Популарни Библиски стихови од Mâkə 6

Сподели

Baʼ jǐta bá bílí ɛ pa bá timba á Yésuwə na bawútú bá mɔ, á nyai ɛyə̌ Yésuwə na bawútú bá mɔ bá sî n wɔ́ŋ púndá álí dyá lídyá. Ti Yésuwə á pɔŋí bawútú bá mɔ nána, “Sí kə̌ á fǔm ábə́ wú dí pǐ, ábə́ wú sɔ́mɔ́ní álí bwə nána nyí kɔ́mbɛ mǎ yǔm.”

Yésuwə a pushú bɔ́ nána, “Nlakuwa-a-mudî a wɔ́ŋí ɛdúbɛ́ á wǔm másə́sə̌n, ɛ́sitúm á nkí m mɔ, na á baʼ bá túmbá lí mɔ, na á baʼ bá pú ɛ ndáʼ ɛ́ mɔ.”

Ngə Yésuwə a nyítíní á bwálu átin, a míní limuti línə̂n lî, likini lí lwínjí mɔ́ á nlə́m, á ɛ́tútú nána, bá bílí ngə mílɔŋgi ámə́ mí wɔ́ŋiyǎ mɔʼ awə̌ á tátí bɔ́. Ti a butí bɔ́ ɛ lɛ́fú mísam jǐta.

A púliyǎ ɛ́ bwə mísam mí manyáká áfâ, ɛ́sitúm ngushu ɛ́ baʼ ábə́ bá sî n lɔ̂ʼ á nyǔ ábə́ a bándíní makɛ́ a pwisí bɔ́. A m bá manyáká jǐta á ɛ́tútú nána baʼ bâ bá sî n wɔ́ŋ dúbɛ. Ti Yésuwə a kǐ á mikí mítə́kə̂n á pəsi ɛni, á lɛ́fúwá baʼ.

Ti Yésuwə a nuŋí mibúŋgá mí blɛ̂t mî mítân na midim mí shwî mî míbɛ̂, a mindí ámǐn, ti a bəkí masákan á Dyǔ, ti a kabí mibúŋgá mî, ti a bəkí á bawútú bá mɔ nána bá kâ bɔ́ á límuti lî. A kabí pə́ midim mí shwî mî míbɛ̂. Bɔ́ baʼ básə́sə̌n bá dílí, bá kúʼ. Ti bawútú bá shwínjí bidfúŋ dyǔm na bíbɛ̂ bí blɛ̂t na midim mí shwî ámə́ mî m bukɛ.