Luˇkaꞈ 19
19
Yeˬsuˇ hawˇ-eu Saˬgehˇ
1Yeˬliˇkoˇ meuˬ-ahˇ Yeˬsuˇ le uˇ-awˇ cah gʼeh luꞈ-eu meh. 2Saˬgehˇ lehˇ myahˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Aˬ yawꞈ-aˬ, kawˬ taꞈ-eu paw yaw huiˬ keuˆ leˇ taˬ-euˬ tiˬ gʼaˬ pyeuꞈ-awˇ, smˇ muiˬ muiˬ-eu meh. 3Aˬ yawꞈ Yeˬsuˇ-ahˇ mawˇ haw mawꞈ-eu meh. Ehˇ kʼawꞈ, tsawˇ haˬ myaˬ dui dui-eu uˬ taꞈ, aˬ yawꞈ-euˬ gʼawˇ mawˇ yaw awˆ miˇ neh, maˬ haw mawˇ nya-a. 4Yeˬsuˇ-ahˇ aˬ yawꞈ haw mawˇ nya ni, Yeˬsuˇ iˇ-eu gaˇ ma kʼoeˇ kahˇ caw caw-ehˇ, mehˬ hu paw aˬ yawꞈ cehˆ kʼmˬ-iˇ-awˇ, siˬ guˬ maˇ sheuˇ aˇ bawˇ-ahˇ daˆ leˇ-awˇ loꞈ-euˬ meh. 5Yeˬsuˇ kʼoeˇ gaˇ iˇ keuˆ ngeh, aˬ yawꞈ-ahˇ gʼawˇ leuˇ haw-awˇ, “Saˬgehˇ-oˇ, yaw kawˇ-ehˇ zaꞈ ka le-awˬ. Iˬ nah nawˬ-euˬ nymˇ-ahˇ ngaˇ ya naˬ laˇ nga” lehˇ ehˇ nehˬ-euˬ mah.
6Kʼoeˇ ngeh, aˬ yawꞈ yaw kawˇ-ehˇ zaꞈ ka le-awˇ, Yeˬsuˇ-ahˇ laˬ kʼaˬ tiˬ cehˇ ha-euˬ meh. 7Kʼoeˇ gaˇ kʼaˇ mawˇ-euˬ tsawˇ haˬ dawˬ tawˆ luꞈ Yeˬsuˇ-ahˇ mahˇ mahˇ-ehˇ ehˇ-eu, “Tsawˇ haˬ teu gʼaˬ aˬ joˆ-ehˇ iˬ baˇ zaˬ-euˬ nymˇ-ahˇ daˬ yah geuꞈ-iˇ-eu nga.”
8Saˬgehˇ tuˇ-awˇ, Sahˬpaˬ Yeˬsuˇ-ahˇ ehˇ nehˬ-eu, “Sahˬpaˬ-oˇ, ngaˬ-euˬ pyuˇ shuiˇ myawˬ gahˬ tiˬ paˆ, shaˬ-eu zahˬ-eu tsawˇ haˬ deuˬ-ahˇ biꞈ ma. Ngaˬ neh tsawˇ haˬ tiˬ gʼaˬ na-ahˇ tiˬ jeˬ paˬ myawꞈ dzaˬ taˬ-euˬ jaˆ naˇ, oeˬ bymˇ tsoeˬ kʼoꞈ nehˬ ma.”
9Yeˬsuˇ aˬ yawꞈ-ahˇ ehˇ nehˬ-eu, “Iˬ nah nymˇ heu nymˇ-ahˇ ka kʼoꞈ-eu jeˬ keuˆ le-euˬ meh. Aˬ jeˬ miˇ neh ehˇ naˇ, nymˇ sahˇ gʼaˬ kʼawꞈ, Aˬbyaˬhaˬ-euˬ zaˬ meh. 10Tsawˇhaˬ-euˬ Zaˬmaˇ-aˬ, byoˆ-iˇ-euˬ deuˬ-ahˇ poˆ mawˇ-awˇ ka kʼoꞈ-eu gʼaˇ duˬ oe-euˬ meh.”
Shuiˇ maˇ byaˆ gaˇ kawˆ yaw jeˬ ma jeˬ
(Maꞈtehˬ 25.14-30)
11Yeˬsuˇ kʼoeˇ loꞈ-ehˇ ehˇ gaˇ aˬ yawꞈ maꞈ naˇ haˬ luꞈ ngeh, Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ Yeˬluˇsaˬlehˬ meuˬ-ahˇ le keuˆ-eu dawˬ peh peh laˇ-awˇ, Miˬyehˇ Miˇkʼahˬ keuˆ le shaw-iˬ meh lehˇ aˬ yawꞈ maꞈ noeˬ luꞈ-eu meh. 12Kʼoeˇ miˇ neh, aˬ yawꞈ heu loꞈ-ehˇ ehˇ-eu meh. “Sahˬ paˬ-euˬ aˇ jeuˬ pyeuꞈ-eu yaw huiˬ yaw mahˇ tiˬ gʼaˬ, sahˬ paˬ-euˬ aˇ yaˬ ha laˬ-iˇ-eu lehˇ, gaˇ mahˇ kaˬ-eu miˇ kʼahˬ-ahˇ iˇ-euˬ meh. 13Aˬ yawꞈ maˬ iˇ mi naˆ-ehˇ, aˬ yawꞈ-euˬ zaˬ kʼaˆ tseˇ gʼaˬ-ahˇ kuˇ-awˇ, tiˬ gʼaˬ-ahˇ shuiˇ maˇ byaˆ tiˬ byaˆ#19.13 ‘Shuiˇ maˇ byaˆ tiˬ byaˆ’ lehˇ ehˇ gaˇ, Heˬbyehˇ dawˬ ‘pyuˇ tiˬ maˬnehˇ’ lehˇ ehˇ taˬ-euˬ meh. Kʼoeˇ-aˬ, tsawˇ haˬ tiˬgʼaˬ ba la smˇ siˬ gaˇ mˇ-euˬ gʼaˬ gaˇ poeˬ nehˬ-ehˇ di-eu meh.* biꞈ taˬ yaꞈ-awˇ ehˇ nehˬ-eu, ‘Ngaˇ gʼoꞈ keuˆ laˇ ngeh keuˆ ni, heu yuˇ-awˇ jeˬ gaꞈ gaꞈ tawˬ-awˬ.’ 14Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’
15“Tsawˇ haˬ kʼoeˇ gʼaˬ sahˬ paˬ-euˬ aˇ yaˬ yuˇ-awˇ gʼoꞈ laˇ ngeh, aˬ yawꞈ neh shuiˇ maˇ byaˆ biꞈ taˬ yaꞈ-euˬ zaˬ kʼaˆ kʼoeˇ deuˬ aˇ myaˆ ni gaꞈ jeuˬ-euˬ gaˇ kawˆ ya siˬ ni, aˬ yawꞈ jawˇ gaˇ yaw kawˇ-ehˇ bi kuˇ laꞈ-euˬ meh. 16Yaw beh gʼaˬ aˬ yawꞈ-euˬ mehˬ shi laˇ-awˇ ehˇ-eu, ‘Sahˬ paˬ-oˇ, nawˬ-euˬ shuiˇ maˇ byaˆ kʼoeˇ byaˆ neh, shuiˇ maˇ byaˆ tseˇ byaˆ ngaˇ gaꞈ jeuˬ taˬ-euˬ ma.’ 17Aˬ yawꞈ ehˇ kʼoꞈ nehˬ-eu, ‘Muiˬ-eu zaˬ kʼaˆ-oˇ. Muiˬ ngaˇ. Gaˇ yaw nyiˇ laꞈ kʼoeˇ nawˇ saˇ jaˇ ziꞈ-eu baˬ da neh, meuˬ tseˇ meuˬ-ahˇ uˆ lahˇ-eu baoˬ, ngaˇ nawˬ-ahˇ biꞈ-eu ma.’ 18Nyiˬ gʼaˬ tiˬ gʼaˬ laˇ-awˇ ehˇ-eu, ‘Sahˬ paˬ-oˇ, nawˬ-euˬ shuiˇ maˇ byaˆ kʼoeˇ byaˆ neh, shuiˇ maˇ byaˆ ngaˬ byaˆ ngaˇ gaꞈ jeuˬ taˬ-euˬ ma.’ 19Aˬ yawꞈ ehˇ kʼoꞈ nehˬ-eu, ‘Meuˬ ngaˬ meuˬ-ahˇ uˆ lahˇ-eu baoˬ, ngaˇ nawˬ-ahˇ biꞈ-eu ma.’
20Tiˬ gʼaˬ paˇ laˇ-awˇ ehˇ-eu, ‘Sahˬ paˬ-oˇ, nawˬ-euˬ shuiˇ maˇ byaˆ hehˬ. Nawˬ-euˬ shuiˇ maˇ byaˆ-ahˇ paˇ jeh neh toeˆ cuꞈ-awˇ bi jaˆ-euˬ ma. 21Aˬ jeˬ miˇ neh ehˇ naˇ, nawˇ yaw yaꞈ miˇ neh nawˬ-ahˇ ngaˇ guˆ-eu ma. Nawˬ neh maˬ yuˇ taˬ-euˬ gaˇ nawˇ yuˇ geuꞈ-awˇ, nawˬ neh maˬ sehˬ-euˬ gaˇ nawˇ yehˬ dzaˬ-eu meh.’
22“Aˬ yawꞈ ehˇ kʼoꞈ nehˬ-eu, ‘Haiˬ dui dui-eu zaˬ kʼaˆ-oˇ, nawˬ-euˬ kʼaˬ meh-ahˇ doˆ le-euˬ dawˬ neh, nawˬ-ahˇ ngaˇ yaˇ kʼaˬ daˇ ma. Ngaˬ neh maˬ yuˇ taˬ-euˬ gaˇ ngaˇ yuˇ geuꞈ-awˇ, ngaˬ neh maˬ sehˬ-euˬ gaˇ ngaˇ yehˬ dzaˬ-euˬ nawˇ siˬ duˬ-eu nga laˬ. 23Toˆ-ehˇ ngeuˇ-eu maˇ-iˬ, aˬ jeˬ miˇ neh ngaˬ-euˬ pyuˇ-ahˇ pyuˇ cehˇ jiˇ laꞈ kʼoeˇ maˬ dawˆ ahˇ-iˇ teˬ. Dawˆ ahˇ-iˇ law nmˇ-aˬ, ngaˇ gʼoꞈ keuˆ laˇ ngeh, ngaˬ-euˬ pyuˇ uˬ taꞈ, jiˇ jeuˬ kʼawꞈ ngaˇ paˇ za tehꞈ-a.’
24“ Kʼoeˇ naˇ, kʼoeˇ gaˇ yawꞈ luꞈ-eu tsawˇ haˬ deuˬ-ahˇ aˬ yawꞈ ehˇ nehˬ-eu, ‘Aˬ yawꞈ jawˇ gaˇ jaˆ-eu shuiˇ maˇ byaˆ kʼoeˇ byaˆ yuˇ kʼoꞈ-awˇ, shuiˇ maˇ byaˆ tseˇ byaˆ ahˇ-eu gʼaˬ-ahˇ biꞈ nehˬ-awˬ.’ 25Ehˇ kʼawꞈ, aˬ yawꞈ maꞈ ehˇ-eu, ‘Sahˬ paˬ-oˇ, aˬ yawꞈ shuiˇ maˇ byaˆ tseˇ byaˆ ahˇ-eu beu tawˇ.’ 26Aˬ yawꞈ ehˇ-eu, ‘Ngaˇ naw maꞈ-ahˇ ehˇ nehˬ nyaˇ. Jaˆ-eu tsawˇ haˬ yawˬ gʼaˬ na luꞈ-ahˇ paˇ biꞈ lahˬ nehˬ tehꞈ-a. Maˬ jaˆ-eu tsawˇ haˬ-aˬ, maˬ jaˆ kʼaˇ jaˆ-eu dawˬ tawˆ luꞈ bi yuˇ jiˇ tehꞈ-a. 27Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’
Yeˬsuˇ mahˬ tahˬ laˆ dziˬ-awˇ Yeˬluˇsaˬlehˬ meuˬ-ahˇ uˇ leˇ-euˬ
(Maꞈtehˬ 21.1-11; Maˬkuˆ 11.1-11; Yoˇhaˬ 12.12-19)
28Yeˬsuˇ kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ-euˬ mehˬ hu Yeˬluˇsaˬlehˬ meuˬ-ahˇ aˬ yawꞈ le tawˬ-euˬ meh. 29Saˬloˬ gawˬ jawˬ-ahˇ jaˆ-eu Behˬpaˇgeˬ pu hawˇ-eu Beˬtaˬniˇ pu dawˬ peh aˬ yawꞈ le keuˆ ngeh, aˬ yawꞈ-euˬ zaˬ lahˇ nyiˬ gʼaˬ-ahˇ mehˬ hu paw pyehˬ gʼeh-euˬ meh. 30Zaˬ lahˇ kʼoeˇ nyiˬ gʼaˬ-ahˇ heu loꞈ-ehˇ mehˬ nehˬ-awˇ bi le-euˬ meh. “Naw nyaꞈ-euˬ mehˬ hu jaˆ-eu pu kʼoeˇ pu-ahˇ le-awˬ. Naw nyaꞈ pu-ahˇ uˇ leˇ-eu nehˬ-ehˇ, tsawˇ haˬ tiˬ gʼaˬ-iˬ maˬ dziˬ haw-euˬ mahˬ tahˬ laˆ zaˬ tiˬ mawˇ paꞈ tawꞈ taˬ-awˇ jawˇ gaˇ ya mawˇ tehꞈ-a. Aˇ caˆ tseuˆ puiˇ-awˇ heu gaˇ tsahˇ kʼoꞈ leꞈ-awˬ. 31Tsawˇ haˬ tiˬ gʼaˬ na, ‘Aˬ jeˬ miˇ neh mahˬ tahˬ laˆ aˇ caˆ tseuˆ puiˇ te’ lehˇ ehˇ laˇ naˇ, ‘Sahˬpaˬ loˬ-eu meh’ lehˇ ehˇ nehˬ-awˬ.”
32Aˬ yawꞈ nyaꞈ le ngeh, yawˬ jeˬ na luꞈ Yeˬsuˇ neh kʼaˇ ehˇ-euˬ loꞈ-ehˇ jaˆ gaˇ ya mawˇ-euˬ meh. 33Aˬ yawꞈ nyaꞈ mahˬ tahˬ laˆ aˇ caˆ tseuˆ puiˇ ngeh, “Naw nyaꞈ aˬ jeˬ miˇ neh mahˬ tahˬ laˆ aˇ caˆ tseuˆ puiˇ te” lehˇ, yaw sahˇ gʼaˬ ehˇ-eu meh.
34“Sahˬpaˬ loˬeu meh” lehˇ, aˬ yawꞈ nyaꞈ ehˇ kʼoꞈ nehˬ-euˬ meh. 35Kʼoeˇ naˇ, mahˬ tahˬ laˆ zaˬ kʼoeˇ mawˇ-ahˇ Yeˬsuˇ jawˇ gaˇ tsahˇ kʼoꞈ leꞈ-awˇ, aˬ yawꞈ maꞈ-euˬ mehˬ tsoeˬ mahˬ tahˬ laˆ kʼoeˇ taˆ lehˆ kʼawˬ-awˇ, Yeˬsuˇ bi dziˬ-euˬ meh. 36Aˬ yawꞈ mahˬ tahˬ laˆ dziˬ-awˇ le luꞈ ngeh, aˬ yawꞈ maꞈ-euˬ mehˬ tsoeˬ lehˆ-awˇ gaˇ ma-ahˇ kʼawˬ nehˬ-euˬ meh.
37Yeˬluˇsaˬlehˬ meuˬ dawˬ peh le keuˆ-awˇ, Saˬloˬ gawˬ jawˬ iˇ ka ngeh, zaˬ lahˇ deuˬ baˬ maꞈ maꞈ lah-ehˇ laˬ kʼaˬ cehˇ dui dui-awˇ, aˬ yawꞈ maꞈ neh ya mawˇ-euˬ huiˬ dui dui-eu gaˇ kʼoeˇ deuˬ gʼaˇ duˬ, yaw kʼaˆ-ehˇ guˇ guˇ-ehˇ Miˬyehˇ-ahˇ ja ceuˬ-euˬ meh. 38“Sahˬpaˬ Miˬyehˇ-euˬ tsawˇ myahˇ uˬ moˆ oe-euˬ sahˬ paˬ guiˬ lahˬ huiˬ luꞈ-uˇ. Mˬ kʼoeˇ taˆ nui saˇ oꞈ-eu jeˬ jaˆ-awˇ, yaw goˇ jawˇ-eu Miˬyehˇ yaw shehꞈ kʼahˬ sehˇ huiˬ luꞈ-uˇ.”
39Kʼoeˇ ngeh, tsawˇ haˬ aˇ maꞈ laꞈ kʼoeˇ ahˇ-eu Paˬliˬsehˇ tiˬ paˆ na deuˬ Yeˬsuˇ-ahˇ ehˇ-eu, “Saˬ laˬ-oˇ, nawˬ-euˬ zaˬ lahˇ deuˬ-ahˇ yaw kʼaˆ-ehˇ taˬ guˇ lehˇ dehˬ-awˬ.” 40Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ maˬ guˇ-ehˇ naˬ leˇ naˇ, kʼaˬ lo deuˬ guˇ laˇ tehꞈ-a.”
Yeˬluˇsaˬlehˬ meuˬ gʼaˇ duˬ Yeˬsuˇ tsawˇ ngoeˇ ngoeˇ-euˬ
41Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ, 42heu loꞈ-ehˇ ehˇ-eu meh. “Yeˬluˇsaˬlehˬ meuˬ-oˇ, nawˬ-ahˇ nui saˇ oꞈ-eu jeˬ biꞈ nya-eu aˬ jeˬ-a lehˇ iˬ nah nawˇ siˬ nya law nmˇ-aˬ, muiˬ dui dui meh. Ehˇ kʼawꞈ, kʼoeˇ jeˬ-ahˇ nymˬ-mˇ nawˇ maˬ mawˇ-a. 43Nawˬ-ahˇ muiˇ-eu deuˬ nawˬ-euˬ tiˬ jawˬ taˆ ciˬ goˇ-awˇ loꞈ jawˬ-eu laꞈ kʼoeˇ, yawˬ paw na luꞈ tah uˇ le-eu aˇ nah keuˆ le tehꞈ-a. 44Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”
Yeˬsuˇ Uˬ duˬ tahˬ nymˇ nymˇ ma-ahˇ laˆ muiˬ laˆ shawˇ-awˇ mehˬ-euˬ tsoˆ-euˬ
(Maꞈtehˬ 21.12-17; Maˬkuˆ 11.15-19; Yoˇhaˬ 2.13-22)
45Kʼoeˇ naˇ, Uˬ duˬ tahˬ nymˇ nymˇ ma-ahˇ Yeˬsuˇ uˇ leˇ-awˇ, myawˬ ahˬ-eu tsawˇ haˬ deuˬ-ahˇ teh doˆ-euˬ meh. 46Aˬ yawꞈ maꞈ-ahˇ aˬ yawꞈ ehˇ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ guiˬ lahˇ shaˇ-eu nymˇ lehˇ kuˇ tehꞈ-a’ lehˇ, Miˬyehˇ neh ehˇ taˬ-euˬ dawˬ Jaˇliꞈ laꞈ kʼoeˇ boꞈ taˬ-euˬ meh. Ehˇ kʼawꞈ, smˇ kʼoeˬ tahˇ joe deuˬ-euˬ baˇ shmˇ duˬ pyeuꞈ-iˇ ni naw maꞈ jahˇ luꞈ-eu ngaˇ.”
47Yawˬ nah na luꞈ, Uˬ duˬ tahˬ nymˇ nymˇ ma laꞈ kʼoeˇ Yeˬsuˇ mehˬ nehˬ tsoˆ nehˬ-euˬ meh. Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-ahˇ sehꞈ mawꞈ-eu meh. 48Ehˇ kʼawꞈ, aˬ yawꞈ maꞈ tiˬ jeˬ-iˬ maˬ gʼeh nya-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ aˬ yawꞈ-euˬ dawˬ-ahˇ naˇ haˬ mawꞈ dui dui-awˇ, tiˬ dawˬ-iˬ maˬ bi ga ka yaꞈ mawꞈ-a.
Pašlaik izvēlēts:
Luˇkaꞈ 19: AHK
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Akha Bible Revision (Latin Script) © Thailand Bible Society, 2011.
Luˇkaꞈ 19
19
Yeˬsuˇ hawˇ-eu Saˬgehˇ
1Yeˬliˇkoˇ meuˬ-ahˇ Yeˬsuˇ le uˇ-awˇ cah gʼeh luꞈ-eu meh. 2Saˬgehˇ lehˇ myahˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Aˬ yawꞈ-aˬ, kawˬ taꞈ-eu paw yaw huiˬ keuˆ leˇ taˬ-euˬ tiˬ gʼaˬ pyeuꞈ-awˇ, smˇ muiˬ muiˬ-eu meh. 3Aˬ yawꞈ Yeˬsuˇ-ahˇ mawˇ haw mawꞈ-eu meh. Ehˇ kʼawꞈ, tsawˇ haˬ myaˬ dui dui-eu uˬ taꞈ, aˬ yawꞈ-euˬ gʼawˇ mawˇ yaw awˆ miˇ neh, maˬ haw mawˇ nya-a. 4Yeˬsuˇ-ahˇ aˬ yawꞈ haw mawˇ nya ni, Yeˬsuˇ iˇ-eu gaˇ ma kʼoeˇ kahˇ caw caw-ehˇ, mehˬ hu paw aˬ yawꞈ cehˆ kʼmˬ-iˇ-awˇ, siˬ guˬ maˇ sheuˇ aˇ bawˇ-ahˇ daˆ leˇ-awˇ loꞈ-euˬ meh. 5Yeˬsuˇ kʼoeˇ gaˇ iˇ keuˆ ngeh, aˬ yawꞈ-ahˇ gʼawˇ leuˇ haw-awˇ, “Saˬgehˇ-oˇ, yaw kawˇ-ehˇ zaꞈ ka le-awˬ. Iˬ nah nawˬ-euˬ nymˇ-ahˇ ngaˇ ya naˬ laˇ nga” lehˇ ehˇ nehˬ-euˬ mah.
6Kʼoeˇ ngeh, aˬ yawꞈ yaw kawˇ-ehˇ zaꞈ ka le-awˇ, Yeˬsuˇ-ahˇ laˬ kʼaˬ tiˬ cehˇ ha-euˬ meh. 7Kʼoeˇ gaˇ kʼaˇ mawˇ-euˬ tsawˇ haˬ dawˬ tawˆ luꞈ Yeˬsuˇ-ahˇ mahˇ mahˇ-ehˇ ehˇ-eu, “Tsawˇ haˬ teu gʼaˬ aˬ joˆ-ehˇ iˬ baˇ zaˬ-euˬ nymˇ-ahˇ daˬ yah geuꞈ-iˇ-eu nga.”
8Saˬgehˇ tuˇ-awˇ, Sahˬpaˬ Yeˬsuˇ-ahˇ ehˇ nehˬ-eu, “Sahˬpaˬ-oˇ, ngaˬ-euˬ pyuˇ shuiˇ myawˬ gahˬ tiˬ paˆ, shaˬ-eu zahˬ-eu tsawˇ haˬ deuˬ-ahˇ biꞈ ma. Ngaˬ neh tsawˇ haˬ tiˬ gʼaˬ na-ahˇ tiˬ jeˬ paˬ myawꞈ dzaˬ taˬ-euˬ jaˆ naˇ, oeˬ bymˇ tsoeˬ kʼoꞈ nehˬ ma.”
9Yeˬsuˇ aˬ yawꞈ-ahˇ ehˇ nehˬ-eu, “Iˬ nah nymˇ heu nymˇ-ahˇ ka kʼoꞈ-eu jeˬ keuˆ le-euˬ meh. Aˬ jeˬ miˇ neh ehˇ naˇ, nymˇ sahˇ gʼaˬ kʼawꞈ, Aˬbyaˬhaˬ-euˬ zaˬ meh. 10Tsawˇhaˬ-euˬ Zaˬmaˇ-aˬ, byoˆ-iˇ-euˬ deuˬ-ahˇ poˆ mawˇ-awˇ ka kʼoꞈ-eu gʼaˇ duˬ oe-euˬ meh.”
Shuiˇ maˇ byaˆ gaˇ kawˆ yaw jeˬ ma jeˬ
(Maꞈtehˬ 25.14-30)
11Yeˬsuˇ kʼoeˇ loꞈ-ehˇ ehˇ gaˇ aˬ yawꞈ maꞈ naˇ haˬ luꞈ ngeh, Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ Yeˬluˇsaˬlehˬ meuˬ-ahˇ le keuˆ-eu dawˬ peh peh laˇ-awˇ, Miˬyehˇ Miˇkʼahˬ keuˆ le shaw-iˬ meh lehˇ aˬ yawꞈ maꞈ noeˬ luꞈ-eu meh. 12Kʼoeˇ miˇ neh, aˬ yawꞈ heu loꞈ-ehˇ ehˇ-eu meh. “Sahˬ paˬ-euˬ aˇ jeuˬ pyeuꞈ-eu yaw huiˬ yaw mahˇ tiˬ gʼaˬ, sahˬ paˬ-euˬ aˇ yaˬ ha laˬ-iˇ-eu lehˇ, gaˇ mahˇ kaˬ-eu miˇ kʼahˬ-ahˇ iˇ-euˬ meh. 13Aˬ yawꞈ maˬ iˇ mi naˆ-ehˇ, aˬ yawꞈ-euˬ zaˬ kʼaˆ tseˇ gʼaˬ-ahˇ kuˇ-awˇ, tiˬ gʼaˬ-ahˇ shuiˇ maˇ byaˆ tiˬ byaˆ#19.13 ‘Shuiˇ maˇ byaˆ tiˬ byaˆ’ lehˇ ehˇ gaˇ, Heˬbyehˇ dawˬ ‘pyuˇ tiˬ maˬnehˇ’ lehˇ ehˇ taˬ-euˬ meh. Kʼoeˇ-aˬ, tsawˇ haˬ tiˬgʼaˬ ba la smˇ siˬ gaˇ mˇ-euˬ gʼaˬ gaˇ poeˬ nehˬ-ehˇ di-eu meh.* biꞈ taˬ yaꞈ-awˇ ehˇ nehˬ-eu, ‘Ngaˇ gʼoꞈ keuˆ laˇ ngeh keuˆ ni, heu yuˇ-awˇ jeˬ gaꞈ gaꞈ tawˬ-awˬ.’ 14Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’
15“Tsawˇ haˬ kʼoeˇ gʼaˬ sahˬ paˬ-euˬ aˇ yaˬ yuˇ-awˇ gʼoꞈ laˇ ngeh, aˬ yawꞈ neh shuiˇ maˇ byaˆ biꞈ taˬ yaꞈ-euˬ zaˬ kʼaˆ kʼoeˇ deuˬ aˇ myaˆ ni gaꞈ jeuˬ-euˬ gaˇ kawˆ ya siˬ ni, aˬ yawꞈ jawˇ gaˇ yaw kawˇ-ehˇ bi kuˇ laꞈ-euˬ meh. 16Yaw beh gʼaˬ aˬ yawꞈ-euˬ mehˬ shi laˇ-awˇ ehˇ-eu, ‘Sahˬ paˬ-oˇ, nawˬ-euˬ shuiˇ maˇ byaˆ kʼoeˇ byaˆ neh, shuiˇ maˇ byaˆ tseˇ byaˆ ngaˇ gaꞈ jeuˬ taˬ-euˬ ma.’ 17Aˬ yawꞈ ehˇ kʼoꞈ nehˬ-eu, ‘Muiˬ-eu zaˬ kʼaˆ-oˇ. Muiˬ ngaˇ. Gaˇ yaw nyiˇ laꞈ kʼoeˇ nawˇ saˇ jaˇ ziꞈ-eu baˬ da neh, meuˬ tseˇ meuˬ-ahˇ uˆ lahˇ-eu baoˬ, ngaˇ nawˬ-ahˇ biꞈ-eu ma.’ 18Nyiˬ gʼaˬ tiˬ gʼaˬ laˇ-awˇ ehˇ-eu, ‘Sahˬ paˬ-oˇ, nawˬ-euˬ shuiˇ maˇ byaˆ kʼoeˇ byaˆ neh, shuiˇ maˇ byaˆ ngaˬ byaˆ ngaˇ gaꞈ jeuˬ taˬ-euˬ ma.’ 19Aˬ yawꞈ ehˇ kʼoꞈ nehˬ-eu, ‘Meuˬ ngaˬ meuˬ-ahˇ uˆ lahˇ-eu baoˬ, ngaˇ nawˬ-ahˇ biꞈ-eu ma.’
20Tiˬ gʼaˬ paˇ laˇ-awˇ ehˇ-eu, ‘Sahˬ paˬ-oˇ, nawˬ-euˬ shuiˇ maˇ byaˆ hehˬ. Nawˬ-euˬ shuiˇ maˇ byaˆ-ahˇ paˇ jeh neh toeˆ cuꞈ-awˇ bi jaˆ-euˬ ma. 21Aˬ jeˬ miˇ neh ehˇ naˇ, nawˇ yaw yaꞈ miˇ neh nawˬ-ahˇ ngaˇ guˆ-eu ma. Nawˬ neh maˬ yuˇ taˬ-euˬ gaˇ nawˇ yuˇ geuꞈ-awˇ, nawˬ neh maˬ sehˬ-euˬ gaˇ nawˇ yehˬ dzaˬ-eu meh.’
22“Aˬ yawꞈ ehˇ kʼoꞈ nehˬ-eu, ‘Haiˬ dui dui-eu zaˬ kʼaˆ-oˇ, nawˬ-euˬ kʼaˬ meh-ahˇ doˆ le-euˬ dawˬ neh, nawˬ-ahˇ ngaˇ yaˇ kʼaˬ daˇ ma. Ngaˬ neh maˬ yuˇ taˬ-euˬ gaˇ ngaˇ yuˇ geuꞈ-awˇ, ngaˬ neh maˬ sehˬ-euˬ gaˇ ngaˇ yehˬ dzaˬ-euˬ nawˇ siˬ duˬ-eu nga laˬ. 23Toˆ-ehˇ ngeuˇ-eu maˇ-iˬ, aˬ jeˬ miˇ neh ngaˬ-euˬ pyuˇ-ahˇ pyuˇ cehˇ jiˇ laꞈ kʼoeˇ maˬ dawˆ ahˇ-iˇ teˬ. Dawˆ ahˇ-iˇ law nmˇ-aˬ, ngaˇ gʼoꞈ keuˆ laˇ ngeh, ngaˬ-euˬ pyuˇ uˬ taꞈ, jiˇ jeuˬ kʼawꞈ ngaˇ paˇ za tehꞈ-a.’
24“ Kʼoeˇ naˇ, kʼoeˇ gaˇ yawꞈ luꞈ-eu tsawˇ haˬ deuˬ-ahˇ aˬ yawꞈ ehˇ nehˬ-eu, ‘Aˬ yawꞈ jawˇ gaˇ jaˆ-eu shuiˇ maˇ byaˆ kʼoeˇ byaˆ yuˇ kʼoꞈ-awˇ, shuiˇ maˇ byaˆ tseˇ byaˆ ahˇ-eu gʼaˬ-ahˇ biꞈ nehˬ-awˬ.’ 25Ehˇ kʼawꞈ, aˬ yawꞈ maꞈ ehˇ-eu, ‘Sahˬ paˬ-oˇ, aˬ yawꞈ shuiˇ maˇ byaˆ tseˇ byaˆ ahˇ-eu beu tawˇ.’ 26Aˬ yawꞈ ehˇ-eu, ‘Ngaˇ naw maꞈ-ahˇ ehˇ nehˬ nyaˇ. Jaˆ-eu tsawˇ haˬ yawˬ gʼaˬ na luꞈ-ahˇ paˇ biꞈ lahˬ nehˬ tehꞈ-a. Maˬ jaˆ-eu tsawˇ haˬ-aˬ, maˬ jaˆ kʼaˇ jaˆ-eu dawˬ tawˆ luꞈ bi yuˇ jiˇ tehꞈ-a. 27Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’
Yeˬsuˇ mahˬ tahˬ laˆ dziˬ-awˇ Yeˬluˇsaˬlehˬ meuˬ-ahˇ uˇ leˇ-euˬ
(Maꞈtehˬ 21.1-11; Maˬkuˆ 11.1-11; Yoˇhaˬ 12.12-19)
28Yeˬsuˇ kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ-euˬ mehˬ hu Yeˬluˇsaˬlehˬ meuˬ-ahˇ aˬ yawꞈ le tawˬ-euˬ meh. 29Saˬloˬ gawˬ jawˬ-ahˇ jaˆ-eu Behˬpaˇgeˬ pu hawˇ-eu Beˬtaˬniˇ pu dawˬ peh aˬ yawꞈ le keuˆ ngeh, aˬ yawꞈ-euˬ zaˬ lahˇ nyiˬ gʼaˬ-ahˇ mehˬ hu paw pyehˬ gʼeh-euˬ meh. 30Zaˬ lahˇ kʼoeˇ nyiˬ gʼaˬ-ahˇ heu loꞈ-ehˇ mehˬ nehˬ-awˇ bi le-euˬ meh. “Naw nyaꞈ-euˬ mehˬ hu jaˆ-eu pu kʼoeˇ pu-ahˇ le-awˬ. Naw nyaꞈ pu-ahˇ uˇ leˇ-eu nehˬ-ehˇ, tsawˇ haˬ tiˬ gʼaˬ-iˬ maˬ dziˬ haw-euˬ mahˬ tahˬ laˆ zaˬ tiˬ mawˇ paꞈ tawꞈ taˬ-awˇ jawˇ gaˇ ya mawˇ tehꞈ-a. Aˇ caˆ tseuˆ puiˇ-awˇ heu gaˇ tsahˇ kʼoꞈ leꞈ-awˬ. 31Tsawˇ haˬ tiˬ gʼaˬ na, ‘Aˬ jeˬ miˇ neh mahˬ tahˬ laˆ aˇ caˆ tseuˆ puiˇ te’ lehˇ ehˇ laˇ naˇ, ‘Sahˬpaˬ loˬ-eu meh’ lehˇ ehˇ nehˬ-awˬ.”
32Aˬ yawꞈ nyaꞈ le ngeh, yawˬ jeˬ na luꞈ Yeˬsuˇ neh kʼaˇ ehˇ-euˬ loꞈ-ehˇ jaˆ gaˇ ya mawˇ-euˬ meh. 33Aˬ yawꞈ nyaꞈ mahˬ tahˬ laˆ aˇ caˆ tseuˆ puiˇ ngeh, “Naw nyaꞈ aˬ jeˬ miˇ neh mahˬ tahˬ laˆ aˇ caˆ tseuˆ puiˇ te” lehˇ, yaw sahˇ gʼaˬ ehˇ-eu meh.
34“Sahˬpaˬ loˬeu meh” lehˇ, aˬ yawꞈ nyaꞈ ehˇ kʼoꞈ nehˬ-euˬ meh. 35Kʼoeˇ naˇ, mahˬ tahˬ laˆ zaˬ kʼoeˇ mawˇ-ahˇ Yeˬsuˇ jawˇ gaˇ tsahˇ kʼoꞈ leꞈ-awˇ, aˬ yawꞈ maꞈ-euˬ mehˬ tsoeˬ mahˬ tahˬ laˆ kʼoeˇ taˆ lehˆ kʼawˬ-awˇ, Yeˬsuˇ bi dziˬ-euˬ meh. 36Aˬ yawꞈ mahˬ tahˬ laˆ dziˬ-awˇ le luꞈ ngeh, aˬ yawꞈ maꞈ-euˬ mehˬ tsoeˬ lehˆ-awˇ gaˇ ma-ahˇ kʼawˬ nehˬ-euˬ meh.
