मती 6
6
दान राकब् रआ सिछा
1 #
मती 23:5
“चँड़चित दोहोनपे, आपे होड़कु एरञेले तआ धरमिकता रआ काम अलोपे करावे, कोवन दो आपे अपन सिरमा रेनि परमेसर बबा एतेन चितान फयदा हों एरोपे ञम लेए।”
2“आपे जब गरीबकु तआ दान एमेअपे, दो होना रआ डिगरी अलोपे एर ठोकावके, जे लेका कपटी होड़, बिनती ओड़ाः जोटोः गलियारी ते करावेआकु, जेकर से होड़कु हुँनि रआ बड़ाइए। इञः आपे सनारी कथावा यतपेअइञ हुँकू अपन इनाम ञम चुकाव तड्अकु। 3आपे जब दान एमेअपे दो आपे रआ कोंजरा अती अलो ठुवाके चि आपे रआ जोम अती चिताना पड़ी यानय। 4ताकि आपे रआ एम लआ दान अलोकु ठुवाके आपे रेनि हुँनि बबा जे आपे उकु केते दान एम तड्अपे होना हों ञेल यतेअय, हुँनि आपे तआ इनाम ओवापेअय।”
बिनती
(लुका 11:2–4)
5 #
लुका 18:10–14
“जब आपे बिनतीयापे दो कपटी होड़कु लेका कोवन! हुँकू बिनती ओड़ाः रे, जोटोः चउक रे तींगु कोते बिनती तआ पसींदेएकु ताकि होड़कु हुँकू ञेलकु इञः आपे सनारीञ कथावा यतपेआ चि हुँकू अपन इनाम पहिल रे ञम चुकाव केदाकु। 6बकिन जब आपे बिनतीयापे, दो अपन कोठली रे सेनपे जोटोः दुवार सीङ केते अपन बबा एतेन जे कपे ञेल बोजाया बिनतीपे। तब आपे रेनि बबा जे मन रआ दुखमा ञेलेअय हुँनि आपे इनाम ओवापेअय।”
7“बिनतीए बेरा गैर-जहुदीकु लेका जिलिङ-जिलिङ अलोपे बिनती। हुँकू समझाव वोओकु चि बगरा बिनती रेदो हुँकू तआ उतारा ञमेआँ। 8हिना तआ हुँकू लेका अलोपे पड़ीकोः चितानतआचि आपे रआ कोए एतेन पहिल रे आपे रेनि बबा ठुवा वानय चि आपे तआ चितान-चितान रआ दरकार इदानआँ। 9दो नोंका बिनतीपे,
“‘ओय सिरमा रे दोहोनी आले रेनि बबा,
अमः ञुमुन रआ महिमा होयावोः,
10अमः रआ राइज वेजोः,
अमः रआ हिछा जे लेका सिरमा रे पुरा योओ हेंका धरती रे हों होयावोः।
11आले तआ तीहिञ दिन भाइर रआ जो-जोमा ओवालेमी।
12जोटोः जे लेका आले अपन गुनाहगारकु माफ तड्कुआले,
हेंका अमः हों आले रआ गुनाह माफ लेमी।
13जोटोः आले परखाव रे अलोम एर पड़ाव केले,
बकिन आले बुराइ एतेन बंचाव लेमी।’
14 #
मर 11:25,26 “अगर आपे एटाः-ई रआ गुनाह माफे आपे, दो आपे रेनि सिरमा रेनि बबा हों आपे रआ गुनाह माफ पेअय। 15अगर आपे एटाः-ई रआ कपे माफे दो, आपे रेनि सिरमा बबा हों आपे रआ गुनाह एरोय माफ लेए।”
उपास
16“जब आपे उपासेअपे दो कपटी होड़कु लेका मेड्-अहा अलोपे उदास के। चितानतआचि हुँकू अपन मेड्-अहा ञुर तआकु, जेकर से होड़कु समझावओकु चि हुँकू उपास यतेअकु, इञः आपे सनारी कथावा यतपेअइञ, चि हुँकू अपन इनाम ञम चुकाव तड्अकु। 17आपे जब उपास रे दोहोनापे दो अपन बोहोः रे सुनुम ओजाः गेपे जोटोः अपन मेड्-अहा अबोःपे, 18ताकि होड़कु तआ कोवन, सिरीप आपे रेनि बबा तआ जे गुप्त रीया, आपे उपासे ठुवापे, नोआँ पता चलावओ चि आपे रेनि बबा जे गुप्त रिया होना हों ञेलेअय, आपे तआ होना रआ इनाम ओवापेअय।”
सिरमा रआ धनखुरजी
(लुका 12:33,34)
19 #
जाकु 5:2,3 “अपन तआ ओत रे धनखुरजी अलोपे जवारे, जे एडे घुन जोटोः चितियावओ ते होना नास एंडायय जोटोः लो-लोकड़ेकु फोंगाः केते लोकड़े लआकु। 20बकिन सिरमा रे अपन तआ धनखुरजी जवारेपे, होंडे न चितियावओ, न घुन जोमेआ जोटोः न चोर फोंगाः केते चोरायकु। 21चितानतआचि जे एडे अमः रआ धनखुरजी इदानआँ, हेनेन रे अमः रआ मन हों लगल दोहोना।”
होड़ो रआ मरसाल
22“होड़ो रआ ढीबरी मेड् हके, अगर अमः रआ मेड् सफाआ दो अमः रआ गोटा होड़ो मरसाल इदानआँ; 23बकिन अमः रआ मेड् बुरा इदानआँ दो अमः रआ गोटा होड़ो हों ञोताआ। हिना करने होना मरसाल जे आपे एडे इदानआँ अगर ञोतायोओ दो होना ञोता चिलका सेंड़ा होयावओ!”
परमेसर जोटोः धनखुरजी
(लुका 16:13; 12:22–31)
24“ओके होड़ हों बरिया मुवार मिसत रे एरोय सेवा-सुसार बेजालेए, चितानतआचि हुँनि मियड् तुली दुलारेए जोटोः एटाः-ई सुधा बइरीयय, चहे मिहोंड़ सुधा मिलाल दोहोनय जोटोः एटाः-ई सुधा घिनावीयय। आपे परमेसर जोटोः धनखुरजी बनार रआ एरोपे सेवा-सुसार बुजालेए।”
25“इञः आपेइञ कथावा यना, आपे अपन जीवि तआ चितानाइञ जोमा चितानाइञ ञूआँ जोटोः न होड़ो तआ चि इञः चितानाइञ होड़हड्आ अलोपे फिकीरोः। चिताना जीवि जो-जोमा एतेन बाइढ़के कोनाआँ। जोटोः तना होड़ो गेन्दराः एतेन बाइढ़के कोनाआँ? 26अगास रेनकु ओड़ेकु ञेल कुपे, हुँकू न दो बेरेअकु न ईरेअकु जोटोः न गरना रे जवारेएकु। सेकरो रे आपे रेनि सिरमा रेनि बबा हुँकू खियाव कुआय। तना आपे हुँकू एतेन कीमती कुनीपेआ? 27आपे मे से ओके फिकीर कोते अपन उमेर मी घड़ी तआ हों बढव सकावेआय?”
28“गेन्दराः तआ चितान तआपे फिकीर रोओ? पहार रआ बहा ञेलेपे। होना चिलका सेंड़ायोओ? होना न दो कामेअँय जोटोः न अपन तआ गेन्दराः रोगेअय। 29#1 राजा 10:4–7; 2 इति 9:3–6सेकरो रे इञः आपेइञ कथावायना चि सुलेमान राजा हों अपन पुरे ठट-बट रे हुँकू मे से ओके लेका हों गेन्दराः काय होड़हड् लेना। 30ओय दरपुरा सारीयोःकु! ओत रआ बीर तीहिञ भाइर इदानआँ जोटोः गपा सेंगेल रे झोला एंडाया। अगर होना हों परमेसर नोंका सिंगरावेए, दो आपे चितान तआ एरोय होड़हड् लेपेआ?”
31“हिना तआ आले, ‘चितानले जोमा? चितानले ञूआँ? जोटोः चितानले होड़हड्आ?,’ मेनकेते अलोपे फिकिरकोः। 32(नोआँ गोटा जीनिस रआ खोज रे गैर-जहुदीकु बनाल दोहोनाकु।) आपे रेनि सिरमा रेनि बबा ठुवा वानय चि नोआँ गोटा जीनिस रआ दरकार इदानआँ। 33आपे गोटा एतेन पहिल परमेसर रआ राइज जोटोः हुँनि धरमिकता रआ ञ-ञम रे दोहोनपे दो नोआँ गोटा जीनिस आपे तआ एम एंडायय। 34गपा तआ अलोपे फिकीरोः। चितानतआचि गपा रआ अपन फिकीर खुद करावेआपे। तीहिञ तआ तीहिञ रआ दुख अगामा।”
Селектирано:
मती 6: BIX
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2023 NLCI CC BY-NC-ND 4.0
मती 6
6
दान राकब् रआ सिछा
1 #
मती 23:5
“चँड़चित दोहोनपे, आपे होड़कु एरञेले तआ धरमिकता रआ काम अलोपे करावे, कोवन दो आपे अपन सिरमा रेनि परमेसर बबा एतेन चितान फयदा हों एरोपे ञम लेए।”
2“आपे जब गरीबकु तआ दान एमेअपे, दो होना रआ डिगरी अलोपे एर ठोकावके, जे लेका कपटी होड़, बिनती ओड़ाः जोटोः गलियारी ते करावेआकु, जेकर से होड़कु हुँनि रआ बड़ाइए। इञः आपे सनारी कथावा यतपेअइञ हुँकू अपन इनाम ञम चुकाव तड्अकु। 3आपे जब दान एमेअपे दो आपे रआ कोंजरा अती अलो ठुवाके चि आपे रआ जोम अती चिताना पड़ी यानय। 4ताकि आपे रआ एम लआ दान अलोकु ठुवाके आपे रेनि हुँनि बबा जे आपे उकु केते दान एम तड्अपे होना हों ञेल यतेअय, हुँनि आपे तआ इनाम ओवापेअय।”
बिनती
(लुका 11:2–4)
5 #
लुका 18:10–14
“जब आपे बिनतीयापे दो कपटी होड़कु लेका कोवन! हुँकू बिनती ओड़ाः रे, जोटोः चउक रे तींगु कोते बिनती तआ पसींदेएकु ताकि होड़कु हुँकू ञेलकु इञः आपे सनारीञ कथावा यतपेआ चि हुँकू अपन इनाम पहिल रे ञम चुकाव केदाकु। 6बकिन जब आपे बिनतीयापे, दो अपन कोठली रे सेनपे जोटोः दुवार सीङ केते अपन बबा एतेन जे कपे ञेल बोजाया बिनतीपे। तब आपे रेनि बबा जे मन रआ दुखमा ञेलेअय हुँनि आपे इनाम ओवापेअय।”
7“बिनतीए बेरा गैर-जहुदीकु लेका जिलिङ-जिलिङ अलोपे बिनती। हुँकू समझाव वोओकु चि बगरा बिनती रेदो हुँकू तआ उतारा ञमेआँ। 8हिना तआ हुँकू लेका अलोपे पड़ीकोः चितानतआचि आपे रआ कोए एतेन पहिल रे आपे रेनि बबा ठुवा वानय चि आपे तआ चितान-चितान रआ दरकार इदानआँ। 9दो नोंका बिनतीपे,
“‘ओय सिरमा रे दोहोनी आले रेनि बबा,
अमः ञुमुन रआ महिमा होयावोः,
10अमः रआ राइज वेजोः,
अमः रआ हिछा जे लेका सिरमा रे पुरा योओ हेंका धरती रे हों होयावोः।
11आले तआ तीहिञ दिन भाइर रआ जो-जोमा ओवालेमी।
12जोटोः जे लेका आले अपन गुनाहगारकु माफ तड्कुआले,
हेंका अमः हों आले रआ गुनाह माफ लेमी।
13जोटोः आले परखाव रे अलोम एर पड़ाव केले,
बकिन आले बुराइ एतेन बंचाव लेमी।’
14 #
मर 11:25,26 “अगर आपे एटाः-ई रआ गुनाह माफे आपे, दो आपे रेनि सिरमा रेनि बबा हों आपे रआ गुनाह माफ पेअय। 15अगर आपे एटाः-ई रआ कपे माफे दो, आपे रेनि सिरमा बबा हों आपे रआ गुनाह एरोय माफ लेए।”
उपास
16“जब आपे उपासेअपे दो कपटी होड़कु लेका मेड्-अहा अलोपे उदास के। चितानतआचि हुँकू अपन मेड्-अहा ञुर तआकु, जेकर से होड़कु समझावओकु चि हुँकू उपास यतेअकु, इञः आपे सनारी कथावा यतपेअइञ, चि हुँकू अपन इनाम ञम चुकाव तड्अकु। 17आपे जब उपास रे दोहोनापे दो अपन बोहोः रे सुनुम ओजाः गेपे जोटोः अपन मेड्-अहा अबोःपे, 18ताकि होड़कु तआ कोवन, सिरीप आपे रेनि बबा तआ जे गुप्त रीया, आपे उपासे ठुवापे, नोआँ पता चलावओ चि आपे रेनि बबा जे गुप्त रिया होना हों ञेलेअय, आपे तआ होना रआ इनाम ओवापेअय।”
सिरमा रआ धनखुरजी
(लुका 12:33,34)
19 #
जाकु 5:2,3 “अपन तआ ओत रे धनखुरजी अलोपे जवारे, जे एडे घुन जोटोः चितियावओ ते होना नास एंडायय जोटोः लो-लोकड़ेकु फोंगाः केते लोकड़े लआकु। 20बकिन सिरमा रे अपन तआ धनखुरजी जवारेपे, होंडे न चितियावओ, न घुन जोमेआ जोटोः न चोर फोंगाः केते चोरायकु। 21चितानतआचि जे एडे अमः रआ धनखुरजी इदानआँ, हेनेन रे अमः रआ मन हों लगल दोहोना।”
होड़ो रआ मरसाल
22“होड़ो रआ ढीबरी मेड् हके, अगर अमः रआ मेड् सफाआ दो अमः रआ गोटा होड़ो मरसाल इदानआँ; 23बकिन अमः रआ मेड् बुरा इदानआँ दो अमः रआ गोटा होड़ो हों ञोताआ। हिना करने होना मरसाल जे आपे एडे इदानआँ अगर ञोतायोओ दो होना ञोता चिलका सेंड़ा होयावओ!”
