Популарни Библиски стихови од Markus 14

Сподели

“Ama’e, Ama’ku’, bado’aak. Ti’ dapat ikapi’ang yang jalu ajau’en to’ adariin lo’ku’ mainto’ na’anna mondok lo’ku’, ikapi’ang,” ingka kenang. “Samuana pande kausa poang adariin lo’u. Poangsi daiko poang panamunu yang ipakaien. Daiak na’an ipakai,” ingka kenang i Yesus ilalam do’ana.

Arungko manyagai, arung bado’a mainto’ na’annu akaru ona’ manyuro’ alao’ lo’a dosaan. Tapat mainya’ nyawaka’ to’ malola’ani panamu maamen. Poangsi alowe’ dinen panamu diri’ka’. Badidit malola’ani jalu maamen. Ialalo arung bayokka’ bado’aan,” ingka kenang lo’a.

Kujarumang tapat-tapat lo’in, disa ona’ dajarumanga Dongo Maamen maira tatak banuaan inyaunga galung suanen, to’ dajarumang bea basana babainye dinen. Daparandamang babainye dinen,” ingka kenang i Yesus manyautina lo’da’ yang ira arasiin lo’a babainye dinen.

Jaji manjarum lo’da’, “Daiak di’en nyawaku’, laan parasaku’ di’en, awan jalu to’ mateenak,” ingka kenang. “Indi’angkin poang maruangiin,” ingka kenang lo’da’ taluun.

Jaji angkaan ira inang barik i Yesus mala dinen rotiin dado’aang. Mamin dinen dabala’-bala’, dameang lo’a palola’a. “Na di’en,” ingka, “roti di’en mantuariku’. Angkaankin,” ingka kenang lo’da’.

Mamin dinen dala sawan dinen. Jaji dado’aang, laloang dapanyorongang lo’da’. Mamin dapanyorongang, samuana mainyum dari sawan dinen. Jaji manjarum bapi lo’da’, “Na di’ angguren di’en,” ingka, “ialalo dara’ku’ yang manyautiin lo’a dosana tau bayu’en, yang manatap bayaan,” ingka kenang i Yesus lo’da’.

Jaji barik i Yesus manjarum lo’da’, “Daikin di’en to’ bibitak kausin ona’,” ingka kenang i Yesus lo’da’. “Kole’a andian bayana memen yang datulisangen ilalam Jaruma Alatala yang manjarumangen mateku’, Panguluan dombaan to’ kuduno’. Laloang gulungan ambata dombaan to’ tambor-ambor, ingka kenangjo ilalam Jaruma Alatala.

“Asadingkin, se’. Tarangkatki’. Mondok lalo tau to’ maduangen lo’ku’ mainto’ dakule’ku’ datingkam kole’a musuku’,” ingka kenang i Yesus lo’da’.

“Na’an. Manjarumak tapat-tapat lo’u, malam di’en bua nampina manunturunguk manuken duang kali, maminko manasal lo’ku’ talung kali,” ingka kenang i Yesus lo’a i Petrus.