Andinin-tSoratra Masina malaza indrindra nalaina tao amin'ny Salamo 46

Hizara

Mitsahara, ka aoka ho fantatrareo fa Izaho no Andriamanitra; Hisandratra amin’ny firenen-tsamy hafa Aho, hisandratra amin’ny tany Aho.

Ho an’ny mpiventy hira. Nataon’ny Koraïta. Al-alamoth. Tonon-kira. ANDRIAMANITRA no aro sy hery ho antsika; Mpamonjy mora azo indrindra amin’ny fahoriana Izy. Koa izany no tsy hatahorantsika, na dia ho levona aza ny tany, Na mifindra ho ao anatin’ny ranomasina aza ny tendrombohitra

Misy ony, koa ny sampany dia mampifaly ny tanànan’Andriamanitra, Fonena-masin’ny Avo Indrindra. Andriamanitra no eo afovoany, ka tsy mba hihetsika izy; Andriamanitra no hamonjy azy, rehefa madiva ho maraina ny andro.

Mampitsahatra ady hatramin’ny faran’ny tany Izy; Manapaka ny tsipìka sy manito ny lefona Izy Ary mandoro ny sariety amin’ny afo.