Populāri Bībeles panti no Wani 1

Dalīties

Matsi keyupaɨmetɨ memitanaki'eri, mɨkɨ yuri memɨte'erie kemɨ'ane mɨhɨkɨtsie, mɨkɨ heitserie kaniwarupitɨani Kakaɨyari niwemama memakɨnekɨ.

Tsutɨapai Niuki kaniyɨanekaitɨni, Niuki Kakaɨyari hetsɨa kaniuyeikakaitɨni, Niukitɨtɨ Kakaɨyari kanihɨkɨtɨkaitɨni.

Hekɨariya yɨwipa kanihekɨariwieka, yɨriya pɨkahe'iwawe.

Mɨkɨ niukitɨtɨ tewi kanayani, tatsata 'ukaitɨ ratɨa. Tame tekanixeiya witsikemɨ'anekai, 'ukiyarieya witsikemɨtipitɨa yuniwe muyuxewi, kanaye'ani 'aixɨa tiuka'iyaritɨ yuri tikuxatatɨ.

Naitɨ katiniuneni mɨkɨ 'inetɨaku, xɨka mɨkɨ ka'inetɨanike, pɨkanenikeyu nixewitɨ. Mɨkɨ hetsie tukari kanixuawekaitɨni, tukari teɨteri wahekɨariwiyame kanihɨkɨtɨkaitɨni.

Merikɨtsɨ 'uxa'arieka Wani kanixeiya Ketsutsi 'a'amiekame hepana, mɨpaɨ kaniutayɨni: «Kamɨ muxa nunutsi Kakaɨyari hetsɨa mieme, kwiepa memɨtama tita 'axamemɨteyurie kaniwakunawairiwani mɨkɨ.

Kwiepa kaniuyeikakaitɨni, kwie kaniuneni mɨkɨ 'inetɨaku, matsi kwiepa memɨtama mepɨkaheitima. Yukie kaninuani, teɨterimama mepɨka'itanaki'eri.

Tita yurikɨ mɨtihekɨariya, tita mɨtiwahekɨatɨa yunaime teɨteri, mɨkɨ kwiepa kaninuaximekaitɨni.

'Inɨari niukiyari tekaniupitɨarieni Muitsexi tatsi'upitɨaku. Peru matsi tepupitɨarie naki'eriya meta tita yuri mɨraine temɨtehexeiyanikɨ, Ketsutsi Kɨritsitu 'aixɨa tiuka'iyaritɨ yatatiupitɨaku.