OHÚTU 14
14
1Eko nɛ̄ Ámrāfel wɛ ɔcɛ́ kú Ussína ā, Áriyɔ̄ku, ɔcɛ́ kú Ɛllása, mɛ́mla Ukedɔlayóma, ɔcɛ́ kú Ɛ́lam, mɛ́mla Utídal, ɔcɛ́ kú Ugóyim, 2nyɔ̄ í kpɛ́fú tá aɔ́cɛ́ ɛhɔ̄ ɔhá. Aɔ́cɛ́ ɛhɔ̄ ā wɛ Ubɛ́la, ɔcɛ́ kú Usɔ́dɔm, mɛ́mla Ubɛsíya, ɔcɛ́ kú Ugomóra, mɛ́mla Ussína, ɔcɛ́ kú Ádma, mɛ́mla Ussɛmɛ́ba, ɔcɛ́ kú Usebɔyíim, mɛ́mla ɔcɛ́ kú Ubɛ́la (nōo wɛ Usówa dúú ā). 3Anɔ́ɔ odúúdú uwā lɛ aícɔ́ɔja kú uwā pīya tɔ̄há ipú ɔpɛ̄ kú Usídim (nōo wɛ ísu kú ɔmā ā). 4Aɔ́cɛ́ ɛhɔ̄ nēe bá ā tɛtɛ bá ɛháajɛ kú Ukedɔlayóma iháyí igwɛ́ɛpa. Amáŋ ipú iháyí ɔ́migwɛ́ɛtá ā, é cāŋjɛ lɛyíkwu ɔ́. 5Iháyí ɔmigwɛ́ɛnɛ ā, Ukedɔlayóma mɛ́mla aɔ́cɛ́ nēe cɛ̄tɔ̄há mla anú ā, mɛ́mla aícɔ́ɔja ɔlɛ́ uwā gaá le Urefém yálé ipú Asstɛ́rɔ̄t-kanáyim, mɛ́mla Ususím nōo yɔ̄ ipú Uhám, mɛ́mla ācɛ kú Ɛ́mim nōo yɔ̄ ipú Ussafɛ̄-kīriyatáyim, 6mɛ́mla ācɛ kú Uhɔ́ ipú ājɛ ɛfu kú Uséyɛ jāā ga Ɛl-parán nōo yɔ̄ ɛjī kú ígbíli ā. 7Anɔ́ɔ é le cīgbīhi wā Ɛnmísspāt (nōō wɛ Ukádɛss dúú ā) gaá le ācɛ kú Ámālɛ̄ki mɛ́mla ācɛ kú Ámɔ̄ri nēe lā Uhasasɔ̄n-táma ā yálé á. 8Anɔ́ɔ ɔcɛ́ kú Usɔ́dɔm mɛ́mla ɔcɛ́ kú Ugomóra mɛ́mla ɔcɛ́ kú Ádma mɛ́mla ɔcɛ́ kú Usebɔyíim mɛ́mla ɔcɛ́ kú Ubéla (nōo wɛ Usóya dúú ā) le bɛ̄cɛ ga ɔgbɛ́fú kú ɔpɛ́ kú Usidím ā gaá le ɛfú kpó tá 9Ukedɔlayóma, ɔcɛ́ kú Ɛ́lam, mɛ́mla Utídal, ɔcɛ́ kú Ugoyím, mɛ́mla Ámrāfɛlu, ɔcɛ́ kú Ussína, mɛ́mla Árīyɔ̄ku, ɔcɛ́ kú Ɛllása. Aɔ́cɛ́ ɛnɛ lɛyíkwu aɔ́cɛ́ ɛhɔ̄ á.
10Ɔpɛ́ kú Usídim ā le mu mla ɔ̄gɔ̄ kú ukolotā, anɔ́ɔ eko nɛ̄ aɔ́cɛ́ kú Usɔ́dɔm mɛ́mla Ugomóra ā bá yɔ̄ ī kwu ā, ācɛ ōhī kú uwā bá ī míya tū ipú ɔ̄gɔ̄ ā. Amáŋ ācɛ ohile ā le kwu ga ɛyí ɛfu. 11Anɔ́ɔ aólɛlā ā le odúúdú iyó kú ācɛ Usɔ́dɔm mɛ́mla iyó kú ācɛ Ugomóra ā kpó le yɛ á. 12É le Ulɔ́tu, ɔyí kú ɔyínɛ́ kú Ébram, nōo lā Usɔ́dɔm ā mɛ́mla odúúdú agbénú kú nū kpó, anɔ́ɔ é nyɛ̄ɛ̄ á.
