Matiu 9
9
Yesu Doga Dabidabina ya Faloholoho
Matiu 9:1-8
(Maleko 2:1-12; Luka 5:17-26)
1Yesu waga yai ya awa boda, be ya fuyo ena nuꞌu.
2Amainiya tau dabidabi hesa ya enoꞌeno ena leiyafa yai#9:2 Ena <<leiyafa>> o ena <<aba eno>> yai. be dodoga haisa sa baheiyama Yesu lisina. Dodoga wa, edi kawawananaha laꞌina somo ya ita, yofede ya libalau doga dabidabina lisina, iyen,
Natugu, u nuwa adidili, em heyaya E nuwa afuledi.
3Laugagayo tau lau faꞌataendi haisa ibodi sa nuwanuwatuhu, tiyen,
Doga te Yaubada hesana ya kaiwegowegogoꞌen!#9:3 <<Hesana i kaiwegowegogoꞌen>> aniyona mate <<i liba faheyayaꞌen.>>
4Yesu edi nuwanuwatuhu haꞌa ya sibai, yofede, iyen,
Paꞌana somo nuwatuhu heyaheyayadi ami nuwanuwatuhuidi?
5Sidohana? Somo ya malaha? Yena yawa,
<<Em heyaheyaya haꞌa E liba afuledi?>> o yawa, <<U obiyo be u laulau?>>
6Haba E faꞌita lobahimiu mate, Doga Natuna ena gigibwali tanoꞌubu yai gonowana heyaheyaya ya liba afuledi.
Yofede, ya libalau doga dabidabina lisina, iyen,
U obiyo! Em leiyafa u bahei, na u lau em luma!
7Doga wa ya obiyo be ya lau ena luma. 8Dodoga sa ita, mate sa ꞌwasabu, na Yaubada sa fadebasae, paꞌana in logenana gigibwali dodoga ya feledi.
Yesu Matiu ya Yogai
Matiu 9:9-13
(Maleko 2:13-17; Luka 5:27-32)
9Yesu ya aulaha ya laulau, na takesi tau tano hesa ya ita ena ofesi yai ya taꞌataꞌai. Hesana mate Matiu.#9:9 <<Matiu>> hesana hesa mate <<Lewi.>> Au italau Maleko 2:14, takesi tau tanotano Lewi, in Alefaiyesi Natuna.
Yesu ya libalau lebena iyen,
U famuli watanigu!
Yofede ya obiyo be Yesu ya famuli watan. 10Fuyana Yesu ya kalakalahe Matiu ena luma yai, Takesi tau tano boludi yo dodoga heyaheyayadi haisa sa laoma be sa kalahe gogo ma'edi Yesu yo ana hewahewali. 11Falesiya haisa laulau te sa ita, be ana hewahewali sa fatiꞌodi, tiyen,
Dodoga doha ite sidohana be ami tanuwaga maꞌedi sa kalahe?
12Yesu alinadi ya atahi be iyen,
Tau lepalepa gesa doketa hige ti fanuha, tau lepalepa moho iyabodi.
13Au italau Buka Tabuna yai be liba te aniyona au fadosi,
<<Yau nuwatohatoha E fanuha, na antalasam E ꞌwaiyoꞌoedi.>> (Hoseya 6:6)
Paꞌana E laoma, hige tau dudulai adi halulu. Tau heyaya debadi yai E laoma.
Anhudi Fatiꞌona
Matiu 9:14-17
(Maleko 2:18-22; Luka 5:33-39)
14 Diyon Babasito tau famuli watanina hinaga sa laoma Yesu lisina, be sa fatiꞌo tiyen,
Sidohana be ai yo Falesiya ꞌe andabu, na um am hewali, higeꞌe?
15Yesu alinadi ya bui iyen,
Ami sibai mate, tau nahi fwaufwau afa haidana haba hige ti nuwadubu, ye? Hige gonowana! Inmoho, ana lahai ya laoma haba taumoho sa lawe hudoꞌiyen, lahaina yai habahim sa andabu.
16Hige sai luhuluhu beyabeyana tapulitina i yome kaleko senana fwaufwauna yai, paꞌana popo fwaufwau haba ya kiu be luhuluhu beyabeya tapulitina ya falaꞌi.
17Hige gonowana haba sai waen fwaufwau i fagoi aba hinidi beyabeyana yai. Yena sa ginauli doha, aba hinidi haba sa tamo dagi. Waen haba ya tabuliwa, yo aba hinidi sa heyaya. Higeꞌe! Waen fwaufwau haba sa hin ai aba hinina fwaufwau yai, be waen yo aba hinidi ibege ti heyaya.
Tineꞌeu Peꞌipeꞌina yo Waihin Asiꞌasiyebona
Matiu 9:18-26
(Maleko 5:21-43; Luka 8:40-56)
18Yesu ma libalibana na, baꞌisa hesa ya abi mahano lisina yai, ya tulibono, na iyen,
Mamaꞌitena yai ite, natugu ya peꞌi. U laoma, be u abiꞌina moho, haba ya mwahuli.
19Yofede, Yesu yo tau famuli watanina, baꞌisa wa sa lau watan.
20Waihin hudoꞌi hinaga ꞌwasina ya miyamiya afuledi be–, bolima safuhudohudoꞌi-luwaga. Yesu mulina yai ya laoma be ena leli duduna ya abiꞌina. 21Nuwa ganahewana yai iyen,
Ibe ena leli duduna moho E abiꞌina, haba E loholoho.
22Habahim, Yesu ya timuli be ya ita, yofede iyen,
Natugu, Tabu u ꞌwasabu! Em kawawananaha haꞌa ya faloholohom.
Maihalana yai waihin wa ya loholoho.
23Habahim, Yesu ya aulaha boda be ya luhulau baꞌisa ena luma yai, mate fino tau yufidi ya itadi, yo bobohalahala ya atahi.
24Yesu iyen,
Au lau ganamuli, mahudoꞌimiu! Tineꞌeu kiukiu ni hige i peꞌi. Mate ya eno moho.
Yofede, mahudoꞌidi Yesu sa liuhwaꞌen.
25Luma tanuwagana dodoga mahudoꞌina ya duidi be sa lau ganamuli. Habahim Yesu ya luhulau tineꞌeu ena bili, na ya abilau nimana yai, yofede, ya obiyo. 26Wasana nuꞌu mahudoꞌina ya tafo nuhuli.
Mata Toutou Luwaga Yesu ya Faloholohodi
Matiu 9:27-31
27Amainiya Yesu ya aulaha, na matatoutou luwaga sa lau watan. Sa yogayoga, tiyen,
Deiwidi Natuna, U nuwatohatohaemai!
28Fuyana Yesu ya luhulau luma ganahewana, matatoutou luwaga sa lau lisina. Yesu ya fatiꞌoidi, iyen,
Ami kawawananaha mate, gonowana haba E faloholohomiu?
Alinana sa bui fuyoi, tiyen,
Ii, Guyau!!
29Habahim, matadi ya abiꞌinidi, na iyen,
Emi kawawananaha debana yai, haba ami loholoho!
30Yofede, matadi sa loholoho boda. Yesu ya lau biliyedi iyen,
Tabu sai laꞌi au faliba!
31Inmoho sa lau be Yesu wasana sa fatala libalibaen nuꞌuna yai.
Yesu Doga Libaliba Gesana ya Faloholoho
Matiu 9:32-34
32Sa auꞌaulaha mate, taumoho demoni ya luhufi yo hige i libaliba, sa leyama Yesu lisina. 33Ya liba afulen, yofede, taumohona ya liba. Dodoga sa noꞌo tiyen,
Hige somo laꞌi doha ite, Isalaela yai ai ita.
34Inmoho, Falesiya tiyen, mate Yaluwa Heyaheyayadi edi Baꞌisa,#9:34 <<Satani>> mate <<Yaluwa Heyaheyayadi edi Baꞌisa.>> gigibwali ni ya felen be yaluwa heyaheyayadi ya liba duidi.
Yesu Dodoga ya Nuwatohatohaedi
Matiu 9:35-38
35Yesu ya antaumana ya lau taon yo luma hesa-hesa yai be edi aba oiꞌoigogo lumadi yai Yaubada Aba Baꞌisa Nuꞌuna Wasana Loholohona ya lau faꞌataen yo tau anꞌiwala, tau asiyebo ya faloholohodi.
36Dodoga baiwadi ya itadi be, ya nuwatohatohaedi, paꞌana sa nuwamode yo hige tau saguhidi, doha sipi hige tau ita watanina. (Namba 27:17)
37Yofede, ya libalau ana hewahewali lisidi iyen,
Witi yo bali adi fuya anaho, inmoho tau tanogogo hige ti ouli.#9:37Au italau Luta Bukana, peina 2 yo 3 ganahewana yai, be Diusi edi abiꞌabi yo edi laulau ami sibai. (Luka 10:2; Diyon 4:35-36; Liba Famahata 14:15)
38Au lauꞌuꞌula lau gabu tanuwagana lisina, haba tau paisowa haisa ya fatamalidima, be ena gabu sa paisowai.
Селектирано:
Matiu 9: Buhutu
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024, SIL Global. All Rights Reserved.
