Israelfɔ Ɩlʋ 11
11
Aha Ánɩ́ Amʋ́ Asʋn Da Ɔkpa Obówun Bulu Ansɩtɔ
Dawid ɩlʋ ha ɩlʋ osunapʋ.
1Nana Bulu nasrɩ tanʋ.
Ɔkpa mɔmʋsʋ mlɩdɛ mɩ bla mlɩaa,
“Wa ɔsa srɩ ŋain,
fɛ alɩá obubwi tofuli yɔ ɩbʋsʋ?
2Tsufɛ aha lalahɛ baklɩ amʋ́ ɩta, bɩtɩ mʋ́.
Baŋain okluntɔ bɔ́tswɩ aha ánɩ́ amʋ́ asʋn da ɔkpa.
3Nɩ bobwie ntswɩasɩ amʋ bun a,
ntɔ ɔha yile ɔbɛ́talɩ bwɛ?”
4Nana Bulu bʋ mʋ Ɔtswɛkpa.
Otsie mʋ owie-obiasʋ ɔsʋsʋ.
Ɔdɛ anyankpʋsa ánɩ́ bʋbʋ ɔtɩnɛgyiɔtɩnɛ kɩ.
Odewun tɔá bʋdɛbwɛ.
5Nana Bulu tɛkapʋ yile abwɛpʋ pʋ́ lalahɛ abwɛpʋ kɩ,
tamɛ otekisi aha ánɩ́ bʋtekle owuntɔlɩn.
6Ɔbɛ́ha atonkodu mʋ́a agyawunuá ɩdɛhɔ bótswie wʋlɩ lakpan abwɛpʋsʋ.
Lɩlɩtɔ afuá mʋ́ ɔnɔ bʋ ɔnlɩn ɔbɔ́pʋnuna amʋ́.
7Tsufɛ yile ɔbwɛpʋ Nana Bulu gyi.
Otekle yile.
Aha ánɩ́ amʋ́ asʋn da ɔkpa obówun mʋ ansɩtɔ.
Pašlaik izvēlēts:
Israelfɔ Ɩlʋ 11: nko
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation