Salamo 45
45
SALAMO 45 (Volgata 44)
Fankalazana ny fanambadian’ny mpanjaka
1Ho an’ny mpampianatra hira. Amin’ny lisy#45,1 Amin’ny lisy: Anarana fanononana hira fanaon’ny olona.. Nataon’ny taranak’i Kôre. Hiram-pitiavana.
2Hira mahafinaritra no miboiboika avy ao am-poko;
hoy aho: Ho an’ny mpanjaka anankiray no alahatro!
Manahaka ny penina faingam-panoratra ny lelako.
3Tsara tarehy noho ny zanak’olombelona ianao;
feno fahafinaretana ny molotrao#45,3 Feno fahafinaretana ny molotrao. Hoy i Masindahy Lioka mantsy an’i Jesoa Kristy: Izy rehetra...talanjona amin’ny tenim-pahasoavana naloaky ny vavany.,
ka noho izany dia notahin’Andriamanitra mandrakizay ianao#45,3 Notahin’Andriamanitra mandrakizay ianao. I Jesoa Kristy no feno fahasoavana indrindra noho ny fitahian’Andriamanitra Azy. Noho ny maha Andriamanitra Azy ary koa noho ny asa soa rehetra nataony no nahazoany izany fahasoavana izany..
4Sikino amin’ny sabatrao ny valahanao, ry ilay mahery,
tafio ny famirapiratanao amam-piandriananao.
5Iakaro ny kalesinao, ka mandrosoa amin’ny fiandriananao,
mikatroha hiaro ny fahamarinana, ny halemem-panahy, ny rariny;
ary ny tananao ankavanana anie hahavitanao asa mahagaga.
6Maranitra ny zana-tsipìkanao;
firenena maro no ho lavo eo an-tongotrao.-
Hotrabaran’ireny ny fon’ny fahavalon’ny mpanjaka.
7Andriamanitra ô, tafatoetra mandrakizay ny seza fiandriananao#45,7 Tafatoetra mandrakizay ny seza fiandriananao. Mihatra amin’i Jesoa Kristy ireo teny ireo.;
tehim-pahamarinana, ny tehim-panjakanao.
8Tia ny rariny Ianao, fa mankahala ny heloka;
ka noho izany, Andriamanitra, Andriamanitrao nanosotra anao#45,8 Andriamanitra nanosotra anao, izany hoe, nanangana anao ho mpanjaka sy mpisorona.
tamin’ny diloilom-piravoravoana, mihoatra noho ny namanao#45,8 Mihoatra ny namanao, mihoatra noho ny mpanjaka sy ny mpisorona rehetra - I Jesoa Kristy indrindra no mendrika hilazana izany (Asa 10,38)..
9Manitra mira sy aloesy aman-kasa ny fitafianao rehetra;
mamalifaly anao ny zava-maneno avy ao an-dapa ivoara#45,9 Ao an-dapa ivoara. Asa na vata ivoara no tian-kolazaina eto, vata nitahirizana ny zava-maneno; na lapa, na trano voapetaka ivoara ny anatiny, toy ny an’i Akaba, mpanjakan’i Israely (jereo 1Mpa 22,39)..
10Zanaka vavin’Andriamanitra no isan’ny malalanao;
ny mpanjakavavy miravaka volamenan’i Ofira no eo ankavananao.
11Henoy, anaka, jereo ary mampandria sofina:
hadinoy ny firenenao aman-tranon-drainao,
12dia ho raiki-pitia ny hatsaran-tarehinao ny mpanjaka
fa tomponao izy; ka tolory fanajana.
13Mitondra fanatitra ny zanaka vavin’i Tira
mbamin’ny manan-karena amin’ny vahoaka, hitady fitia aminao.
14Feno famirapiratana ny zanaka vavin’ny mpanjaka ao anatin’ny trano:
volamena voatenona no itafiany.
15Miakanjo misoratsoratra izy, no entina ao amin’ny mpanjaka;
manaraka azy misy zazavavy namany entina ho ao aminao.
16Ampandrosoina amim-pifaliana sy firavoravoana izy ireo,
dia miditra ao an-dapan’ny mpanjaka.
17Ny zanakao no hisolo toerana ny rainao#45,17 Ny zanakao no hisolo toerana ny rainao. Tamin’ny andininy faha-11 dia namporisihin’ny mpanotrona azy ny vadin’ny mpanjaka mba hanadino ny fireneny sy ny fianakaviany: ary ho valin’izany, hoy izy ireo, dia homena zanaka, izay hanjaka amin’ny tany rehetra.;
hatsanganao ho mpanapaka amin’ny tany rehetra izy ireo.
18Hampahatsiaro ny Anaranao amin’ny taona rehetra aho;
ka hidera Anao mandrakizay ny firenena.
Voafantina amin'izao fotoana izao:
Salamo 45: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.