Matayɔ 9
9
Yeso uhiiso jakɛsɨ
(Mak 2:1-12; Luk 5:17-26)
1Mbise ɔngɔ, Yeso ambuɗito akʉ ɨngbɔɔ, ambʉtapʉa amondu ʉ yapuu yɛɛ ɨja, ambʉɓʉya anʉ Kapelenaumu amati ʉ gʉlʉ ngia i꞉nye kyɨa‑ɛɛ. 2Ɓambʉka nʉ jakɛsɨ mʉngana apɛɛ angɔ 'ukwaise ekoo ʉ ɓʉkwaɨ. Kʉna baya ngiindaɓʉ, Yeso ambusigio jakɛsɨ ngiinanɨ ɓɔ: « Chɨka igue‑gue! Wuliso 'ʉtʉma! Ɓʉɓɨɓɨ ngiɓʉsɔɔ ɓʉ꞉napɨa ɛɓɔ pɨanɨ. »
3Kija ɓapananakɨa ɓʉ mapanʉ ngana ngana ɓambʉyakanaka ati ʉndaɓʉ ɓɔ: « Mombi ngiakɛ akʉzɨaka Asʉɓɨɨ! »
4Ɨkyɛmɨngana, Yeso a꞉mbɨa moni ngika ɓi꞉nye kutunguo amati ʉ mɨtʉma ngiindaɓʉ tʉkʉ mbɨaa. Kija a꞉ɓuɓukuo ɓɔ: « Ikanzi yɨ itungwio yɛɛ ɓɨɓɨ tɨmanɨ iya nanayɔ ɓwanɨ? 5Ɨmanɨ ya ɓʉkaɨ, gʉ kusigo ɓɔ: ‹ Ɓʉ꞉napɨa ɓʉɓɨɓɨ ngiɓʉsɔɔ pɨaa ›, gʉ yɛmɔ kusigo ɓɔ: ‹ Maa, kɨndaka? › 6Mbɨeni iɗo ɓɔ Mwana ngia ʉ Mombi anʉ ʉpanʉ kʉpɨa ɓʉɓɨɓɨ akʉ ɨtaka ngia. » Kija Yeso a꞉sigio jakɛsɨ ngiinanɨ ɓɔ: « Maa! Chɨka ɓʉkwaɨ ngiɓʉsɔɔ, wambʉtʉa andɔɔ! »
7Kija mombi ngiinanɨ a꞉máa, ambʉsa yangɔ.
8Ati ngia ungbutu wʉ ɓombi wa꞉na nayɔ moni ngikʉnanɨ, kija ya꞉ɓukiso kʉ ʉɓa. Ɓambubibiso Asʉɓɨɨ ngia a꞉nzo ɓombi ʉpanʉ wɔɔ kyɨɛ ikanzi yɨ moni ngikʉnanɨ.
Yeso usoko Matayɔ ɓɔ ʉmʉkpata
(Mak 2:13-17; Luk 5:27-32)
9Iya Yeso a꞉ʉngwa nanɨ akʉ i꞉nye‑ɔɔ, ɛyɔ tiga kʉɓaa ɨngbaa, ambʉna ndɔmbɛ mʉngana ino ɓɔ Matayɔ 'uwei akʉ bilo ɔɔ lipise manzanza. Gʉ Yeso nayɔ ɓɔ: « Matayɔ! Nakpata! » Kʉ nɨma ngiinanɨ ambʉmáa, ambʉmʉkpata.
10Mbise ngiinanɨ, Yeso ambʉsa ɔɔ Matayɔ andei kʉdyakaka. Ɓandɔmbɛ ɓɔɔ ɓulipise manzanza ɓaja ɨzɔ nʉ ɓombi ɓʉ ɓʉɓɨɓɨ ɓambukumunio kʉ ananɨ. Ɓambuwulo ɨzɔ nʉ ɔɔ Yeso nʉ ɓakpataka ngiɓangɔ ɓʉ kyɛɛ kʉdyakaka. 11Iya Ɓafalisayɔ ɓa꞉na moni ngikʉnanɨ, gʉ ɛɓɔ nʉ ɓakpataka ngiɓangɔ ɓɔ: « Jʉtanɨ‑zʉ mʉpananakɨa nguʉndɛnʉ wakʉdyakaka ɨzɔ nʉ ɓandɔmbɛ ɓɔɔ lipise manzanza, nʉ ɓombi ɓʉ ɓʉɓɨɓɨ? »
12Iya Yeso a꞉kɔ nayɔ moni ngikʉnanɨ, ambusigo ɓɔ: « Ɓombi ɓɔɔ ɓʉmbʉmʉ ɓambakakyɨa nʉ taa yɨ mʉnganga. Ɨkyɛmɨngana, tʉkʉ ɓombi ɓʉ ɓakwisikiso ɓaakyɨa nʉ taa yangɔ! 13Kʉ ɓwanɨ, seni kupimiso inyi yɨ moni ngika Asʉɓɨɨ a꞉sigo‑ɔɔ ɓɔ: ‹ Ɛmɛ maabaya nadɨndɨ mombi ngia aanɨa ɓangɛ ikoko kʉɓaa mombi ngia aanzo 'ʉtʉmbɨa. ›#Popoko Ɔsɛ 6:6 Jʉ ɛmɛ ma꞉kakɔmʉ kusoko ɓombi ngiɓa ɓa ɓaɓʉkwananakɛ, ɨkyɛmɨngana ma꞉ka kusoko ɓombi ɓʉ ɓʉɓɨɓɨ. »
Ɓakpataka ɓʉ Yʉanɨ ɓuɓukuo Yeso moni ekoo ʉ taa idyo
(Mak 2:18-22; Luk 5:33-39)
14Mbise ɔngɔ, ɓakpataka ngiɓa ɓʉ Yʉanɨ ɓambʉka anambamba ʉ Yeso. Gʉ ɛɓɔ nayɔ ɓɔ: « Isu nʉ Ɓafalisayɔ kaatáa idyo akʉ wati taa. Jʉtanɨ ɓakpataka nga ɓʉsɔɔ ɓambakatáa yɨndaɓʉ idyo? » 15Yeso ambuɓutisio ɓɔ: « Yakyananakɨa ɨkyɨkyɨɓʉmʉ tanɨ ɓɔ ɓombi ngiɓa ɓa꞉ɓusoko akʉ ʉmbɔ wʉ chɨkana ɓaɓio akʉ ikoko, ati ngia ɓa‑zʉ‑ɔɔ ɨzɔ nʉ ɔɔ swaɨ ʉ moi kʉtaa? Ya꞊ɓio nʉ ɓisi mʉngana iɓa ɓa꞊ɓungwisio‑ɔɔ swaɨ ʉ moi, ati ngiinanɨ ɓa꞊kwanana tiga kʉtáa idyo akʉ wati.
16Mombi gʉkʉ mʉngana ambʉkʉkwanana kukutoko ɨdɔdɔkɔ yɨ ɨpʉkʉ nʉ ɨɗaka yɨ ɨtakɨ‑takɨ. Jʉ ɨɗaka ngia yɨ ɨtakɨ‑takɨ yanatʉa ɨdɔdɔkɔ tʉkʉ ɓʉ hua, kija ihoo yɛngɔ ya꞊ka tiga ɨja nadɨndɨ. 17Kʉndʉ ɓambʉkʉkwanana kuto vinyo wʉ ɨtakɨ‑takɨ amati ʉ lɨkɔchɔ lʉ jɛnɛ jɛnɛ,#9:17 Gʉ ɓɔ ila ɓa꞉lɨkyɨa nʉ mamba kʉ ɓanama. Jʉ ɓʉkyɨeni ɓwanɨ, vinyo ngiinanɨ anatʉa lɨkɔchɔ lʉ jɛnɛ jɛnɛ ngilʉnanɨ tʉkʉ ɓʉ hua, kija vinyo ayabuo akɛsɨ. Abana lɨkɔchɔ ngilʉnanɨ latambɨa tiga kʉ tambɨanɨ. Yɨkwanana ɓuto vinyo nga wʉ ɨtakɨ‑takɨ, kʉ amati ʉ lɨkɔchɔ lʉ ɨtakɨ‑takɨ. Kʉ ɓwanɨ, kumbo ɓepini ngiinanɨ kʉ uɓomu uɓio 'ʉpɨmakɨɛ tʉkʉ iɗo! »
Yeso uhiiso moi, ambʉjʉkaniso mʉnda wʉ mwana ɔɔ moi
(Mak 5:21-43; Luk 8:40-56)
18Ati ngia Yeso inye‑zʉ‑ɔɔ naɓɔ tʉkʉ kʉngakɨa moni ngikʉnanɨ, ngama ʉ Ɓayuda mʉngana ambʉka kʉgbʉkʉmɨa muwuu apɛɛ angɔ. Gʉ ɛyɔ nayɔ ɓɔ: « Mwana ngiasɛmɛ ɔɔ moi u꞉wu tʉkʉ ɨtakɨ‑takɨ ngia. Abana ɓwanɨ kititi, ambʉ́ wʉka‑zʉ nayɔ tʉkʉ kʉnapɨa lɨkɔndɔ ambʉ ʉjʉkana tʉkʉ jʉkananɨ. » 19Kija Yeso nʉ ɓakpataka ngiɓangɔ ɓambʉʉngwɨa kɨnda kʉsa kʉkpata ngama ngiinanɨ.
20Moi mʉngana i꞉nye nʉ kweso yɛɛ ɓʉɛ miniki amati ʉ mugo kumi nʉ kapɨnɨ. Moi ngiinanɨ ambʉɗʉana ambise ʉ Yeso, ambuɓoto 'ʉtʉ wʉ ɨpʉkʉ nguangɔ. 21Jʉ i꞉nye kʉyakanaka akʉ 'ʉtʉma ɓɔ: « Muɓoteni gʉtʉ tʉkʉ ɨpʉkʉ ngiangɔ, ma꞊hɨa tʉkʉ hɨaa. » 22Iya a꞉muɓoto nayɔ, Yeso ambʉnɨtana, ambʉmʉna, gʉ ɛyɔ nayɔ ɓɔ: « Mwana asɛmɛ, chɨka igue‑gue! Baya ngiisɔɔ yɨnahiiso hiisoo. » Tʉkʉ nɨma ngiinanɨ, moi ngiinanɨ ambʉhɨa.
23Mbise ɔngɔ, Yeso ambʉɓʉya tiga ɔɔ ngama ngiinanɨ andei. Nani, ambʉna ɓombi ɓʉ mbáa ɓi꞉nyeni kʉmba mbáa ʉkʉ didima, ɨzɔ nʉ ungbutu wʉ ɓombi nga wɔmɔ amati ʉ gbongbo ʉ ndɨa ɓʉ hɔɔ.
24Gʉ Yeso naɓɔ ɓɔ: « Inu, ɓʉeni aɓei! Mwana ɔɔ moi ngiakɛ uwokɔmʉ! Ʉkwaa tʉkʉ tɔɔ! » Iya ɓombi ɓa꞉kɔ nayɔ ɓwanɨ, ɓambufaniso nayɔ nʉa. 25Ɓambʉɓʉa kʉ ɓuɓomu aɓei, Yeso ambukumunio ambɛnɨ. Ambuɓoto mwana ɔɔ moi ngiinanɨ ɨkɔndɔ. Kʉ nɨma ngiinanɨ, mwana ɔɔ moi ambʉʉngwa ɨkʉʉ.
26Ɨsaʉ ngiinanɨ yambʉnadaa gɨpa kʉ uɓomu.
Yeso uhiiso ɓombi ɓapɨnɨ ɓɔɔ ɓuchwiye mesu
27Ati ngia Yeso ɔ꞉ngwɨa tiga‑ɔɔ kɨnda kʉsa, ɓombi ɓɔɔ ɓuchwiye mesu ɓapɨnɨ ɓambufaniso nayɔ kpata mbise nʉ nachokoo ɓɔ: « Kikiliki! Mwana ʉ mwana ʉ Daudi! Tɨnɨa ɓaka ikoko! »
28Iya Yeso a꞉ɓʉya nayɔ andei, ɓombi ɓɔɔ ɓuchwiye mesu ngiɓʉnanɨ, ɓambʉka anambamba angɔ. Kija Yeso aɓusigio ɓɔ: « Ajʉ nanʉ baya tʉkʉ kingono ɓɔ ɛmɛ makwanana ninu kuhiiso ɓiɛ? » Gʉ ɛɓɔ nayɔ ɓɔ: « Oo Makʉʉɓɨɨ! Kanʉ baya ɓwanɨ! » 29Tʉkʉ nɨma ngiinanɨ, Yeso ambuɓoto mesu ngikʉndaɓʉ, ambuɓusigio ɓɔ: « Yɨkyɨanɨa ekoo ʉndɛnʉ ngbanga tʉkʉ nʉ baya ngiindɛnʉ. » 30Gbɛgbɛ tʉkʉ ananɨ, mesu ngikʉndaɓʉ kambʉgananɨa. Gʉ Yeso naɓɔ ɓɔ: « Kpɔ kpɔ kpɔ, nɔɔɓɨakɔmʉ mombi gʉkʉ mʉngana moni ngikʉnanɨ. » 31Ɨkyɛmɨngana, iya tʉkʉ ɓa꞉ʉngwa nanɨ, ɓambufaniso ɓɨakɨa ɨsaʉ yɨ Yeso amati ʉ gɨpa ngiinanɨ kʉ uɓomu.
Yeso uhiiso ijangi
32Ati ngia ɓombi ɓapɨnɨ ngiɓa Yeso a꞉ɓuhiiso ɓi꞉nye tiga‑ɔɔ kʉsa, ɓambʉka ɓata nʉ mombi ʉ 'ʉtʉma wʉ abɨa mʉngana apɛɛ angɔ iya 'ʉtʉma wʉ abɨa wa꞉muikiso ijangi ngia yambikinye yaka. 33Yeso ambiso ijangi ngiinanɨ 'ʉtʉma wʉ abɨa, kija a꞉faniso yaka. Moni ngikʉnanɨ ka꞉mbangɨa ungbutu wʉ ɓombi kʉ ɓuɓomu. Gʉ ɛɓɔ ɓɔ: « Kambʉnakɔmʉ sina ikanzi yɨ moni ngikakɛ kʉkyananakɨa anʉ Ɨsalaɛlɛ aka! »
34Ɨkyɛmɨngana, Ɓafalisayɔ ɓambusigo ɓɔ: « Akiso mɨtʉma yɨ ɓabɨa tʉkʉ nʉ angu ʉ ngama ʉ ɓabɨa. »
Ɓombi ɓʉ kuu ɓa ɗɛkɛkɛ
35Yeso ambʉɓaɓaka amati ʉ ɓagʉlʉ kʉ ɓuɓomu, nʉ lɨkʉmbʉ lɔɔ ɗɛ ɗɛ ɗɛ kʉ liɓomu. Mʉa kʉ uɓomu aka i꞉nye ɓa‑ɔɔ, i꞉nye kyɨa kʉpanɨa amati ʉ lɨkáa lʉ nɨta ngila lʉ Ɓayuda, kʉɓɨakɨa ɓombi Ɨsaʉ yɛɛ Iɗo yɨ Ɓʉngama ngiɓa ɓa ekoo ʉ ɓisi. I꞉nye kuhiiso mɨgbʉ yɨ ɓakwisikiso kʉ iɓomu, nʉ ɓombi ɓɔɔ ɓʉjʉnganakɛ kʉ ɓuɓomu.
36Ati ngia Yeso a꞉na‑ɔɔ tiga ungbutu wʉ ɓombi, ambʉɓʉnɨa ikoko jʉ ɓi꞉nye ɓundokoneni ndokonoo, nʉ ɓambikinye tii ɓata nʉ angu kʉ ɓwanɨ. Ɓi꞉nye ndʉ ɓakɔndɔlɔ ngiɓa ɓambʉkɔmʉ nʉ mʉpɨmakɨa. 37Kija a꞉sigio ɓakpataka ngiɓangɔ ɓɔ: « Masɔɔ ka maja akʉ watɨnɨ, ɨkyɛmɨngana, ɓombi ɓʉ kuu ɓa ɗɛkɛkɛ. 38Kʉ ɓwanɨ, teni makʉʉ ʉ masɔɔ ɓɔ ʉtʉma ɓombi ɓʉ kuu akʉ watɨnɨ kʉbʉa masɔɔ ngikangɔ. »
Voafantina amin'izao fotoana izao:
Matayɔ 9: BudKoya
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2021, Wycliffe Bible Translators, Inc.
Matayɔ 9
9
Yeso uhiiso jakɛsɨ
(Mak 2:1-12; Luk 5:17-26)
1Mbise ɔngɔ, Yeso ambuɗito akʉ ɨngbɔɔ, ambʉtapʉa amondu ʉ yapuu yɛɛ ɨja, ambʉɓʉya anʉ Kapelenaumu amati ʉ gʉlʉ ngia i꞉nye kyɨa‑ɛɛ. 2Ɓambʉka nʉ jakɛsɨ mʉngana apɛɛ angɔ 'ukwaise ekoo ʉ ɓʉkwaɨ. Kʉna baya ngiindaɓʉ, Yeso ambusigio jakɛsɨ ngiinanɨ ɓɔ: « Chɨka igue‑gue! Wuliso 'ʉtʉma! Ɓʉɓɨɓɨ ngiɓʉsɔɔ ɓʉ꞉napɨa ɛɓɔ pɨanɨ. »
3Kija ɓapananakɨa ɓʉ mapanʉ ngana ngana ɓambʉyakanaka ati ʉndaɓʉ ɓɔ: « Mombi ngiakɛ akʉzɨaka Asʉɓɨɨ! »
4Ɨkyɛmɨngana, Yeso a꞉mbɨa moni ngika ɓi꞉nye kutunguo amati ʉ mɨtʉma ngiindaɓʉ tʉkʉ mbɨaa. Kija a꞉ɓuɓukuo ɓɔ: « Ikanzi yɨ itungwio yɛɛ ɓɨɓɨ tɨmanɨ iya nanayɔ ɓwanɨ? 5Ɨmanɨ ya ɓʉkaɨ, gʉ kusigo ɓɔ: ‹ Ɓʉ꞉napɨa ɓʉɓɨɓɨ ngiɓʉsɔɔ pɨaa ›, gʉ yɛmɔ kusigo ɓɔ: ‹ Maa, kɨndaka? › 6Mbɨeni iɗo ɓɔ Mwana ngia ʉ Mombi anʉ ʉpanʉ kʉpɨa ɓʉɓɨɓɨ akʉ ɨtaka ngia. » Kija Yeso a꞉sigio jakɛsɨ ngiinanɨ ɓɔ: « Maa! Chɨka ɓʉkwaɨ ngiɓʉsɔɔ, wambʉtʉa andɔɔ! »
7Kija mombi ngiinanɨ a꞉máa, ambʉsa yangɔ.
8Ati ngia ungbutu wʉ ɓombi wa꞉na nayɔ moni ngikʉnanɨ, kija ya꞉ɓukiso kʉ ʉɓa. Ɓambubibiso Asʉɓɨɨ ngia a꞉nzo ɓombi ʉpanʉ wɔɔ kyɨɛ ikanzi yɨ moni ngikʉnanɨ.
Yeso usoko Matayɔ ɓɔ ʉmʉkpata
(Mak 2:13-17; Luk 5:27-32)
9Iya Yeso a꞉ʉngwa nanɨ akʉ i꞉nye‑ɔɔ, ɛyɔ tiga kʉɓaa ɨngbaa, ambʉna ndɔmbɛ mʉngana ino ɓɔ Matayɔ 'uwei akʉ bilo ɔɔ lipise manzanza. Gʉ Yeso nayɔ ɓɔ: « Matayɔ! Nakpata! » Kʉ nɨma ngiinanɨ ambʉmáa, ambʉmʉkpata.
10Mbise ngiinanɨ, Yeso ambʉsa ɔɔ Matayɔ andei kʉdyakaka. Ɓandɔmbɛ ɓɔɔ ɓulipise manzanza ɓaja ɨzɔ nʉ ɓombi ɓʉ ɓʉɓɨɓɨ ɓambukumunio kʉ ananɨ. Ɓambuwulo ɨzɔ nʉ ɔɔ Yeso nʉ ɓakpataka ngiɓangɔ ɓʉ kyɛɛ kʉdyakaka. 11Iya Ɓafalisayɔ ɓa꞉na moni ngikʉnanɨ, gʉ ɛɓɔ nʉ ɓakpataka ngiɓangɔ ɓɔ: « Jʉtanɨ‑zʉ mʉpananakɨa nguʉndɛnʉ wakʉdyakaka ɨzɔ nʉ ɓandɔmbɛ ɓɔɔ lipise manzanza, nʉ ɓombi ɓʉ ɓʉɓɨɓɨ? »
12Iya Yeso a꞉kɔ nayɔ moni ngikʉnanɨ, ambusigo ɓɔ: « Ɓombi ɓɔɔ ɓʉmbʉmʉ ɓambakakyɨa nʉ taa yɨ mʉnganga. Ɨkyɛmɨngana, tʉkʉ ɓombi ɓʉ ɓakwisikiso ɓaakyɨa nʉ taa yangɔ! 13Kʉ ɓwanɨ, seni kupimiso inyi yɨ moni ngika Asʉɓɨɨ a꞉sigo‑ɔɔ ɓɔ: ‹ Ɛmɛ maabaya nadɨndɨ mombi ngia aanɨa ɓangɛ ikoko kʉɓaa mombi ngia aanzo 'ʉtʉmbɨa. ›#Popoko Ɔsɛ 6:6 Jʉ ɛmɛ ma꞉kakɔmʉ kusoko ɓombi ngiɓa ɓa ɓaɓʉkwananakɛ, ɨkyɛmɨngana ma꞉ka kusoko ɓombi ɓʉ ɓʉɓɨɓɨ. »
Ɓakpataka ɓʉ Yʉanɨ ɓuɓukuo Yeso moni ekoo ʉ taa idyo
(Mak 2:18-22; Luk 5:33-39)
14Mbise ɔngɔ, ɓakpataka ngiɓa ɓʉ Yʉanɨ ɓambʉka anambamba ʉ Yeso. Gʉ ɛɓɔ nayɔ ɓɔ: « Isu nʉ Ɓafalisayɔ kaatáa idyo akʉ wati taa. Jʉtanɨ ɓakpataka nga ɓʉsɔɔ ɓambakatáa yɨndaɓʉ idyo? » 15Yeso ambuɓutisio ɓɔ: « Yakyananakɨa ɨkyɨkyɨɓʉmʉ tanɨ ɓɔ ɓombi ngiɓa ɓa꞉ɓusoko akʉ ʉmbɔ wʉ chɨkana ɓaɓio akʉ ikoko, ati ngia ɓa‑zʉ‑ɔɔ ɨzɔ nʉ ɔɔ swaɨ ʉ moi kʉtaa? Ya꞊ɓio nʉ ɓisi mʉngana iɓa ɓa꞊ɓungwisio‑ɔɔ swaɨ ʉ moi, ati ngiinanɨ ɓa꞊kwanana tiga kʉtáa idyo akʉ wati.
16Mombi gʉkʉ mʉngana ambʉkʉkwanana kukutoko ɨdɔdɔkɔ yɨ ɨpʉkʉ nʉ ɨɗaka yɨ ɨtakɨ‑takɨ. Jʉ ɨɗaka ngia yɨ ɨtakɨ‑takɨ yanatʉa ɨdɔdɔkɔ tʉkʉ ɓʉ hua, kija ihoo yɛngɔ ya꞊ka tiga ɨja nadɨndɨ. 17Kʉndʉ ɓambʉkʉkwanana kuto vinyo wʉ ɨtakɨ‑takɨ amati ʉ lɨkɔchɔ lʉ jɛnɛ jɛnɛ,#9:17 Gʉ ɓɔ ila ɓa꞉lɨkyɨa nʉ mamba kʉ ɓanama. Jʉ ɓʉkyɨeni ɓwanɨ, vinyo ngiinanɨ anatʉa lɨkɔchɔ lʉ jɛnɛ jɛnɛ ngilʉnanɨ tʉkʉ ɓʉ hua, kija vinyo ayabuo akɛsɨ. Abana lɨkɔchɔ ngilʉnanɨ latambɨa tiga kʉ tambɨanɨ. Yɨkwanana ɓuto vinyo nga wʉ ɨtakɨ‑takɨ, kʉ amati ʉ lɨkɔchɔ lʉ ɨtakɨ‑takɨ. Kʉ ɓwanɨ, kumbo ɓepini ngiinanɨ kʉ uɓomu uɓio 'ʉpɨmakɨɛ tʉkʉ iɗo! »
Yeso uhiiso moi, ambʉjʉkaniso mʉnda wʉ mwana ɔɔ moi
(Mak 5:21-43; Luk 8:40-56)
18Ati ngia Yeso inye‑zʉ‑ɔɔ naɓɔ tʉkʉ kʉngakɨa moni ngikʉnanɨ, ngama ʉ Ɓayuda mʉngana ambʉka kʉgbʉkʉmɨa muwuu apɛɛ angɔ. Gʉ ɛyɔ nayɔ ɓɔ: « Mwana ngiasɛmɛ ɔɔ moi u꞉wu tʉkʉ ɨtakɨ‑takɨ ngia. Abana ɓwanɨ kititi, ambʉ́ wʉka‑zʉ nayɔ tʉkʉ kʉnapɨa lɨkɔndɔ ambʉ ʉjʉkana tʉkʉ jʉkananɨ. » 19Kija Yeso nʉ ɓakpataka ngiɓangɔ ɓambʉʉngwɨa kɨnda kʉsa kʉkpata ngama ngiinanɨ.
20Moi mʉngana i꞉nye nʉ kweso yɛɛ ɓʉɛ miniki amati ʉ mugo kumi nʉ kapɨnɨ. Moi ngiinanɨ ambʉɗʉana ambise ʉ Yeso, ambuɓoto 'ʉtʉ wʉ ɨpʉkʉ nguangɔ. 21Jʉ i꞉nye kʉyakanaka akʉ 'ʉtʉma ɓɔ: « Muɓoteni gʉtʉ tʉkʉ ɨpʉkʉ ngiangɔ, ma꞊hɨa tʉkʉ hɨaa. » 22Iya a꞉muɓoto nayɔ, Yeso ambʉnɨtana, ambʉmʉna, gʉ ɛyɔ nayɔ ɓɔ: « Mwana asɛmɛ, chɨka igue‑gue! Baya ngiisɔɔ yɨnahiiso hiisoo. » Tʉkʉ nɨma ngiinanɨ, moi ngiinanɨ ambʉhɨa.
23Mbise ɔngɔ, Yeso ambʉɓʉya tiga ɔɔ ngama ngiinanɨ andei. Nani, ambʉna ɓombi ɓʉ mbáa ɓi꞉nyeni kʉmba mbáa ʉkʉ didima, ɨzɔ nʉ ungbutu wʉ ɓombi nga wɔmɔ amati ʉ gbongbo ʉ ndɨa ɓʉ hɔɔ.
24Gʉ Yeso naɓɔ ɓɔ: « Inu, ɓʉeni aɓei! Mwana ɔɔ moi ngiakɛ uwokɔmʉ! Ʉkwaa tʉkʉ tɔɔ! » Iya ɓombi ɓa꞉kɔ nayɔ ɓwanɨ, ɓambufaniso nayɔ nʉa. 25Ɓambʉɓʉa kʉ ɓuɓomu aɓei, Yeso ambukumunio ambɛnɨ. Ambuɓoto mwana ɔɔ moi ngiinanɨ ɨkɔndɔ. Kʉ nɨma ngiinanɨ, mwana ɔɔ moi ambʉʉngwa ɨkʉʉ.
26Ɨsaʉ ngiinanɨ yambʉnadaa gɨpa kʉ uɓomu.
