek op im chrecha an ed fi im yaad wail evribadi did a wach im. Di piipl did shak an dem priez Gad an se, “Wi neva si notn laik dis bifuo!”