Mateo 10
10
1Na wavitanaga vahemba vakwe ikumi na vavili hawakwe, na wavapaga vukovozi kuyifumya migavo ya zoma na kugapizya mavulwile gose na mavulema gose. Mina ga vatume gali genaya:
2Wa mbele Simoni alitanwa Petro, na Andrea muduguye, na Yakobo mwana Zebedayo na Yohana muduguye. 3Filipo na Bartolomayo, Tomasi na Mateo 4wʼihongo. Yakobo mwana Alfeyo na Tadeyo. Simoni muna Kana na Yudasi Iskariote homwene wamugambaga.
5Yesu wavatumizaja venava ikumi na vavili na wavalagilaga, alihaya, Kuduhu mufike ku vapagani, ninga kuduhu mwingile mu makaya ga Vasamaria. 6Alisi muje ku ngʼholo zyazimilile zya numba ya Israeli. 7Na mu lugendo lwinwe mutanizye na muyombe ati, 8vutemi wʼilunde wegelaga. Muvapizye valwile, mu vahembuche vafwile, muvezye va mbizi, muyifumye migavo; cha kisa mwapivagwa, cha kisa mupane! 9Mukasombe ngʼo dhahabu ninga ngʼo fedha ninga ngʼo senti mu misipi yinwe, ninga ngʼo mufuko gwa lugendo, 10ninga ngʼo myenda ivili, ninga ngʼo filatu, ninga ngʼo mulanga, kwisi yiligelanila mutumami apiwe chakulya chakwe. 11Na kila kaya ninga kakaya umo mukwingila, muvuzye nani wʼisima, na henaho mwikale kusika mulivuka. 12Alisi ulu mulingila mu numba muyigisye. 13Na ulu numba yeniyi yili nʼisima, kuhola kwinwe kukwikalamo; alisi ulu yikavile nʼisima kuhola kwinwe kukumusyokela inwe. 14Na homwene akavile kuvanukula inwe ninga kuyigwa mhola yinwe, ulu mulifuma mu numba yeniyo ninga mu kaya yeniyo, mukunkumule luvuvu ku magulu ginwe. 15Yalole ndimuwila inwe, nsi ya Sodoma na Gomora yikupiwa mabuhu ha lusiku lwa kitanga kukila kaya yeniyo.
16Lolagi, ndimutumizya inwe kitisi ngʼholo mugati na mapuge, kunguno yeniyi muve na masala kitisi nzoka na muve vuduhu vugulumi kitisi nkunda. 17Alisi mwilindile hambele na vanhu, kwisi vakumufila inwe hambele na mavanza na vakumutulagula mu masinagogo gavo. 18Na mukufilwa hambele na vanachalo na vatemi kunguno yane ha vusangilwaho kuwavo na ku vapagani. 19Ulu vakumufila inwe, muleke kwisusuma lumehoki ninga muhayo ki muyombe, kwisi mukupiwa mwitungo lyenilo yeniyo mukuyomba. 20Kwisi inwe mukuleka kuvi vayombi, sumbwa Roho yamwa Vava 21winwe, hoyene yiliyomba mugati ninwe. Alisi mudugu akumufumya muduguye avulagwe, na ise akumufumya mwana wakwe, na vana vakuvavula vavyazi vavo na kuvavulaga. 22Na mukugaywa na vanhu vose kunguno ya lina lyane, alisi homwene alijama kusika 23hamhelo, mwenuyu akupiziwa. Alisi ulu valimuducha inwe mu kaya yimo mupelele ku yingi, kwisi loleyene ndimuwila, inwe kugamala ngʼo makaya gʼIsraeli kusika aliza Mwana wa munhu.
24Muhemba akavile muhanya kukila muhembeki wakwe, ninga mukumba akavile muhanya kukila gukuye. 25Yilimukwila muhemba ave kitisi muhembeki wakwe, na mukumba kitisi gukuye. Ulu vamwitanaga mwene numba Beelzebul, haho va numba yakwe kinahe? 26Kunguno yeniyi muleke kuvogoha, kwisi kuduhu kinhu chakumbilwe hochene kikuleka kufumbulwa; na kuduhu kinhu chavisilwe hochene kikuleka kuvonwa. 27Yeniyi ndimuwilila inwe mu giti muyombele ha pe; na yeniyi muliwewetelwa mwitwi mutanizizye kwigulya na numba. 28Na muleke kuvogoha venava valiguvulaga muvili, alisi vakakovolile kuzivulaga myuye, sumbwa mumogohe mwenuyu alikovola kuzimangucha myuye na muvili mu moto gwa hanahana. 29Tuzolwe tuvili tukavile kugulwa ku senti yimo? Na kuduhu kamo ka twenutu kaligwa hasi, sumbwa Vava winwe azumye. Alisi nzwili zinwe zyose zyene zyasolozivilwe. 30Kunguno yeniyi muleke kogoha, 31inwe mulikila mupango gwa tuzolwe twingi. 32Kunguno yeniyi homwene alinzumilizya hambele na vanhu, mwenuyo nkumuzumilizya hambele na Vava wane wa mwilunde. 33Alisi homwene alinikana hambele na vanhu, nane nkumwikana hambele na Vava wane wa mwilunde.
34Mukiganike ngʼo ati nizaga kuleta kuhola mu liwelelo, nkizile kuleta kuhola sumbwa lupanga. 35Kwisi nizaga kumulekanya munhu na ise, na mwanike na nina, na mukamwana na nina vukwi; vanisi va munhu vakuvi va numba yakwe. 36Homwene alimutogwa ise 37ninga nina kukila nene, akasikile isima hawane; na homwene alimutogwa mwana ninga mwanike kukila 38nene, akasikile isima hawane. Na homwene akavile kuguvucha musigiti gwakwe na kundonda nene, akasikile isima hawane. 39Homwene aliyivona myuye yakwe akuyizimizya; na homwene akuyizimizya myuye yakwe kunguno yane, akuyivona.
40Homwene alimwanukula inwe alinanukula nene; na homwene alinanukula nene alimwanukula mwenuyo wantumizizye nene. 41Homwene alimwanukula mufumbuzi kunguno ali mufumbuzi akupiwa musyahala gwa mufumbuzi; na homwene alimwanukula mugololoku kunguno ali mugololoku, akupiwa musyahala gwa mugololoku. 42Na homwene alimunwisya umo wa venavo vado lukulu lwa minzi manedeku duhu kunguno ali muhemba, yalole ndimuwila inwe, mwenuyo kugayiwa ngʼo vusyokeziwa wakwe.
Voafantina amin'izao fotoana izao:
Mateo 10: Nym51
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Nyamwezi New Testament © Bible Society of Tanzania, 1951.