Andro faha 7

Mahatsiaro ho nafoy ve ianao?

Aminao, inona ny fandaozana lehibe indrindra ?

Toerana foana sady mangina, tsy maintsy handehananao irery amin'ny misasak'alina?

Mahita ireto vondron’olona mifandray tsara miara mipetraka, kanefa ianao mipetraka irery ?

Rehefa tonga ilay fotoana handaozan’ireto zanakao ny tokatrano?

Ilay olona novadianao 14 taona, nangorona ny entany ka lasa nandao anao ?

Niara nihaina nandritra ny taona maro tamin'ny olona iray mpidoroka zava-mahadomelina ianao, saingy mahatsapa ho tsy afaka miresaka amin'olona momba izany?

Raha mahatsiaro ho manirery sy nafoy ianao, dia fantaro fa tsapan’i Jesosy tsara ny fihetseham-ponao.

“Ary hatramin'ny ora fahenina ka hatramin'ny ora fahasivy dia maizina ny tany rehetra.” (Matio 27:45)

Maizina tanteraka ny andro tamin’ny mitatao vovonana. Nikiaka niantso hoe Jesosy :

“...‘Ely, Ely, lamà sabaktany? izany hoe: Andriamanitro ô, Andriamanitro ô, nahoana no dia mahafoy Ahy Hianao??’”

(Matio 27:46,)

Tena irery tokoa Jesosy!

Tsy mbola nisy fotoana na dia kely aza teo amin’ny fiainan’i Jesosy izay nandaozan’Andriamanitra Ray Azy. Feno sy tototra ary voahodidin’ny fahotan’izao tontolo izao taloha sy ankehitriny ary ho avy Jesosy, hany, ka tsy afaka ny ho eo anatrehany intsony Andriamanitra Ray.

Raha mametraka sponjy eo amin'ny dobo misy rano ianao, dia hifoka ny rano rehetra ilay sponjy. Toy izany no nitondran’i Jesosy ny ota sy ny aretin’izao tontolo izao ho ao Aminy. Nalainy koa ny anao.

“Ely, Ely, lamà sabaktany?”

Io ihany koa no fotoana tokana niantsoan’i Jesosy ny Ray hoe “Andriamanitra”. Tapaka sy nijanona ny fifandraisany tamin’Andriamanitra Ray. Tamin’izay fotoana izay dia irery i Jesosy. Ny hanasaraka tanteraka ny olona iray amin'Andriamanitra no sazy lehibe indrindra azonao omena azy.

Nosarahina tamin’ny Ray teo amin’ny toerantsika i Jesosy mba tsy ho tafasaraka amin’Andriamanitra na oviana na oviana isika.

Andao hiara hivavaka isika ? “Misaotra, Jesosy! Noraisinao ny enta-mavesatro rehetra ka tsy voatery ho irery intsony aho. Nandao ny lanitra Hianao ka nidina tao amin'ny maizina indrindra mba hanafaka ahy amin'ny endrika fandaozana rehetra. Misaotra Tompo ô! Amen.”

Feno hery ny fiainanao rehefa mahita ianao fa eo akaikinao Andriamanitra amin’ny fotoana mahatsapa fa irery ianao.

Fanontaniana hosaintsainina:

Misy fahotana tsy nentin’i Jesosy ve?

Inona no asehon’io fotoana eo amin’ny fiainan’i Jesosy io aminao rehefa mahatsiaro ho nilaozana ianao?

Raha mifanatri-tava amin’i Jesosy ianao izao, inona no holazainy aminao?

Tadidio… Fahagagana ianao!

Namanao aho,

Fanamarihana: Ny lahatsoratra amin'ity vakiteny ity dia avy amin'ny mailaka isan'andro “Fahagagana isan’andro”. Raha te hahazo mailaka isan'andro ianao dia manasa anao hisoratra anarana ao amin'ny Fahagagana isan’andro.