Yeso uhiiso ɓombi ɓapɨnɨ ɓɔɔ ɓuchwiye mesu
27Ati ngia Yeso ɔ꞉ngwɨa tiga‑ɔɔ kɨnda kʉsa, ɓombi ɓɔɔ ɓuchwiye mesu ɓapɨnɨ ɓambufaniso nayɔ kpata mbise nʉ nachokoo ɓɔ: « Kikiliki! Mwana ʉ mwana ʉ Daudi! Tɨnɨa ɓaka ikoko! »
28Iya Yeso a꞉ɓʉya nayɔ andei, ɓombi ɓɔɔ ɓuchwiye mesu ngiɓʉnanɨ, ɓambʉka anambamba angɔ. Kija Yeso aɓusigio ɓɔ: « Ajʉ nanʉ baya tʉkʉ kingono ɓɔ ɛmɛ makwanana ninu kuhiiso ɓiɛ? » Gʉ ɛɓɔ nayɔ ɓɔ: « Oo Makʉʉɓɨɨ! Kanʉ baya ɓwanɨ! » 29Tʉkʉ nɨma ngiinanɨ, Yeso ambuɓoto mesu ngikʉndaɓʉ, ambuɓusigio ɓɔ: « Yɨkyɨanɨa ekoo ʉndɛnʉ ngbanga tʉkʉ nʉ baya ngiindɛnʉ. » 30Gbɛgbɛ tʉkʉ ananɨ, mesu ngikʉndaɓʉ kambʉgananɨa. Gʉ Yeso naɓɔ ɓɔ: « Kpɔ kpɔ kpɔ, nɔɔɓɨakɔmʉ mombi gʉkʉ mʉngana moni ngikʉnanɨ. » 31Ɨkyɛmɨngana, iya tʉkʉ ɓa꞉ʉngwa nanɨ, ɓambufaniso ɓɨakɨa ɨsaʉ yɨ Yeso amati ʉ gɨpa ngiinanɨ kʉ uɓomu.
Yeso uhiiso ijangi
32Ati ngia ɓombi ɓapɨnɨ ngiɓa Yeso a꞉ɓuhiiso ɓi꞉nye tiga‑ɔɔ kʉsa, ɓambʉka ɓata nʉ mombi ʉ 'ʉtʉma wʉ abɨa mʉngana apɛɛ angɔ iya 'ʉtʉma wʉ abɨa wa꞉muikiso ijangi ngia yambikinye yaka. 33Yeso ambiso ijangi ngiinanɨ 'ʉtʉma wʉ abɨa, kija a꞉faniso yaka. Moni ngikʉnanɨ ka꞉mbangɨa ungbutu wʉ ɓombi kʉ ɓuɓomu. Gʉ ɛɓɔ ɓɔ: « Kambʉnakɔmʉ sina ikanzi yɨ moni ngikakɛ kʉkyananakɨa anʉ Ɨsalaɛlɛ aka! »
34Ɨkyɛmɨngana, Ɓafalisayɔ ɓambusigo ɓɔ: « Akiso mɨtʉma yɨ ɓabɨa tʉkʉ nʉ angu ʉ ngama ʉ ɓabɨa. »
Ɓombi ɓʉ kuu ɓa ɗɛkɛkɛ
35Yeso ambʉɓaɓaka amati ʉ ɓagʉlʉ kʉ ɓuɓomu, nʉ lɨkʉmbʉ lɔɔ ɗɛ ɗɛ ɗɛ kʉ liɓomu. Mʉa kʉ uɓomu aka i꞉nye ɓa‑ɔɔ, i꞉nye kyɨa kʉpanɨa amati ʉ lɨkáa lʉ nɨta ngila lʉ Ɓayuda, kʉɓɨakɨa ɓombi Ɨsaʉ yɛɛ Iɗo yɨ Ɓʉngama ngiɓa ɓa ekoo ʉ ɓisi. I꞉nye kuhiiso mɨgbʉ yɨ ɓakwisikiso kʉ iɓomu, nʉ ɓombi ɓɔɔ ɓʉjʉnganakɛ kʉ ɓuɓomu.
36Ati ngia Yeso a꞉na‑ɔɔ tiga ungbutu wʉ ɓombi, ambʉɓʉnɨa ikoko jʉ ɓi꞉nye ɓundokoneni ndokonoo, nʉ ɓambikinye tii ɓata nʉ angu kʉ ɓwanɨ. Ɓi꞉nye ndʉ ɓakɔndɔlɔ ngiɓa ɓambʉkɔmʉ nʉ mʉpɨmakɨa. 37Kija a꞉sigio ɓakpataka ngiɓangɔ ɓɔ: « Masɔɔ ka maja akʉ watɨnɨ, ɨkyɛmɨngana, ɓombi ɓʉ kuu ɓa ɗɛkɛkɛ. 38Kʉ ɓwanɨ, teni makʉʉ ʉ masɔɔ ɓɔ ʉtʉma ɓombi ɓʉ kuu akʉ watɨnɨ kʉbʉa masɔɔ ngikangɔ. »
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2021, Wycliffe Bible Translators, Inc.