Matthew 3

Baptispu John tânghâi

(Mk 1:1-8; Luk 3:1-18; Joh 1:19-28)

1Ma zora han Baptispu John, Judea ramchâra a honga male tânghâi a phuta, 2“Nin nunsienangei renga inhei ta roi, Invân Rêngram anâi zoi,”#Mat 4:17; Mk 1:15 a tia. 3#Isa 40:3 (LXX) John hih ani, Dêipu Isaiah'n:

“Ramchâra mi inkhat tânghâi han,

‘Pumapa rang lamlien sin ungla,

a lôna rang lampui khom mintûn roi!’” tia a chungroi a lei misîr hah ani.

4John a puonsilngei hah ût mula sin ania, savun kongkhit a khita, a sâk ngâi chu khâimimsiengei le rama khuoilutui ani.#2 Rêng 1:8 5Jerusalem renga, Judea ramhuol pumpui renga, le Jordan tuidung revêla ramtin renga mingei a kôm an honga. 6An nunsienangei an phuonga, male ama'n Jordan tuidunga a Baptis ngei zoi.

7John'n Phariseengei le Sadduceengei tamtak a kôm Baptis chang rangin an hong a mu lehan an kôm, “Murûl richingei, Pathien sepna juong chulna rang renga hih rotpai theina rangin tumo nangni ril?#Mat 12:34; 23:33 8Nin sietna renga nin inhei zoi ti riettheina rangin sinngei hah tho roi. 9Male Abraham richisuonpârngei kêng kin ni tiin sepna renga rotpai thei rangin mindon no roi. Nangni ki ril, Pathien'n hi lungngei khom hih Abraham richisuonpârngei a min chang thei!#Joh 8:33 10Thingkungngei a ruzung renga phûr rangin reipui min râkchien sai kêng ani zoi; thingkung murdi mara sân ânra loi kai chu phûr an ta, meia vôrpai an tih.#Mat 7:19 11Keima'n chu nin insîr zoi ti rietna rangin tuiin nangni ka Baptis ngâia, aniatachu ku nûka juong rangpu'n chu Ratha Inthieng le meiin nangni baptis a tih. Ama chu keima nêka roiinpui uol ok ani; keima chu a kekok chôi rangin luo inhoi mu-ung. 12Bungei jâpna rangin relei a dôna, a ruijôl jâp minsâi liei a ta, a butakngei kai chu sapang sûnga thun a ta, arishi chu mei thithei ngâiloia hâl minmang a tih,” a tia.

Jisua baptis a chang

(Mk 1:9-11; Luk 3:21-22)

13Ma zora lâihan John kôm Baptis chang rangin Jisua'n Galilee ram renga Jordan dunga a honga, 14Aniatachu, John'n khap rang a bôka, a kôm, “Nangman kêng mi ni Baptis anânga,” John'n, “kho angin mo ko kôm te no honga!” a tia.

15Hannirese Jisua'n a kôm, “Atûn hin asa ti chien roh. Ma angdênin Pathien'n a minnângngei murdi chu ei tho rang ani,” tiin a thuona. Hanchu John a jôt zoi ani.

16Jisua Baptis a chang suo, harenghan, tui renga a hong jôka. Hanchu ama rangin invân ajuon onga, male Pathien Ratha hah vasu angin a juongchuma a chunga chuongin a mua.

17Hanchu, invân renga rôl ajuon ringa, “Mahih ka Nâipasal moroitak, a chunga ku mulung atâiriem ani,”#Aph 22:2; Lap 2:7; Isa 42:1; Mat 12:18; 17:5; Mk 1:11; Luk 9:35 a tia.

Селектирано:

Matthew 3: SAKNT

Нагласи

Сподели

Копирај

Дали сакаш да ги зачуваш Нагласувањата на сите твои уреди? Пријави се или најави се

Sakachep New Testament © The Word for the World International and NECTAR, 2017.

Дознај повеќе за Pathien Lekhabu Inthieng Chongtung Thar