Ébram le Ulɔ̄tu nyatá
13Amáŋ ɔ̄cɛ éyi nōo kwu ŋmá ɔgbɛ́fú ā gaá le odúúdú ɔdā nōo yá ā kpó da Ébram, ɔ̄cɛ Uhíbru nōo lā kwu ɔcí óoku kú Umámre, ɔ̄cɛ kú Ámɔ̄ri ā. Umámre mɛ́mla ayínɛ́ nū nɔ̄nyīlɔ Ɛ́sskɔl mla Ánɛ wɛ ācɛ nēe cɛ̄tɔ̄há mɛ́mla Ébram. 14Eko nɛ̄ Ébram le pó kéē lɛ ɔyí kú ɔyínɛ́ anúɔ kwú abɔ̄fú ā, anɔ́ɔ ó le ācokpɛ́fú kú ɔlɛ́ nū nēe bá ɔlɛ́ nū ā kpó hīgwú á. Odúúdú uwā wɛ ācɛ ofigwɛ́ɛhɔ̄ ce igwáahātá (318). Anɔ́ɔ ó nū aɔ́cɛ́ ɛnɛ ā inya jāā ga Udáni á. 15Anɔ́ɔ ó lɛ aícɔ́ɔja kú ɔlɛ́ nū kɔ̄ ígwíígwu á. É gaá tū aólɛlā iyē, anɔ́ɔ é le aólɛlā ā kpó yálé á. Ó nū uwā inya jāā ga Uhɔ́bā, ɛhícō kú Udamáskɔ̄si. 16Anɔ́ɔ ó mīyɛ odúúdú iyó nɛ̄ aólɛlā kpó ā á. Ó klla mīyɛ Ulɔ́tu, ɔyí kú ɔyínɛ́ nū, mɛ́mla iyó kú nū, mɛ́mla ācɛnyā ā mɛ́mla ācɛ ā.
Umɛlkísɛ̄dɛ̄ki le ɔhā hɛ́ce Ébram
17Eko nɛ̄ Ébram le Ukedɔlayóma mɛ́mla aɔ́cɛ́ ohile ā yálé yɔ̄ ī pīyɛyí ŋmá ɔgbɛ́fú āa, ɔcɛ́ kú Usɔ́dɔm nyɔ̄ gaá jīla anú ɔwɛ, ɔpɛ́ kú Ussáfe (nēé hī ka Ɔpɛ́ kú Ɔcɛ́ ā). 18#Uhíb 7.1-10Anɔ́ɔ Umɛlkísɛ̄dɛ̄ki nɛ̄ ō wɛ ɔcɛ́ kú Usalɛ́m, klla wɛ ɔ̄cogwɛ́ɛya kú Ɔwɔicō nōo lɔfú fíyɛ́ dúú ā, le igbō mɛ́mla ejé bī gé lɛ Ébram. 19Anɔ́ɔ ó le ɔhā hɛ́ ce Ébram kahíníī, “N hɔ́hā ce awɔ Ébram oŋmá iyē kú Ɔwɔicō nōo lɔfú fíyɛ́ dúú, nōo yá ɔkpáncō mɛ́mla ɛcɛ ā. 20N cɛ̄trā Ɔwɔicō nōo lɔfú fíyɛ́ dúú ā, nōo yá nɛ̄ a yá aólɛlā kú uwɔ lé ā.” Anɔ́ɔ Ébram kwú éyi ŋmá ipú igwó kú odúúdú agbénú nōó kpó ŋmá ɔgbɛ́fú ā kpó lɛ ɔ́ á. 21Anɔ́ɔ ɔcɛ́ kú Usɔ́dɔm da Ébram kahíníī, “Lɛ ācɛ ā kpó gā um, cɛ́ɛ́ ká ā lɛ agbénú ā kpó.” 22Amáŋ, Ébram da ɔcɛ́ kú Usɔ́dɔm ā ka, n le ɔkpá gbo lɛ Óndú, nōo wɛ Ɔwɔicō nōo lɔfú fíyɛ́ dúú ā, nōo klla yá ɔkpáncō mɛ́mla ɛcɛ ā, 23ka ń gaá je owú ékpónú ámāŋ ɔ̄ŋgbā kú áblákpá, ámāŋ ɔdā dóódu nōo wɛ ákú uwɔ ŋ́. Ohígbū nɛ̄ a géē ka igbīhāajɛ kahíníī, ‘Ami je Ébram gbagbénú á.’ 24N gaá je ɔdā dúú fíyɛ́ ɔdā nɛ̄ ayípōklóbīya nēe nyɔ̄ ī kpɛ́fú mɛ́mla um ā lé ā, mɛ́mla ukpɛ̄ kú ācɛ nēe ga ɔgbɛ́fú mɛ́mla um ā ŋ́. Cɛ̄ kú Ánɛ mɛ́mla Ɛ́sskɔl mɛ́mla Umámre kéē lɛ ukpɛ̄ kú uwā kpó.
Voafantina amin'izao fotoana izao:
OHÚTU 14: IFBCL
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra