LUKASI 22
22
Nə tɛ nə́ ghəm Yeso
(Mt 26.1-5; Mk 14.1-2,10-11; Yhn 11.45-53)
1Tyɛ'dzʉ ŋwɛnyə msɛ tə ŋkwɔ' msɛ yə pu ŋkhe gɑ paska a lə pɑ sɔ', 2mtadyə mkamsi pu a pɑ zhyə mco' pɑwə shəŋ pa' wap gɔ ghə tə zhwə Yeso a, nə pa' wap lə bɑwə bwɔk pɔmnəŋ.
3A lə pɑ po'o Sata ko nə Yuda Iskariɔt yə e lə bɑ mu' nə pɑkhʉ Yeso shwɔppʉə m gham a. 4E ghɔ pu a mtadyə mkamsi ba mtadyə səŋwi cɔm pa' wap gɔ ghə tə e hɑ Yeso bi pu a. 5Wap lə ŋwɛnyə, biŋ gɑ wap gɔ hɑ ŋkháp bi e. 6E lə piŋ cwəlɔ, bɑwə shəŋ kwa' pá' e gɔ nə hɑ Yeso bi pu tə pɔmnəŋ jyə a.
Yeso ghə pu nyaptə Paska
(Mt 26.17-19; Mk 14.12-16; Yhn 13.21-30)
7Tyɛ'dzʉ msɛ tə kwɔ'msɛ, tyɛ'dzʉ yə pu lə bɑwə gɔ zhwə dzə́ nə paska a lə kú'. 8Yeso təm Pɛtrɔ pu Yohane gɔm bi pu gɑ: Po ghɔ nyaptə Paska pɑ tsʉ́. 9Wap həŋtə e gɑ: O shəŋ gɑ pyə nyaptə Paska tsʉ' kʉ́? 10E ghɔm bi pu gɑ: Po gɔ nə ko tisuŋ po a mu' mbɛ yu'tə bɑ e kwa ghʉɔ shyə. Po yap jʉm e po a pu ghɔ dyə tsʉ' yə e dɑ m nə a. 11Po ghɔm bi gɛ dyə gɑ: Tá ghɔm gɑ: Twɔ'dyə̌ yə gɑ gɔ tsu paska nə pyə a pɑkhʉ pɑ̌ a hɑ? 12Bɛ bɔ gɔ la'tə wɔ twɔ'dyə̌ bɑ a cəŋtə gyɛ́'nyə m zhəŋ thə́ nə pa' e. A po nyaptə guŋ ywə awɛ tsʉ'u. 13Wap lə ghɔ̌ ŋkho jɔ guŋ ywə awɛ pɑ pa' e la' gɔm a. Wap nyaptə Paska.
Paska sə́
(Mt 26.26-29; Mk 14.22-25; 1 Kor 11.23-26)
14Cwə lə ku'u e cwə tɑpe pu a mghɛ nthəm pyə; 15e ghɔm bi pu gɑ: Tə zhyə dəŋ pa' gɑ sʉm gɑ́ pɑ pəmtə dzʉ Paska yəŋ gɑ tə ŋ jɔgo'. 16Nə pa' gɑ siŋ wɔ gɑ ŋ tə gɔ la' piŋ tsʉ yá pɑ tə a la' bəmtə nthʉm Nəfo Si. 17E lə kwi nthǔ' go'tə Si nə́ gɔm gɑ: Po kɑ gaptə cəcɑ̌ po. 18Gɑ̌ siŋ wɔ gɑ ŋ tə gɔ la' tə piŋ nwə mlu' nthɔm mthə pɑ tə kəm tyɛ'dzʉ yə Nəfo Si sɔ' a. 19E lə pe msɛ̌, go'tə Si, bo'tə, hɑ bi pu gɔm gɑ: Yəŋ bɑ nɑ́ a yə pu hɑ nə po a. Po ghə po'o nə ŋkhamtə a. 20E lə kwi' gə po'o ba m nə nthǔ', cwə yə wap lə miŋ nə tsʉywə a, gɔm gɑ: Nthǔ' yəŋ gɑ bɑ kɔ sə́ nə mcyə mə̌, myə pu pfyə nə po a.
Nə siŋ nwə mnɛ
(Mt 26.20-25; Mk 14.17-21)
21Tə́ yɔ: Pǔ mo yə e hɑ́ a yəŋ tɑpe tsɔ'ɔ pyə e pɑwə bəmtə dzʉywətsʉ. 22Nə pa' Mú mo gɔ pɑ pa' Si lə yap a; tə́ ghəghʉɔ bi mo yə e hɑ é a. 23Pɑkhʉ pyə lə to' nə həŋtə cəcɑ̌ pu gɑ ya mo nə pu lə́ gɔ ghə po'o.
Wɑ̌ bɑ mo gwyə?
(Mt 18.1; 20.25-28; Mk 9.34; 10.42-45)
24Wap lə pɑ̌ nthɛshwə cəcɑ̌ pu nə mo yə e gɔ pɑ mo gwyə́ cəcɑ̌ pu a. 25Yeso ghɔm bi pu gɑ: Mfomfo sa' mguŋ map, pɑ́ cya pɑ gə pu ke wap gɑ pɔ pɑpuŋ. 26Da' gɑ po tə bɑ yɔ m po'o pɑ: A puŋ gɑ Mo gwyə cəcɑ̌ po cwə nə tsʉ' mukhʉ̌, a gɛ sa' cwə nə tsʉ' gɛfa'.
27A po'o mo gwyə pɑ́ pɑ mo yə e tɑpe a kɑ mo yə e dɑ ywə sɔ' tɑpe a? A tə bɑ mo yə e tɑpe a pǎ? Tə́ gɑ̌ bɑ cəcɑ̌ po bɑ́ pɑ gɛfa'.
28Po bɑ́ pɔ pyə wap do' tə pwa jʉ̌m m̀ nthʉm go' a. 29A gɔ cyə m po'o a hɑ Nəfo bi po dəŋdəŋ pa' Ta hɑ Nəfo bəm a. 30Po'o gɑ po sɔ' nwə́ biŋ pfɑ tɑpe m̀ nthʉm Nəfo a. A jap wɔ nə mleŋfo shwɔppʉə mgham. Po pɑ sa' mtuŋdyə Israɛl shwɔppʉə mghǎm.
Nə ghɔm bi Pɛtrɔ gɑ e pɔmtə
(Mt 26.31-35; Mk 14.27-31; Yhn 13.36-38)
31Cyəpɔ ghɔm gɑ: Simon Simon, yɔ, sata wə shəŋ nə cʉ' o pa' pu shʉ' msɛ a. 32Da' gɑ́ gɑ̌ cwyɛ'nyə Si nə thə́ o, po'o gɑ piŋnthʉm o kɑ mi. Tə́ sɔ́' m nə́ wə, cwə yə o gɔ sɔ' pɑnyə bəm a o pʉ' mfɑ pǔ. 33Pɛtrɔ ghɔm bi e gɑ: Cyəpɔ gɑ wə byap tə bi a pu pəmtə gɔ dyəcɛ̌ kɑ nə́ pfʉ lə. 34Yeso ghɔm bi é gɑ: Pɛtrɔ, gɑ siŋ o gɑ ko' gɔ cwə nə tuŋ tyɛ' ɔ bɑ o e da' ŋkhəŋnyə gɑ o ka zhyə a mcʉm mənthá.
35Yeso lə piŋ gɔm bi pu gɑ: Cwə yə ŋ də təm wɔ po ghɔ tə lɑ petə́, tə́ lɑ pʉə, tə lɑ mthap a, ywə lə ko jak bi po a? Wap pa' gɑ gɛ̌. 36E piŋ gɔm bi pu gɑ: Sɔ' m nə cwəlɔ, mo yə e ghə petə́ a lɑ, ba mo yə e ghə pʉə a e lɑ. A mo yə e ka ghə nyədwɔp a fiŋ dzə́ dəm e nə jo nyədwɔp. 37Nə pa' gɑ wə siŋ wɔ gɑ ghɔm tsyə pu lə la' bvə gɑ: Pu lě sɛ́ é m cəcɑ̌ pɑ ghə nwə cwəpuŋ a gɔ pəmtə nə m. Nə pa' guŋ ywə yə a bɑwə de a gɔ pəmtə. 38Pɑkhʉ pyə lə ghɔm bi e gɑ: Cyəpɔ mnyədwɔp mɔ gɑ mɑbʉə. E ghɔm bi pu gɑ: A ku'.
Mcwyɛ'nyə dəm kuŋ mthə olivə
(Mt 26.36-46; Mk 14.32-42)
39E lə təm pa' e ji nthəm a gɔ m kúŋ mthə olivə, pɑkhʉ pyə yap jʉm e. 40Pu a pu lə kəm tsʉ'u, e ghɔm bi pu gɑ: Po cwyɛ'nyə Si gɑ po kɑ vʉ nə mləŋtə. 41E lə lu bəŋ pu, giŋ nthə pa' bi a pɑ mo ma' gwɔ' a vʉ nə a; ŋkham mkwi'tə myə́ si shwyɛ'nyə Si gɔm gɑ: 42Ta, o kuŋ gɑ yəŋ gɑ nthǔ' kɑ cyə bəŋ m̀. Da' gɑ tə ywə yə myə̀ nə ŋkhuŋ a pɑ, ywə yə wə nə ŋkhuŋ a nə pəmtə́. 43A lə pɑ po'o ta' aŋgəle fɑ kɛbəŋ, sɔ' bɑ bʉ' é, 44e pɑ nyəŋ gʉ' nə mcwyɛ'nyə. Mtsi'nyə pɑ nthəm nə e pa' mcyə á, lə shʉmtə si.
45E lə miŋ nə cwyɛ'nyə Si, dusi gɔ bəŋ pɑkhʉ pyə, nə sɔ' wap pɑwə di nthʉm zhwiŋ. 46E ghɔm bi pu gɑ: Po wə di tsɔ! Po lusi shwyɛ'nyə Si gɑ po kɑ vʉ nə gʉ' mləŋtə.
Nə ghəm Yeso
(Mt 26.47-56; Mk 14.43-50; Yhn 18.3-11)
47E lə pɑ̌ gɔm po'o nə yɔ vəŋ pɔ ŋwak, mu' nə pɑkhʉ pyə shwɔppʉə mgham yə pu ŋkhe e gɑ Yuda a pɑ thə́dzə. E lə sɔ' bəŋ Yeso, nuŋ mgho' myə́. 48Yeso ghɔm bi e gɑ: Yuda, o shyə m nə nə́ nùŋ mgho' tə́ hɑ Mú mo lə? 49Pɔ pyə wap lə bɑ bəŋ Yeso a, lə yɔ ywə yə a lə bɑwə gɔ cyə a, həŋtə Yeso gɑ: Cyəpɔ, pyə lɑ mnyədwɔp mɔk do' a? 50Mu' mo nə pu lɑ nyədwɔp e nɔk gɛfa' tadyə mkamsi, ja' təŋ e yə tʉɔ. 51Da' gɑ Yeso ghɔm gɔm gɑ: Po tak pa' a, e ghɔm po'o, sho' pu e nə təŋ gɛ a tʉɔ.
52Yeso piŋ gɔm bi pɔ pyə wap lə sɔ' nə ghəm e a, pɑ mtadyə mkamsi, mtadyə pɑ pyap Dyə Si, ba mghətso Dyə Si gɑ: Pa' nə ghəm samshwə a po nə́ sɔ' dɑ mnyədwɔp pu a mwya! 53Cwə yə ŋ də bɑ cəcɑ̌ po Dyə Si guŋ mtyɛ'dzʉ awɛ a, po lě tə yap pu nə m̀. Tə yəŋ bɑ yɔ cwə, gʉ' jʉ̌m.
Pɛtrɔ kəŋnyə Yeso
(Mt 26.57-58,69-75; Mk 14.53-54,66-72; Yhn 18.12-18,25-27)
54Wap lə ghəm e, dɑ e gɔ dyə tadyə mkamsi. Pɛtrɔ pɑ jʉ̀m, tə́ na' bɑ gʉə sʉəsʉə. 55Pa' pɔ bɔ lə su mɑ mɔk shwədyə̌ shwə bəŋ o a, Pɛtrɔ lə bɑ yə cəcɑ̌ pu bɑ e cwə. 56Mú' mjwǐ gɛfa' lə lɑ sɛ mɔ̌k jɔ Pɛtrɔ, de é dəŋdəŋ gɔm gɑ: Ba pu mo yə gɑ nə kɑ bɑ. 57Pɛtrɔ kəŋnyə gɔm gɑ: Mɑmjwi, ŋ khɑ zhyə́ e. 58A lə nə cwə muywə mu' mo kwi' jɔ e gɔm gɑ: Ba wə o bɑ mo yap. Pɛtrɔ pa' gɑ a tə bɑ a pɑ́. 59A lə nə cyə ta' nam mu' mo piŋ shəŋtə gɔm gɑ: Kwa' nyənyɔ pu mo yə gɑ nə kɑ bɑ; e nəŋ bɑ yə Galilea. 60Pɛtrɔ lə pa' gɑ: Ŋ kha zhyə ywə yə o bɑwə shəŋ nə ghɔm a. Pɛtrɔ lə pɑ gɔm po'o ko' tuŋ 61Cyəpɔ fɛ nɑ e de Pɛtrɔ. Pɛtrɔ kamtə ghɔm tsyə Cyəpɔ la' gɔm bi e a gɑ: Ko' gɔ nə tuŋ tyɛ' ɔ bɑ o kəŋnyə a m cʉm ntha a. 62E lə tə̌m dɑ mtso dɔ̌.
63Pɔ pyə wap lə bɑwə byap Yeso a, lə yəmtə e, dɑ mshɔm shwɔ e. 64Pa' a lə bɑ wap kwɑ mnyə myə́ a, wáp lə həŋtə e gɑ, wɑ̌ shwɔ o, tu e. 65Wap lə lɑ mcap nthinthi nə shap e.
Yeso dzə̌ Sanedrɛŋ
(Mt 26.59-66; Mk 14.55-64; Yhn 18.19-24)
66Dzʉ lə lɔ̌, mghətso Dyə Si pu a mtadyə mkamsi, pu a pɑ zhyə mco' cu'tə dɑ Yeso gɔ dzə cu'tə gwyə yə pu ŋkhe gɑ Sanedrɛŋ a. 67Gɔm bi e gɑ: O pɑ Mesia o siŋ wɔk. E ghɔm bi pu gɑ: Siŋ wɔ́ bɑ po tə gɔ piŋ pɑ. 68Bi a nəŋ həŋtə wɔ nwə bɑ po tə gɔ pa' pɑ. 69Da' gɑ tə fə cwəlɔ, Mu mo gɔ cwə́ nə́ ghəŋ tʉɔ Si nthʉɔtʉɔ. 70Guŋ yap awɛ ghɔm gɑ: Yəŋ gɑ́ la'tə gɑ o bɑ Mú Si. E ghɔm bi pu gɑ: Pɑ kwa' wɔ nə gɔm, gɑ̌ bɑ e. 71Wap piŋ gɔm gɑ: Pɑ biŋ bɑwə byap ya nthi nə ŋkwinthɛ? E ghɔmnwə tə pɑ nə́ŋ jú'.
Voafantina amin'izao fotoana izao:
LUKASI 22: NTGomala
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Nouveau Testament Ghomala © Bible Society of Cameroon, 2002.
LUKASI 22
22
Nə tɛ nə́ ghəm Yeso
(Mt 26.1-5; Mk 14.1-2,10-11; Yhn 11.45-53)
1Tyɛ'dzʉ ŋwɛnyə msɛ tə ŋkwɔ' msɛ yə pu ŋkhe gɑ paska a lə pɑ sɔ', 2mtadyə mkamsi pu a pɑ zhyə mco' pɑwə shəŋ pa' wap gɔ ghə tə zhwə Yeso a, nə pa' wap lə bɑwə bwɔk pɔmnəŋ.
3A lə pɑ po'o Sata ko nə Yuda Iskariɔt yə e lə bɑ mu' nə pɑkhʉ Yeso shwɔppʉə m gham a. 4E ghɔ pu a mtadyə mkamsi ba mtadyə səŋwi cɔm pa' wap gɔ ghə tə e hɑ Yeso bi pu a. 5Wap lə ŋwɛnyə, biŋ gɑ wap gɔ hɑ ŋkháp bi e. 6E lə piŋ cwəlɔ, bɑwə shəŋ kwa' pá' e gɔ nə hɑ Yeso bi pu tə pɔmnəŋ jyə a.
Yeso ghə pu nyaptə Paska
(Mt 26.17-19; Mk 14.12-16; Yhn 13.21-30)
7Tyɛ'dzʉ msɛ tə kwɔ'msɛ, tyɛ'dzʉ yə pu lə bɑwə gɔ zhwə dzə́ nə paska a lə kú'. 8Yeso təm Pɛtrɔ pu Yohane gɔm bi pu gɑ: Po ghɔ nyaptə Paska pɑ tsʉ́. 9Wap həŋtə e gɑ: O shəŋ gɑ pyə nyaptə Paska tsʉ' kʉ́? 10E ghɔm bi pu gɑ: Po gɔ nə ko tisuŋ po a mu' mbɛ yu'tə bɑ e kwa ghʉɔ shyə. Po yap jʉm e po a pu ghɔ dyə tsʉ' yə e dɑ m nə a. 11Po ghɔm bi gɛ dyə gɑ: Tá ghɔm gɑ: Twɔ'dyə̌ yə gɑ gɔ tsu paska nə pyə a pɑkhʉ pɑ̌ a hɑ? 12Bɛ bɔ gɔ la'tə wɔ twɔ'dyə̌ bɑ a cəŋtə gyɛ́'nyə m zhəŋ thə́ nə pa' e. A po nyaptə guŋ ywə awɛ tsʉ'u. 13Wap lə ghɔ̌ ŋkho jɔ guŋ ywə awɛ pɑ pa' e la' gɔm a. Wap nyaptə Paska.
Paska sə́
(Mt 26.26-29; Mk 14.22-25; 1 Kor 11.23-26)
14Cwə lə ku'u e cwə tɑpe pu a mghɛ nthəm pyə; 15e ghɔm bi pu gɑ: Tə zhyə dəŋ pa' gɑ sʉm gɑ́ pɑ pəmtə dzʉ Paska yəŋ gɑ tə ŋ jɔgo'. 16Nə pa' gɑ siŋ wɔ gɑ ŋ tə gɔ la' piŋ tsʉ yá pɑ tə a la' bəmtə nthʉm Nəfo Si. 17E lə kwi nthǔ' go'tə Si nə́ gɔm gɑ: Po kɑ gaptə cəcɑ̌ po. 18Gɑ̌ siŋ wɔ gɑ ŋ tə gɔ la' tə piŋ nwə mlu' nthɔm mthə pɑ tə kəm tyɛ'dzʉ yə Nəfo Si sɔ' a. 19E lə pe msɛ̌, go'tə Si, bo'tə, hɑ bi pu gɔm gɑ: Yəŋ bɑ nɑ́ a yə pu hɑ nə po a. Po ghə po'o nə ŋkhamtə a. 20E lə kwi' gə po'o ba m nə nthǔ', cwə yə wap lə miŋ nə tsʉywə a, gɔm gɑ: Nthǔ' yəŋ gɑ bɑ kɔ sə́ nə mcyə mə̌, myə pu pfyə nə po a.
Nə siŋ nwə mnɛ
(Mt 26.20-25; Mk 14.17-21)
21Tə́ yɔ: Pǔ mo yə e hɑ́ a yəŋ tɑpe tsɔ'ɔ pyə e pɑwə bəmtə dzʉywətsʉ. 22Nə pa' Mú mo gɔ pɑ pa' Si lə yap a; tə́ ghəghʉɔ bi mo yə e hɑ é a. 23Pɑkhʉ pyə lə to' nə həŋtə cəcɑ̌ pu gɑ ya mo nə pu lə́ gɔ ghə po'o.
Wɑ̌ bɑ mo gwyə?
(Mt 18.1; 20.25-28; Mk 9.34; 10.42-45)
24Wap lə pɑ̌ nthɛshwə cəcɑ̌ pu nə mo yə e gɔ pɑ mo gwyə́ cəcɑ̌ pu a. 25Yeso ghɔm bi pu gɑ: Mfomfo sa' mguŋ map, pɑ́ cya pɑ gə pu ke wap gɑ pɔ pɑpuŋ. 26Da' gɑ po tə bɑ yɔ m po'o pɑ: A puŋ gɑ Mo gwyə cəcɑ̌ po cwə nə tsʉ' mukhʉ̌, a gɛ sa' cwə nə tsʉ' gɛfa'.
27A po'o mo gwyə pɑ́ pɑ mo yə e tɑpe a kɑ mo yə e dɑ ywə sɔ' tɑpe a? A tə bɑ mo yə e tɑpe a pǎ? Tə́ gɑ̌ bɑ cəcɑ̌ po bɑ́ pɑ gɛfa'.
28Po bɑ́ pɔ pyə wap do' tə pwa jʉ̌m m̀ nthʉm go' a. 29A gɔ cyə m po'o a hɑ Nəfo bi po dəŋdəŋ pa' Ta hɑ Nəfo bəm a. 30Po'o gɑ po sɔ' nwə́ biŋ pfɑ tɑpe m̀ nthʉm Nəfo a. A jap wɔ nə mleŋfo shwɔppʉə mgham. Po pɑ sa' mtuŋdyə Israɛl shwɔppʉə mghǎm.
Nə ghɔm bi Pɛtrɔ gɑ e pɔmtə
(Mt 26.31-35; Mk 14.27-31; Yhn 13.36-38)
31Cyəpɔ ghɔm gɑ: Simon Simon, yɔ, sata wə shəŋ nə cʉ' o pa' pu shʉ' msɛ a. 32Da' gɑ́ gɑ̌ cwyɛ'nyə Si nə thə́ o, po'o gɑ piŋnthʉm o kɑ mi. Tə́ sɔ́' m nə́ wə, cwə yə o gɔ sɔ' pɑnyə bəm a o pʉ' mfɑ pǔ. 33Pɛtrɔ ghɔm bi e gɑ: Cyəpɔ gɑ wə byap tə bi a pu pəmtə gɔ dyəcɛ̌ kɑ nə́ pfʉ lə. 34Yeso ghɔm bi é gɑ: Pɛtrɔ, gɑ siŋ o gɑ ko' gɔ cwə nə tuŋ tyɛ' ɔ bɑ o e da' ŋkhəŋnyə gɑ o ka zhyə a mcʉm mənthá.
35Yeso lə piŋ gɔm bi pu gɑ: Cwə yə ŋ də təm wɔ po ghɔ tə lɑ petə́, tə́ lɑ pʉə, tə lɑ mthap a, ywə lə ko jak bi po a? Wap pa' gɑ gɛ̌. 36E piŋ gɔm bi pu gɑ: Sɔ' m nə cwəlɔ, mo yə e ghə petə́ a lɑ, ba mo yə e ghə pʉə a e lɑ. A mo yə e ka ghə nyədwɔp a fiŋ dzə́ dəm e nə jo nyədwɔp. 37Nə pa' gɑ wə siŋ wɔ gɑ ghɔm tsyə pu lə la' bvə gɑ: Pu lě sɛ́ é m cəcɑ̌ pɑ ghə nwə cwəpuŋ a gɔ pəmtə nə m. Nə pa' guŋ ywə yə a bɑwə de a gɔ pəmtə. 38Pɑkhʉ pyə lə ghɔm bi e gɑ: Cyəpɔ mnyədwɔp mɔ gɑ mɑbʉə. E ghɔm bi pu gɑ: A ku'.
Mcwyɛ'nyə dəm kuŋ mthə olivə
(Mt 26.36-46; Mk 14.32-42)
39E lə təm pa' e ji nthəm a gɔ m kúŋ mthə olivə, pɑkhʉ pyə yap jʉm e. 40Pu a pu lə kəm tsʉ'u, e ghɔm bi pu gɑ: Po cwyɛ'nyə Si gɑ po kɑ vʉ nə mləŋtə. 41E lə lu bəŋ pu, giŋ nthə pa' bi a pɑ mo ma' gwɔ' a vʉ nə a; ŋkham mkwi'tə myə́ si shwyɛ'nyə Si gɔm gɑ: 42Ta, o kuŋ gɑ yəŋ gɑ nthǔ' kɑ cyə bəŋ m̀. Da' gɑ tə ywə yə myə̀ nə ŋkhuŋ a pɑ, ywə yə wə nə ŋkhuŋ a nə pəmtə́. 43A lə pɑ po'o ta' aŋgəle fɑ kɛbəŋ, sɔ' bɑ bʉ' é, 44e pɑ nyəŋ gʉ' nə mcwyɛ'nyə. Mtsi'nyə pɑ nthəm nə e pa' mcyə á, lə shʉmtə si.
45E lə miŋ nə cwyɛ'nyə Si, dusi gɔ bəŋ pɑkhʉ pyə, nə sɔ' wap pɑwə di nthʉm zhwiŋ. 46E ghɔm bi pu gɑ: Po wə di tsɔ! Po lusi shwyɛ'nyə Si gɑ po kɑ vʉ nə gʉ' mləŋtə.
Nə ghəm Yeso
(Mt 26.47-56; Mk 14.43-50; Yhn 18.3-11)
47E lə pɑ̌ gɔm po'o nə yɔ vəŋ pɔ ŋwak, mu' nə pɑkhʉ pyə shwɔppʉə mgham yə pu ŋkhe e gɑ Yuda a pɑ thə́dzə. E lə sɔ' bəŋ Yeso, nuŋ mgho' myə́. 48Yeso ghɔm bi e gɑ: Yuda, o shyə m nə nə́ nùŋ mgho' tə́ hɑ Mú mo lə? 49Pɔ pyə wap lə bɑ bəŋ Yeso a, lə yɔ ywə yə a lə bɑwə gɔ cyə a, həŋtə Yeso gɑ: Cyəpɔ, pyə lɑ mnyədwɔp mɔk do' a? 50Mu' mo nə pu lɑ nyədwɔp e nɔk gɛfa' tadyə mkamsi, ja' təŋ e yə tʉɔ. 51Da' gɑ Yeso ghɔm gɔm gɑ: Po tak pa' a, e ghɔm po'o, sho' pu e nə təŋ gɛ a tʉɔ.
52Yeso piŋ gɔm bi pɔ pyə wap lə sɔ' nə ghəm e a, pɑ mtadyə mkamsi, mtadyə pɑ pyap Dyə Si, ba mghətso Dyə Si gɑ: Pa' nə ghəm samshwə a po nə́ sɔ' dɑ mnyədwɔp pu a mwya! 53Cwə yə ŋ də bɑ cəcɑ̌ po Dyə Si guŋ mtyɛ'dzʉ awɛ a, po lě tə yap pu nə m̀. Tə yəŋ bɑ yɔ cwə, gʉ' jʉ̌m.
Pɛtrɔ kəŋnyə Yeso
(Mt 26.57-58,69-75; Mk 14.53-54,66-72; Yhn 18.12-18,25-27)
54Wap lə ghəm e, dɑ e gɔ dyə tadyə mkamsi. Pɛtrɔ pɑ jʉ̀m, tə́ na' bɑ gʉə sʉəsʉə. 55Pa' pɔ bɔ lə su mɑ mɔk shwədyə̌ shwə bəŋ o a, Pɛtrɔ lə bɑ yə cəcɑ̌ pu bɑ e cwə. 56Mú' mjwǐ gɛfa' lə lɑ sɛ mɔ̌k jɔ Pɛtrɔ, de é dəŋdəŋ gɔm gɑ: Ba pu mo yə gɑ nə kɑ bɑ. 57Pɛtrɔ kəŋnyə gɔm gɑ: Mɑmjwi, ŋ khɑ zhyə́ e. 58A lə nə cwə muywə mu' mo kwi' jɔ e gɔm gɑ: Ba wə o bɑ mo yap. Pɛtrɔ pa' gɑ a tə bɑ a pɑ́. 59A lə nə cyə ta' nam mu' mo piŋ shəŋtə gɔm gɑ: Kwa' nyənyɔ pu mo yə gɑ nə kɑ bɑ; e nəŋ bɑ yə Galilea. 60Pɛtrɔ lə pa' gɑ: Ŋ kha zhyə ywə yə o bɑwə shəŋ nə ghɔm a. Pɛtrɔ lə pɑ gɔm po'o ko' tuŋ 61Cyəpɔ fɛ nɑ e de Pɛtrɔ. Pɛtrɔ kamtə ghɔm tsyə Cyəpɔ la' gɔm bi e a gɑ: Ko' gɔ nə tuŋ tyɛ' ɔ bɑ o kəŋnyə a m cʉm ntha a. 62E lə tə̌m dɑ mtso dɔ̌.
63Pɔ pyə wap lə bɑwə byap Yeso a, lə yəmtə e, dɑ mshɔm shwɔ e. 64Pa' a lə bɑ wap kwɑ mnyə myə́ a, wáp lə həŋtə e gɑ, wɑ̌ shwɔ o, tu e. 65Wap lə lɑ mcap nthinthi nə shap e.
Yeso dzə̌ Sanedrɛŋ
(Mt 26.59-66; Mk 14.55-64; Yhn 18.19-24)
66Dzʉ lə lɔ̌, mghətso Dyə Si pu a mtadyə mkamsi, pu a pɑ zhyə mco' cu'tə dɑ Yeso gɔ dzə cu'tə gwyə yə pu ŋkhe gɑ Sanedrɛŋ a. 67Gɔm bi e gɑ: O pɑ Mesia o siŋ wɔk. E ghɔm bi pu gɑ: Siŋ wɔ́ bɑ po tə gɔ piŋ pɑ. 68Bi a nəŋ həŋtə wɔ nwə bɑ po tə gɔ pa' pɑ. 69Da' gɑ tə fə cwəlɔ, Mu mo gɔ cwə́ nə́ ghəŋ tʉɔ Si nthʉɔtʉɔ. 70Guŋ yap awɛ ghɔm gɑ: Yəŋ gɑ́ la'tə gɑ o bɑ Mú Si. E ghɔm bi pu gɑ: Pɑ kwa' wɔ nə gɔm, gɑ̌ bɑ e. 71Wap piŋ gɔm gɑ: Pɑ biŋ bɑwə byap ya nthi nə ŋkwinthɛ? E ghɔmnwə tə pɑ nə́ŋ jú'.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Nouveau Testament Ghomala © Bible Society of Cameroon, 2002.