Talamo 4

E tatakunga awiawi kē paletuaina

Ki te wakayaele yīmene ma ana penupenu e wakatangia ki te kati. E talamo nā Tāvita.

1Koi wakalongo mai ake koe kē tauvalo atu au,

e te Atua na wakapono mai ko tika au.

Paletua ake au i toku vāia tūngayala nei;

wakaaloa mai koe ia aku

ma te wakalongo mai ki taku pule.

2E te kau ia ē, e wea te loa o tā kōtou wakalilonga i toku tūlanga tiketike nei wai mea wakamā?

E wea te loa o tā kōtou minanga i nā manatunga kāyi kalu nā,

i te ulunga i nā atua takayala nā?#4:2 i te ulunga i nā atua takayala nā: ko tona toe wulinga, i te ulunga i nā talatala pikikā nā.

3Kē taka lelei ia kōtou, na vavae ia Ieova i tona tāvini tau Atuá wai tangata mō ona;

ko wakalongo mai lāi ia Ieova kē tauvalo atu au kia ana.

4Ka tupu te lili, auyē lā kōtou e yayala kē līlili kōtou;

kē takoto kōtou i lunga o o kōtou loki,

māyalayala wua o kōtou ngākau ma te yē vāvā.#Ēpētia 4:26

5Kave kōtou i nā ātinga tautonu

ma te loloku kia Ieova.

6E tokawolo te kau ko iliili pēnei,

“Ko ai lā ka aumaia te olānga lelei kia mātou?”

E Ieova ē, wakayila mai ake te yilatea o tō tupu ki lunga o mātou.

7Wakakī mai koe i toku ngākau ki te vēvēia,

kē yika atu i o lātou vēvēia i te vāia e ūtutua ai te tītona ma te uwaina wōu.

8Ka takoto au ki lalo ma te yauleka,

ko koe wua lāi, e Ieova,

toku puipui e yinukalule ai au.

Селектирано:

Talamo 4: PKP

Нагласи

Сподели

Копирај

Дали сакаш да ги зачуваш Нагласувањата на сите твои уреди? Пријави се или најави се

Дознај повеќе за Te Puka Yā: Te Wakapononga Wōu ma te Puka Talamo