Andinin-tSoratra Masina malaza indrindra nalaina tao amin'ny Salamo 42

Hizara

Nahoana no mitanondrika hianao, ry fanahiko? ary nahoana no mitoloko ato anatiko hianao? Manantenà an’Andriamanitra, fa mbola hidera Azy ihany aho, Izy no famonjena ny tavako sady Andriamanitro.

Ho an’ny mpiventy hira. Maskila. Nataon’ny Koraïta. TAHAKA ny diera mihanahana maniry ny rano an-ony No anirian’ny fanahiko Anao, Andriamanitra ô. Mangetaheta an’Andriamanitra ny fanahiko, dia Andriamanitra velona; Rahoviana no ho tonga aho ka hiseho eo anatrehan’Andriamanitra?

Nahoana no mitanondrika hianao, ry fanahiko, ka mitoloko ato anatiko? Manantenà an’Andriamanitra hianao, fa mbola hidera Azy ihany aho Noho ny famonjen’ny tavany.

Ny ranomasoko no fiahiko andro aman-alina, Amin’ny anaovany ahy mandrakariva hoe: Aiza izay Andriamanitrao?

Andriamanitro ô, mitanondrika ato anatiko ny fanahiko; Izany no ahatsiarovako Anao eo amin’ny tanin’i Jordana Sy amin’ireo Hermona ary amin’ny tendrombohitra Mizara.