Andinin-tSoratra Masina malaza indrindra nalaina tao amin'ny Yohana 6

Hizara

Nǝngɔ Yesu a jǝla ji gɔ, “Nǝmǝ mǝ jǝjalǝn kʊlɨgɨɨ. Nʊ nɨ a bɛ daa mǝ woi, mɨsɔ nyʊwa jʊwan nɛ wo. Nʊ nɨ a nǝ bɨlǝngkɛl a daa mǝ woi, mɨsɔ yǝla lɛ a nyʊwa diil mwɛn wo tag.

Yʊwa Kwaamaɨ nǝn gɔ nǝ kʊlɨ lɛɨ, bʊtɔgɔ mɨ nǝn kaa kwaan wo. Kɛltɨn nɨ mǝ sʊwa jeni, n Yʊwa jǝbɔ kʊlɨ.

Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Nǝngɔ Yesu a jǝla ji gɔ, “Wʊnɨ nǝn gɔ jʊ Kwaama swɨ lɛɨ, jǝ́ nǝ bɨlǝngkɛl a nʊ nɨ ga twamɨ.”

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Nǝngɔ Saminu Bitrus a jǝla gǝn gɔ, “Tɛlalɔ, nǝ yi a daa woi? Mɔ nǝngǝn nǝn kɛl nɨ nǝ kʊlɨ lɛ mɨ dɨltǝm woi.

Nǝmǝ mǝ jǝjalǝn kʊlɨ nɨ a gǝla a dʌbʌli. Na nʊ nɨ a ja jǝjalǝn nɨ, yɨ yɨ nǝn kʊlɨ mɨ dɨltǝm wo. Jǝjalǝn nɨ n nam bʊtɔ mɨ, wʊnɨ mǝ nǝ lɛɨ sǝ yooli nɨ a nya kʊlɨɨ.”

Mɨ nʊ nɨ dwal lɛ a bɛ a daa mǝ woi, na ke bɔ Tɛtɛ nɨ a twam ɨ a gʊ gǝnɨ. Mǝ tǝmɨ mǝ gung gung nʊ nɨ a kɔkɔ dɨltǝmɔ gǝm.

Jǝjalǝn Kwaamaɨ nʊ nɨ gǝla lɛ a dʌbʌli, wʊnɨ nǝ yooligɔ kʊlɨ lɛɨ.”

Nǝmǝ mǝ jǝjalǝn nɨ nǝ kʊlɨ lɛɨ.

Yesu a do kʊkkʊm nɨɨ, a buu Kwaama gǝm kangɨ, nǝngɔ a tǝga nǝb nɨ yǝm yǝmɨ, a nǝ ji kanga la jim lɛɨ. A maa nyɔ tag nǝn jʌngitɨnɔ. Ja ja, ja boba. Nǝngɔ a sʊwa bɛtɔ mɛlalɨ gǝnɔ gɔ, “Jǝ́ mʊr fʌtʌlogigɔ a bǝlaɨ. Ka jǝ́ bǝla lɛ kaa jǝl a kala.”

Nǝn kwama ja mǝgǝm tɨyamwɛngɔ mɛlɔ taalɨ na mɨ nyɨɨ naalɨ, nǝngɔ la jǝ kuwo Yesu yɔ yɔmɔ lɛ a dʌbʌl mwɛɨ, bɛ lɛ nǝn dɔɔm a tɨyamwɛngɔ gǝm. Nǝngɔ taalɔ a ta jii. Nǝngɔ Yesu a sʊwa ji gɔ, “Nǝmǝ, ka jǝ́ nyʊwa lɛ taal.”