Популарни Библиски стихови од Lucas 6

Сподели

Foo ba, no imi sei hetan. Nia sei sukat di-diak, hanehan tuun, doko tan, enxe resin no tau iha imi nia hitin. Tanba buat nebee imi sukat ba ema, nunee ema sei sukat fali ba imi.”

Ema diak foo sai buat diak hosi riku-soin diak nebee iha ninia fuan laran, no ema aat foo sai buat aat hosi riku-soin aat iha ninia fuan laran. Tanba ema nia ibun sei koalia sai buat nebee nakonu hela iha ninia fuan laran.

Maibee hadomi imi nia inimigu, halo diak, foo empresta, no lalika hein atu hetan fali buat ida. Nunee imi sei hetan kolen boot, no imi sei sai Ida Nebee Aas Liu nia oan. Tanba Nia hatudu laran diak ba sira nebee la foo agradese no mos ba ema aat sira.

Nee duni, hatudu laran luak, hanesan imi nia Aman mos hatudu laran luak.

Keta foo sala ba ema, atu nunee ema la foo sala ba imi. Keta kondena, no ema sei la kondena imi. Foo perdaun ba, no imi sei hetan perdaun.

Maibee Hau hatete ba imi nebee rona: Hadomi imi nia inimigu, no halo diak ba sira nebee odi imi. Foo bensaun ba sira nebee foo malisan ba imi, no halo orasaun ba sira nebee koalia aat ba imi.

Buat nebee imi hakarak ema halo ba imi, halo nunee mos ba ema.

Ba nia nebee basa o iha hasan sorin, see tan o nia hasan sorin seluk. No ba nia nebee hadau o nia batina, la bele hapara nia atu foti mos o nia faru. Foo ba ema hotu nebee husu hosi o. No keta husu fali o nia sasaan nebee ema hadau hosi o.

Ai huun diak la foo fali ai fuan dodok. No ai huun dodok la foo fali ai fuan diak.

Tanba ema hatene ai huun ida-idak tuir ninia ai fuan. Ema la kuu figeira hosi ai tarak, no ema la kuu uvas hosi duut tarak.