परमेसर जोटोः धनखुरजी
(लुका 16:13; 12:22–31)
24“ओके होड़ हों बरिया मुवार मिसत रे एरोय सेवा-सुसार बेजालेए, चितानतआचि हुँनि मियड् तुली दुलारेए जोटोः एटाः-ई सुधा बइरीयय, चहे मिहोंड़ सुधा मिलाल दोहोनय जोटोः एटाः-ई सुधा घिनावीयय। आपे परमेसर जोटोः धनखुरजी बनार रआ एरोपे सेवा-सुसार बुजालेए।”
25“इञः आपेइञ कथावा यना, आपे अपन जीवि तआ चितानाइञ जोमा चितानाइञ ञूआँ जोटोः न होड़ो तआ चि इञः चितानाइञ होड़हड्आ अलोपे फिकीरोः। चिताना जीवि जो-जोमा एतेन बाइढ़के कोनाआँ। जोटोः तना होड़ो गेन्दराः एतेन बाइढ़के कोनाआँ? 26अगास रेनकु ओड़ेकु ञेल कुपे, हुँकू न दो बेरेअकु न ईरेअकु जोटोः न गरना रे जवारेएकु। सेकरो रे आपे रेनि सिरमा रेनि बबा हुँकू खियाव कुआय। तना आपे हुँकू एतेन कीमती कुनीपेआ? 27आपे मे से ओके फिकीर कोते अपन उमेर मी घड़ी तआ हों बढव सकावेआय?”
28“गेन्दराः तआ चितान तआपे फिकीर रोओ? पहार रआ बहा ञेलेपे। होना चिलका सेंड़ायोओ? होना न दो कामेअँय जोटोः न अपन तआ गेन्दराः रोगेअय। 29#1 राजा 10:4–7; 2 इति 9:3–6सेकरो रे इञः आपेइञ कथावायना चि सुलेमान राजा हों अपन पुरे ठट-बट रे हुँकू मे से ओके लेका हों गेन्दराः काय होड़हड् लेना। 30ओय दरपुरा सारीयोःकु! ओत रआ बीर तीहिञ भाइर इदानआँ जोटोः गपा सेंगेल रे झोला एंडाया। अगर होना हों परमेसर नोंका सिंगरावेए, दो आपे चितान तआ एरोय होड़हड् लेपेआ?”
31“हिना तआ आले, ‘चितानले जोमा? चितानले ञूआँ? जोटोः चितानले होड़हड्आ?,’ मेनकेते अलोपे फिकिरकोः। 32(नोआँ गोटा जीनिस रआ खोज रे गैर-जहुदीकु बनाल दोहोनाकु।) आपे रेनि सिरमा रेनि बबा ठुवा वानय चि नोआँ गोटा जीनिस रआ दरकार इदानआँ। 33आपे गोटा एतेन पहिल परमेसर रआ राइज जोटोः हुँनि धरमिकता रआ ञ-ञम रे दोहोनपे दो नोआँ गोटा जीनिस आपे तआ एम एंडायय। 34गपा तआ अलोपे फिकीरोः। चितानतआचि गपा रआ अपन फिकीर खुद करावेआपे। तीहिञ तआ तीहिञ रआ दुख अगामा।”
© 2023 NLCI CC BY-NC-ND 4.0