37Yeˬluˇsaˬlehˬ meuˬ dawˬ peh le keuˆ-awˇ, Saˬloˬ gawˬ jawˬ iˇ ka ngeh, zaˬ lahˇ deuˬ baˬ maꞈ maꞈ lah-ehˇ laˬ kʼaˬ cehˇ dui dui-awˇ, aˬ yawꞈ maꞈ neh ya mawˇ-euˬ huiˬ dui dui-eu gaˇ kʼoeˇ deuˬ gʼaˇ duˬ, yaw kʼaˆ-ehˇ guˇ guˇ-ehˇ Miˬyehˇ-ahˇ ja ceuˬ-euˬ meh. 38“Sahˬpaˬ Miˬyehˇ-euˬ tsawˇ myahˇ uˬ moˆ oe-euˬ sahˬ paˬ guiˬ lahˬ huiˬ luꞈ-uˇ. Mˬ kʼoeˇ taˆ nui saˇ oꞈ-eu jeˬ jaˆ-awˇ, yaw goˇ jawˇ-eu Miˬyehˇ yaw shehꞈ kʼahˬ sehˇ huiˬ luꞈ-uˇ.”
39Kʼoeˇ ngeh, tsawˇ haˬ aˇ maꞈ laꞈ kʼoeˇ ahˇ-eu Paˬliˬsehˇ tiˬ paˆ na deuˬ Yeˬsuˇ-ahˇ ehˇ-eu, “Saˬ laˬ-oˇ, nawˬ-euˬ zaˬ lahˇ deuˬ-ahˇ yaw kʼaˆ-ehˇ taˬ guˇ lehˇ dehˬ-awˬ.” 40Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ maˬ guˇ-ehˇ naˬ leˇ naˇ, kʼaˬ lo deuˬ guˇ laˇ tehꞈ-a.”
Yeˬluˇsaˬlehˬ meuˬ gʼaˇ duˬ Yeˬsuˇ tsawˇ ngoeˇ ngoeˇ-euˬ
41Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ, 42heu loꞈ-ehˇ ehˇ-eu meh. “Yeˬluˇsaˬlehˬ meuˬ-oˇ, nawˬ-ahˇ nui saˇ oꞈ-eu jeˬ biꞈ nya-eu aˬ jeˬ-a lehˇ iˬ nah nawˇ siˬ nya law nmˇ-aˬ, muiˬ dui dui meh. Ehˇ kʼawꞈ, kʼoeˇ jeˬ-ahˇ nymˬ-mˇ nawˇ maˬ mawˇ-a. 43Nawˬ-ahˇ muiˇ-eu deuˬ nawˬ-euˬ tiˬ jawˬ taˆ ciˬ goˇ-awˇ loꞈ jawˬ-eu laꞈ kʼoeˇ, yawˬ paw na luꞈ tah uˇ le-eu aˇ nah keuˆ le tehꞈ-a. 44Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”
Yeˬsuˇ Uˬ duˬ tahˬ nymˇ nymˇ ma-ahˇ laˆ muiˬ laˆ shawˇ-awˇ mehˬ-euˬ tsoˆ-euˬ
(Maꞈtehˬ 21.12-17; Maˬkuˆ 11.15-19; Yoˇhaˬ 2.13-22)
45Kʼoeˇ naˇ, Uˬ duˬ tahˬ nymˇ nymˇ ma-ahˇ Yeˬsuˇ uˇ leˇ-awˇ, myawˬ ahˬ-eu tsawˇ haˬ deuˬ-ahˇ teh doˆ-euˬ meh. 46Aˬ yawꞈ maꞈ-ahˇ aˬ yawꞈ ehˇ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ guiˬ lahˇ shaˇ-eu nymˇ lehˇ kuˇ tehꞈ-a’ lehˇ, Miˬyehˇ neh ehˇ taˬ-euˬ dawˬ Jaˇliꞈ laꞈ kʼoeˇ boꞈ taˬ-euˬ meh. Ehˇ kʼawꞈ, smˇ kʼoeˬ tahˇ joe deuˬ-euˬ baˇ shmˇ duˬ pyeuꞈ-iˇ ni naw maꞈ jahˇ luꞈ-eu ngaˇ.”
47Yawˬ nah na luꞈ, Uˬ duˬ tahˬ nymˇ nymˇ ma laꞈ kʼoeˇ Yeˬsuˇ mehˬ nehˬ tsoˆ nehˬ-euˬ meh. Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-ahˇ sehꞈ mawꞈ-eu meh. 48Ehˇ kʼawꞈ, aˬ yawꞈ maꞈ tiˬ jeˬ-iˬ maˬ gʼeh nya-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ aˬ yawꞈ-euˬ dawˬ-ahˇ naˇ haˬ mawꞈ dui dui-awˇ, tiˬ dawˬ-iˬ maˬ bi ga ka yaꞈ mawꞈ-a.
Pašlaik izvēlēts:
:
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Akha Bible Revision (Latin Script) © Thailand Bible Society, 2011.