Matiu 9
9
Yesu Doga Dabidabina ya Faloholoho
Matiu 9:1-8
(Maleko 2:1-12; Luka 5:17-26)
1Yesu waga yai ya awa boda, be ya fuyo ena nuꞌu.
2Amainiya tau dabidabi hesa ya enoꞌeno ena leiyafa yai#9:2 Ena <<leiyafa>> o ena <<aba eno>> yai. be dodoga haisa sa baheiyama Yesu lisina. Dodoga wa, edi kawawananaha laꞌina somo ya ita, yofede ya libalau doga dabidabina lisina, iyen,
Natugu, u nuwa adidili, em heyaya E nuwa afuledi.
3Laugagayo tau lau faꞌataendi haisa ibodi sa nuwanuwatuhu, tiyen,
Doga te Yaubada hesana ya kaiwegowegogoꞌen!#9:3 <<Hesana i kaiwegowegogoꞌen>> aniyona mate <<i liba faheyayaꞌen.>>
4Yesu edi nuwanuwatuhu haꞌa ya sibai, yofede, iyen,
Paꞌana somo nuwatuhu heyaheyayadi ami nuwanuwatuhuidi?
5Sidohana? Somo ya malaha? Yena yawa,
<<Em heyaheyaya haꞌa E liba afuledi?>> o yawa, <<U obiyo be u laulau?>>
6Haba E faꞌita lobahimiu mate, Doga Natuna ena gigibwali tanoꞌubu yai gonowana heyaheyaya ya liba afuledi.
Yofede, ya libalau doga dabidabina lisina, iyen,
U obiyo! Em leiyafa u bahei, na u lau em luma!
7Doga wa ya obiyo be ya lau ena luma. 8Dodoga sa ita, mate sa ꞌwasabu, na Yaubada sa fadebasae, paꞌana in logenana gigibwali dodoga ya feledi.
Yesu Matiu ya Yogai
Matiu 9:9-13
(Maleko 2:13-17; Luka 5:27-32)
9Yesu ya aulaha ya laulau, na takesi tau tano hesa ya ita ena ofesi yai ya taꞌataꞌai. Hesana mate Matiu.#9:9 <<Matiu>> hesana hesa mate <<Lewi.>> Au italau Maleko 2:14, takesi tau tanotano Lewi, in Alefaiyesi Natuna.
Yesu ya libalau lebena iyen,
U famuli watanigu!
Yofede ya obiyo be Yesu ya famuli watan. 10Fuyana Yesu ya kalakalahe Matiu ena luma yai, Takesi tau tano boludi yo dodoga heyaheyayadi haisa sa laoma be sa kalahe gogo ma'edi Yesu yo ana hewahewali. 11Falesiya haisa laulau te sa ita, be ana hewahewali sa fatiꞌodi, tiyen,
Dodoga doha ite sidohana be ami tanuwaga maꞌedi sa kalahe?
12Yesu alinadi ya atahi be iyen,
Tau lepalepa gesa doketa hige ti fanuha, tau lepalepa moho iyabodi.
13Au italau Buka Tabuna yai be liba te aniyona au fadosi,
<<Yau nuwatohatoha E fanuha, na antalasam E ꞌwaiyoꞌoedi.>> (Hoseya 6:6)
Paꞌana E laoma, hige tau dudulai adi halulu. Tau heyaya debadi yai E laoma.
Anhudi Fatiꞌona
Matiu 9:14-17
(Maleko 2:18-22; Luka 5:33-39)
14 Diyon Babasito tau famuli watanina hinaga sa laoma Yesu lisina, be sa fatiꞌo tiyen,
Sidohana be ai yo Falesiya ꞌe andabu, na um am hewali, higeꞌe?
15Yesu alinadi ya bui iyen,
Ami sibai mate, tau nahi fwaufwau afa haidana haba hige ti nuwadubu, ye? Hige gonowana! Inmoho, ana lahai ya laoma haba taumoho sa lawe hudoꞌiyen, lahaina yai habahim sa andabu.
16Hige sai luhuluhu beyabeyana tapulitina i yome kaleko senana fwaufwauna yai, paꞌana popo fwaufwau haba ya kiu be luhuluhu beyabeya tapulitina ya falaꞌi.
17Hige gonowana haba sai waen fwaufwau i fagoi aba hinidi beyabeyana yai. Yena sa ginauli doha, aba hinidi haba sa tamo dagi. Waen haba ya tabuliwa, yo aba hinidi sa heyaya. Higeꞌe! Waen fwaufwau haba sa hin ai aba hinina fwaufwau yai, be waen yo aba hinidi ibege ti heyaya.
Tineꞌeu Peꞌipeꞌina yo Waihin Asiꞌasiyebona
Matiu 9:18-26
(Maleko 5:21-43; Luka 8:40-56)
18Yesu ma libalibana na, baꞌisa hesa ya abi mahano lisina yai, ya tulibono, na iyen,
Mamaꞌitena yai ite, natugu ya peꞌi. U laoma, be u abiꞌina moho, haba ya mwahuli.
19Yofede, Yesu yo tau famuli watanina, baꞌisa wa sa lau watan.
20Waihin hudoꞌi hinaga ꞌwasina ya miyamiya afuledi be–, bolima safuhudohudoꞌi-luwaga. Yesu mulina yai ya laoma be ena leli duduna ya abiꞌina. 21Nuwa ganahewana yai iyen,
Ibe ena leli duduna moho E abiꞌina, haba E loholoho.
22Habahim, Yesu ya timuli be ya ita, yofede iyen,
Natugu, Tabu u ꞌwasabu! Em kawawananaha haꞌa ya faloholohom.
Maihalana yai waihin wa ya loholoho.
23Habahim, Yesu ya aulaha boda be ya luhulau baꞌisa ena luma yai, mate fino tau yufidi ya itadi, yo bobohalahala ya atahi.
24Yesu iyen,
Au lau ganamuli, mahudoꞌimiu! Tineꞌeu kiukiu ni hige i peꞌi. Mate ya eno moho.
Yofede, mahudoꞌidi Yesu sa liuhwaꞌen.
25Luma tanuwagana dodoga mahudoꞌina ya duidi be sa lau ganamuli. Habahim Yesu ya luhulau tineꞌeu ena bili, na ya abilau nimana yai, yofede, ya obiyo. 26Wasana nuꞌu mahudoꞌina ya tafo nuhuli.
Mata Toutou Luwaga Yesu ya Faloholohodi
Matiu 9:27-31
27Amainiya Yesu ya aulaha, na matatoutou luwaga sa lau watan. Sa yogayoga, tiyen,
Deiwidi Natuna, U nuwatohatohaemai!
28Fuyana Yesu ya luhulau luma ganahewana, matatoutou luwaga sa lau lisina. Yesu ya fatiꞌoidi, iyen,
Ami kawawananaha mate, gonowana haba E faloholohomiu?
Alinana sa bui fuyoi, tiyen,
Ii, Guyau!!
29Habahim, matadi ya abiꞌinidi, na iyen,
Emi kawawananaha debana yai, haba ami loholoho!
30Yofede, matadi sa loholoho boda. Yesu ya lau biliyedi iyen,
Tabu sai laꞌi au faliba!
31Inmoho sa lau be Yesu wasana sa fatala libalibaen nuꞌuna yai.
Yesu Doga Libaliba Gesana ya Faloholoho
Matiu 9:32-34
32Sa auꞌaulaha mate, taumoho demoni ya luhufi yo hige i libaliba, sa leyama Yesu lisina. 33Ya liba afulen, yofede, taumohona ya liba. Dodoga sa noꞌo tiyen,
Hige somo laꞌi doha ite, Isalaela yai ai ita.
34Inmoho, Falesiya tiyen, mate Yaluwa Heyaheyayadi edi Baꞌisa,#9:34 <<Satani>> mate <<Yaluwa Heyaheyayadi edi Baꞌisa.>> gigibwali ni ya felen be yaluwa heyaheyayadi ya liba duidi.
Yesu Dodoga ya Nuwatohatohaedi
Matiu 9:35-38
35Yesu ya antaumana ya lau taon yo luma hesa-hesa yai be edi aba oiꞌoigogo lumadi yai Yaubada Aba Baꞌisa Nuꞌuna Wasana Loholohona ya lau faꞌataen yo tau anꞌiwala, tau asiyebo ya faloholohodi.
36Dodoga baiwadi ya itadi be, ya nuwatohatohaedi, paꞌana sa nuwamode yo hige tau saguhidi, doha sipi hige tau ita watanina. (Namba 27:17)
37Yofede, ya libalau ana hewahewali lisidi iyen,
Witi yo bali adi fuya anaho, inmoho tau tanogogo hige ti ouli.#9:37Au italau Luta Bukana, peina 2 yo 3 ganahewana yai, be Diusi edi abiꞌabi yo edi laulau ami sibai. (Luka 10:2; Diyon 4:35-36; Liba Famahata 14:15)
38Au lauꞌuꞌula lau gabu tanuwagana lisina, haba tau paisowa haisa ya fatamalidima, be ena gabu sa paisowai.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024, SIL Global. All Rights Reserved.