Популарни Библиски стихови од JHN 6

Сподели

आप्पुड येशुड वारनी आन्या, “निने जीवनदी रोट्या उंडान. ना तीकुड यवाड वस्ताड वानकी यप्पुडुच आकाल काक फोई इंगा यवाड ना मिंदा विश्वास फेटताड वानकी यप्पुडुच दुपाक काक फोई.

आत्मा जिवन इच्चेतोड उंडाड फय तीकेल येमीच फायदा लेद. निन मी जताक माटलाडतीन आय वचनलु आत्मा इंगा जीवन इल्ला उंडाय.

नाश आय्ये आन्नाम इचांग मेहनत शेयाकुंडा, पण सार्वकालिक जीवन इचांग, टिकाशे आन्नाम इचांग मेहनत शेयना. मनशी कोडकु आदी मिक इच्ची, येनटीक की वान मिंदा परमेश्वर आब्बाड शिक्का मतनाड.”

ना आब्बानदी इच्छा इद्दे उंडाद की, यवाड वान कोडकुन सुशी वान मिंदा विश्वास फेटताड वानकी सार्वकालिक जीवन शिक्काला; वान निने आखरी दिनमुनाड लेप्यान.”

येशुड वारकी उत्तर इच्ची आन्या, “परमेश्वरदी फनी इद्दे उंडाद की यवाड वान आंपीनाड वान मिंदा मीर विश्वास फेट्टाला.”

आब्बाड येम पण नाक इस्ताड आदी आंता ना तीकुड वच्ची इंगा यवाड ना तीकुड वच्ची वान निन यप्पुडुच तीयाक फोयान.

आप्पुड शिमोन पेत्र वानकी उत्तर इच्या, “प्रभु, मिम यवार तीकुड फोदुम? सार्वकालिक जीवनी वचनलु तर नी देगारे उंडाय.

स्वर्ग लोन्केल दिगीनेद जित्ता रोट्या निने उंडान. इ रोट्या लोन्केल यवाड पण तिनी वाड सार्वकालिक जीवन जगाशी. याद रोट्या निन इच्यान आदी नाद फय उंडी आदी दुन्याम इचांग उंडाद.”

यवाड नन्नु आंपीनाड आ आब्बाड जग्गीन यवाडुच ना तीकुड वच्ची शकायार. वारनी आखरी दिनुमनाड निन लेप्यान.

येनटीक की आदी स्वर्ग लोन्केल दिगताद इंगा दुन्यामकी जीवन इस्ताद आद्दे परमेश्वरदी रोट्या उंडाद.”

निने जीवनदी रोट्या उंडान.

येशुड आय रोट्याल तिस्कुन्या इंगा धन्यवाद इच्ची यवार कुसनीनीर वारकी फंचकाड्या, आल्ले आ मिला लोन्केल यन्नी वारकी बेकुंड्या आन्नी इच्या. वार कडपु निंडा तिनीनेंका वाड वान शिष्यलाक शप्या, “मिल्गीने तुकडाल जमा शेयना, आंटे येमीच वाया फोवारोद.”

आप्पुड यप्पुड वार वल्ही मत्का-मत्का आर किलोमीटर यल्ली फोईर, तर वार येशुन नेळा मिंदकेल नडस्का इंगा नाव देगार वच्चेताप्पुड सुशीर, इंगा वारकी येरपु आय्या. पण वाड वारनी आन्या, “निन उंडान, यरस्कुनाकुंडा,”