Matyo 14
14
Və i Jɔn wù fuu u Mmuu n Kəzə̀ mə
(Mak 6.14-29; Luk 9.7-9)
1Ambə Helɔd, wù wey tə â loʼnə də̀ŋ kə n naʼ i Galili, zow tsunə zɔŋ u Yeso wə, 2tə n dza ndòw tə̀ ghə̂ a kəfwaʼ a wi ghə nə̀, “Wù wən sa loʼ Jɔn wù fuu u mmuu n Kəzə̀ mə, tə zhəm dzəŋŋə bənə nə ivə, à wey loʼ zuŋ key tə khənə daʼa kən ni ghəŋŋə faalə mə.”
3Tə â dza sey bòʼ nə̀, â loʼ Helɔd n wû u wi wə̀ tə â tsəʼlənə laŋ kə nə̀ ghə kwu kùm naŋa ndòw Jɔn n ndaw tsaʼ. Tə â sey ghəŋə bòʼ nə̀ Helodias, wèy waa bày Filip, tə â tsìi neynə. 4Helɔd â ghəə ghən ghəŋə tə̀ Jɔn, n təŋkey, Jɔn â dza tsə tə̀ wi nə̀, “Laŋ kə ka bəghəm dzə nə̀ wə tsìi ney wèy waazu.” 5Sey, Helɔd n ləghə ni wey Jɔn, kee tsəŋə ghaʼa aghə̂, n təŋkey, ghə â khə Jɔn tə a loʼ Wù Tûm Kəzə̀.
6Ambə n tsuʼ fey Helɔd zə̂ənə zə̂ tsuʼ fey ghə â jinə wi tii, waa Helodias u zən wə n ngii bən dzɔb tsu fu sa n sə̂ kə aghə̂, wû wə n ngii nyûmə nay ndow Herɔd tii, 7tə n təb naŋa tsu tə̀ wi nə̀, “Mə n kàa tə̀ wɔ nə̀, abə wə bəb kənə fə kə ghaa kə, mə i fuunu tə̀ wɔ.” 8Zə̂ n tsə̀ tsu waa nə̀ tə bəb ndòw tow kə Jɔn wù fuu u mmuu n Kəzə̀ mə, tə n dza tə bày nə̀, “Fuu bə mə nya sa n tow kə Jɔn wù fuu u mmuu n Kəzə̀ mə nə kəneeli.” 9Wû wə n lɔŋi tsu də̀ŋ key, tɔŋŋə Helɔd. Nghee tə mə təb naŋa bəəbə dzənə ghəə ghən n sə̂ kə aghə̂, tə n tsəʼlə tsu kəlaŋ nə̀ ghə fu ndòw wi n fə key tə ləghənə. 10Tə n tûm tsu aghə̂, ghə n ndòw gbòo tsu tow kə Jɔn n ndaw tsaʼ. 11Ghə n bə n ghii kə nə kəneeli, bə fuu bə tə̀ waa u zən wey, tə ndòw fuu ndòw tə̀ zə̂. 12Dzûmə tə Jɔn tə n bə boʼo nuu ndòw vən i wi, ndòw tsəllə i ndòw. Ghə n daŋŋə ndòw dza ndòw ghəə a tii ghə tə̀ Yeso.
Yeso fuu aghə̂ n fəzəə wə təkam tətaa
(Mak 6.30-44; Luk 9.10-17; Jɔn 6.1-14)
13Ambə Yeso zow tsunə ghəə ghey a shinə tə̀ Jɔn wù fuu u mmuu n Kəzə̀ mə, Yeso n daŋŋə zəghə tsu fu nyi kɔʼ nə kəfə̀n, nuu ndòw n luʼu k-a-nyi, ni ndow doʼo fu tii n nəŋə wi. Ghə̂ ghə n nam keeli kənu luʼu key tə ndow ni ndow nyi doʼo tii. Sey, ghə n zəghə tsu inaʼ, dzûmə ndòw wi fu nə aghow. 14Ambə Yeso shi tsunə nə kəfə̀n, koʼ ndòw nɔɔ kə aghə̂ key, tə n kwɔɔlə isî n kow ghə, sey, tə n baŋŋə kɔʼ ghə̂ ghey ghə â dzaŋanə.
15N nəŋə i fənə zə, ngəd tə wi tə n bə n səə wi, bəb tə̀ wi nə̀, “Nəŋə zə n ngii ndòw, a fa loʼ soʼo n luʼu key ghə̂ a muu way tii. Dza nə̀ ghə̂ ghən nuu ndòw n naʼa mən n loʼnə fa tə̀ ghə ndòw zuu zə̂ n nəŋə ghə.”
16Yeso n beeli ndòw ghə nə̀, “Ghə ndow way n luʼu kə loʼ kə, wû i ghaa, fuu na ghə n fə kə zəə kə.”
17Ghə n dza ndòw tə̀ wi nə̀, “A khə kə ubaa utaa nsə tsəghə tə təbəghə.”
18Tə n dza ndòw tə̀ ghə nə̀, “Bə̀ na n ghii wə.” 19Tə n daŋŋə dza ndòw nə̀ ghə̂ ghey doʼo tsu nə ughìi. Yeso n ney kɔʼ baa wey utaa nsə tsəghə tey təbəghə, laalə kɔʼ ndòw idəŋ, buulə tsu. Tə n boʼlə fuu ndòw baa wey tə̀ ngəd tə wi tə nə̀ ghə dzawwə fuu ndòw tə̀ nɔɔ kə aghə̂ key. 20Ghə̂ adzəm ghə n zə̂, zə̂ kow i tsu. Ghə kumi luulə kɔʼ ukhəə ighəm n ghii wə ubəghə n boʼo mey mə â doʼo səənə. 21Taŋ ə ghə̂ ghey ghə â zə̂nə â loʼ tə̀ a loʼ agheynum təkam tətaa, nə a ka taŋ gheyzən ghə nsə ghinətəghə ghə.
Yeso bwey n tow kə dzuu
(Mak 6.45-52; Jɔn 6.15-21)
22Ambə ghə zə̂ may kɔʼnə, Yeso n daŋŋə kuu nyi kɔʼ ngəd tə wi nə kəfə̀n nə̀ ghə nuu daŋ ndòw n nguŋ inyi i loʼ zey, kee doʼo səə tsu ni sali maʼa nɔɔ kə aghə̂ key. 23Ambə tə sali maʼa tsunə nɔɔ kə aghə̂ key, tə n nuu kɔʼ ndòw nə ukaʼ n nəŋə wi ni ndòw gɔŋŋə. Tsuʼ wə n dzə kwɔɔlə tsu wi fu n nəŋə wi. 24À n loʼ nya nə̀ fə̀n key n zəghə n nguŋ inyi nuu nyi nay ndow n fə̀ŋ ə inyi, tuŋutuŋu tə dzuu tə n tənnə kaabə tsə fə̀n kə tii kə kuumnə zəŋ â ngii tsəghənu, zə n tənnə dzəŋŋə bə ghə.
25Ambə n zòw kə utsuʼ, Yeso n ndòw bə n səə ghə nə̀ tə bwey bə n tow kə dzuu. 26Ambə ngəd tə wi tə koʼ tsunə nghee tə̀ tə bwey bənə n tow kə dzuu, tsəŋ zə n kwu ghə, ghə n dza nə̀, “À loʼ avəətsəə!” Ghə n kaʼ ndow ni buʼlə shiə kɔʼɔ bɔŋ mə, nə à loʼ itsəŋ.
27Yeso n daŋŋə ghɔɔmə ndòw tə̀ ghə dza nə̀, “Kwu tsu na fə̀ŋ tə ghaa tə, a loʼ mə, kə̂ ghaa nə̂ tsəŋənə.”
28Pita n dza ndòw tə̀ wi nə̀, “Mûkəbii, abə a ndzəm loʼnə wɔ, tsəʼlə tsu laŋ kə nə̀ n bwey bə n tow kə dzuu, n bə n səə wɔ.”
29Yeso n dza nə̀, “Bəghə.”
Sey Pita n shi tsu nə kəfə̀n, bwey ndòw n tow kə dzuu, ndow n səə Yeso. 30Ambə Pita kee koʼ tsu nə̀ zəŋ ngii tsəghənu, tsəŋ zə n kwu tsu wi, tə n kaʼ ndòw ni məllə nyi tsu ndow nə inyi. Tə sey daŋŋə nuu buʼ shi kɔʼnu bɔŋ kə idey kə dza nə̀, “Mûkəbii, bəghəshi mə.”
31Yeso n daŋŋə naalə shi ndòw kəwɔɔ, kwu bə wi, dza tə̀ wi nə̀, “Bəghəm i fə̀ŋ zə i taw way, à loʼ kee wə mə kəm kaʼ tsunə ni səm ə?”
32Ambə ghə nyi kɔʼnə nə kəfə̀n, zəŋ zey n bɔɔmə may i tsu. 33Ngəd tey tə â loʼnə tii nə kəfə̀n n ngɔɔmə ndòw wi dza nə̀, “Wə ndzəm loʼ Waa Kəzə̀.”
Yeso baŋŋə ghə̂ a dzaŋa ghə n Jenesalet
(Mak 6.53-56)
34Ambə Yeso ghi ngəd tə wi tə daŋ shi ndòwnə n nguŋ inyi i loʼ zey, ghə n shi tsu n naʼ i Jenesalet. 35Nghee tə ghə̂ ghey fu koʼ keeli tsunə wi, ghə n tûm tɔŋɔ bə ghə̂ a dzaŋa ghə adzəm n mboʼ i tii zə n səə wi. 36Ghə n buʼ wi n wɔɔ kə nə̀ ghə mə labi mɔm tsu kə ndzə̂ tə wi. Ghə̂ ghey adzəm ghə â mɔmnə wi n taw kɔʼ.
Voafantina amin'izao fotoana izao:
Matyo 14: WEH
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Matyo 14
14
Və i Jɔn wù fuu u Mmuu n Kəzə̀ mə
(Mak 6.14-29; Luk 9.7-9)
1Ambə Helɔd, wù wey tə â loʼnə də̀ŋ kə n naʼ i Galili, zow tsunə zɔŋ u Yeso wə, 2tə n dza ndòw tə̀ ghə̂ a kəfwaʼ a wi ghə nə̀, “Wù wən sa loʼ Jɔn wù fuu u mmuu n Kəzə̀ mə, tə zhəm dzəŋŋə bənə nə ivə, à wey loʼ zuŋ key tə khənə daʼa kən ni ghəŋŋə faalə mə.”
3Tə â dza sey bòʼ nə̀, â loʼ Helɔd n wû u wi wə̀ tə â tsəʼlənə laŋ kə nə̀ ghə kwu kùm naŋa ndòw Jɔn n ndaw tsaʼ. Tə â sey ghəŋə bòʼ nə̀ Helodias, wèy waa bày Filip, tə â tsìi neynə. 4Helɔd â ghəə ghən ghəŋə tə̀ Jɔn, n təŋkey, Jɔn â dza tsə tə̀ wi nə̀, “Laŋ kə ka bəghəm dzə nə̀ wə tsìi ney wèy waazu.” 5Sey, Helɔd n ləghə ni wey Jɔn, kee tsəŋə ghaʼa aghə̂, n təŋkey, ghə â khə Jɔn tə a loʼ Wù Tûm Kəzə̀.
6Ambə n tsuʼ fey Helɔd zə̂ənə zə̂ tsuʼ fey ghə â jinə wi tii, waa Helodias u zən wə n ngii bən dzɔb tsu fu sa n sə̂ kə aghə̂, wû wə n ngii nyûmə nay ndow Herɔd tii, 7tə n təb naŋa tsu tə̀ wi nə̀, “Mə n kàa tə̀ wɔ nə̀, abə wə bəb kənə fə kə ghaa kə, mə i fuunu tə̀ wɔ.” 8Zə̂ n tsə̀ tsu waa nə̀ tə bəb ndòw tow kə Jɔn wù fuu u mmuu n Kəzə̀ mə, tə n dza tə bày nə̀, “Fuu bə mə nya sa n tow kə Jɔn wù fuu u mmuu n Kəzə̀ mə nə kəneeli.” 9Wû wə n lɔŋi tsu də̀ŋ key, tɔŋŋə Helɔd. Nghee tə mə təb naŋa bəəbə dzənə ghəə ghən n sə̂ kə aghə̂, tə n tsəʼlə tsu kəlaŋ nə̀ ghə fu ndòw wi n fə key tə ləghənə. 10Tə n tûm tsu aghə̂, ghə n ndòw gbòo tsu tow kə Jɔn n ndaw tsaʼ. 11Ghə n bə n ghii kə nə kəneeli, bə fuu bə tə̀ waa u zən wey, tə ndòw fuu ndòw tə̀ zə̂. 12Dzûmə tə Jɔn tə n bə boʼo nuu ndòw vən i wi, ndòw tsəllə i ndòw. Ghə n daŋŋə ndòw dza ndòw ghəə a tii ghə tə̀ Yeso.
Yeso fuu aghə̂ n fəzəə wə təkam tətaa
(Mak 6.30-44; Luk 9.10-17; Jɔn 6.1-14)
13Ambə Yeso zow tsunə ghəə ghey a shinə tə̀ Jɔn wù fuu u mmuu n Kəzə̀ mə, Yeso n daŋŋə zəghə tsu fu nyi kɔʼ nə kəfə̀n, nuu ndòw n luʼu k-a-nyi, ni ndow doʼo fu tii n nəŋə wi. Ghə̂ ghə n nam keeli kənu luʼu key tə ndow ni ndow nyi doʼo tii. Sey, ghə n zəghə tsu inaʼ, dzûmə ndòw wi fu nə aghow. 14Ambə Yeso shi tsunə nə kəfə̀n, koʼ ndòw nɔɔ kə aghə̂ key, tə n kwɔɔlə isî n kow ghə, sey, tə n baŋŋə kɔʼ ghə̂ ghey ghə â dzaŋanə.
15N nəŋə i fənə zə, ngəd tə wi tə n bə n səə wi, bəb tə̀ wi nə̀, “Nəŋə zə n ngii ndòw, a fa loʼ soʼo n luʼu key ghə̂ a muu way tii. Dza nə̀ ghə̂ ghən nuu ndòw n naʼa mən n loʼnə fa tə̀ ghə ndòw zuu zə̂ n nəŋə ghə.”
16Yeso n beeli ndòw ghə nə̀, “Ghə ndow way n luʼu kə loʼ kə, wû i ghaa, fuu na ghə n fə kə zəə kə.”
17Ghə n dza ndòw tə̀ wi nə̀, “A khə kə ubaa utaa nsə tsəghə tə təbəghə.”
18Tə n dza ndòw tə̀ ghə nə̀, “Bə̀ na n ghii wə.” 19Tə n daŋŋə dza ndòw nə̀ ghə̂ ghey doʼo tsu nə ughìi. Yeso n ney kɔʼ baa wey utaa nsə tsəghə tey təbəghə, laalə kɔʼ ndòw idəŋ, buulə tsu. Tə n boʼlə fuu ndòw baa wey tə̀ ngəd tə wi tə nə̀ ghə dzawwə fuu ndòw tə̀ nɔɔ kə aghə̂ key. 20Ghə̂ adzəm ghə n zə̂, zə̂ kow i tsu. Ghə kumi luulə kɔʼ ukhəə ighəm n ghii wə ubəghə n boʼo mey mə â doʼo səənə. 21Taŋ ə ghə̂ ghey ghə â zə̂nə â loʼ tə̀ a loʼ agheynum təkam tətaa, nə a ka taŋ gheyzən ghə nsə ghinətəghə ghə.
Yeso bwey n tow kə dzuu
(Mak 6.45-52; Jɔn 6.15-21)
22Ambə ghə zə̂ may kɔʼnə, Yeso n daŋŋə kuu nyi kɔʼ ngəd tə wi nə kəfə̀n nə̀ ghə nuu daŋ ndòw n nguŋ inyi i loʼ zey, kee doʼo səə tsu ni sali maʼa nɔɔ kə aghə̂ key. 23Ambə tə sali maʼa tsunə nɔɔ kə aghə̂ key, tə n nuu kɔʼ ndòw nə ukaʼ n nəŋə wi ni ndòw gɔŋŋə. Tsuʼ wə n dzə kwɔɔlə tsu wi fu n nəŋə wi. 24À n loʼ nya nə̀ fə̀n key n zəghə n nguŋ inyi nuu nyi nay ndow n fə̀ŋ ə inyi, tuŋutuŋu tə dzuu tə n tənnə kaabə tsə fə̀n kə tii kə kuumnə zəŋ â ngii tsəghənu, zə n tənnə dzəŋŋə bə ghə.
25Ambə n zòw kə utsuʼ, Yeso n ndòw bə n səə ghə nə̀ tə bwey bə n tow kə dzuu. 26Ambə ngəd tə wi tə koʼ tsunə nghee tə̀ tə bwey bənə n tow kə dzuu, tsəŋ zə n kwu ghə, ghə n dza nə̀, “À loʼ avəətsəə!” Ghə n kaʼ ndow ni buʼlə shiə kɔʼɔ bɔŋ mə, nə à loʼ itsəŋ.
27Yeso n daŋŋə ghɔɔmə ndòw tə̀ ghə dza nə̀, “Kwu tsu na fə̀ŋ tə ghaa tə, a loʼ mə, kə̂ ghaa nə̂ tsəŋənə.”
28Pita n dza ndòw tə̀ wi nə̀, “Mûkəbii, abə a ndzəm loʼnə wɔ, tsəʼlə tsu laŋ kə nə̀ n bwey bə n tow kə dzuu, n bə n səə wɔ.”
29Yeso n dza nə̀, “Bəghə.”
Sey Pita n shi tsu nə kəfə̀n, bwey ndòw n tow kə dzuu, ndow n səə Yeso. 30Ambə Pita kee koʼ tsu nə̀ zəŋ ngii tsəghənu, tsəŋ zə n kwu tsu wi, tə n kaʼ ndòw ni məllə nyi tsu ndow nə inyi. Tə sey daŋŋə nuu buʼ shi kɔʼnu bɔŋ kə idey kə dza nə̀, “Mûkəbii, bəghəshi mə.”
31Yeso n daŋŋə naalə shi ndòw kəwɔɔ, kwu bə wi, dza tə̀ wi nə̀, “Bəghəm i fə̀ŋ zə i taw way, à loʼ kee wə mə kəm kaʼ tsunə ni səm ə?”
32Ambə ghə nyi kɔʼnə nə kəfə̀n, zəŋ zey n bɔɔmə may i tsu. 33Ngəd tey tə â loʼnə tii nə kəfə̀n n ngɔɔmə ndòw wi dza nə̀, “Wə ndzəm loʼ Waa Kəzə̀.”
Yeso baŋŋə ghə̂ a dzaŋa ghə n Jenesalet
(Mak 6.53-56)
34Ambə Yeso ghi ngəd tə wi tə daŋ shi ndòwnə n nguŋ inyi i loʼ zey, ghə n shi tsu n naʼ i Jenesalet. 35Nghee tə ghə̂ ghey fu koʼ keeli tsunə wi, ghə n tûm tɔŋɔ bə ghə̂ a dzaŋa ghə adzəm n mboʼ i tii zə n səə wi. 36Ghə n buʼ wi n wɔɔ kə nə̀ ghə mə labi mɔm tsu kə ndzə̂ tə wi. Ghə̂ ghey adzəm ghə â mɔmnə wi n taw kɔʼ.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra