ALuka 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nɔkghɛn, ba sen ti maŋ ta nɔkghɛn. Agyuru alejel, ko ba yebek, ba ti te ruruk, iti be isaŋ tak nos, ba sa korokghɛni ibirimi agyingyeŋ. Arɔko agyuru ko nyin ti chɛsɛkghɛn, ngu yu ko ba samaŋ ta chɛsɛkghɛni.”

Anet alejel wurumi nkyɛŋ lejel atak nkyɛŋ lejel afah ngu, anama yu ko anet akpɛ maŋ wurumi nkyɛŋ nkpɛ atak nkyɛŋ nkpɛ afah ngu. Kanu fɛh nkyɛŋ ko nnam ne atak afah ngu.”

Ne shimɛn bafefub nyin, taba nyeni kulejel, taba kɔbɔsɔkghɛn kɔn ti tassɛn ba ta taraŋghɛn wɔgh. Nyin sen ti sɛn agbaŋ aweŋ, nyin sen ti ten nyinin nanon Adarai. Arɔko ngum nye kulejel aton banet ba kpɛ aso baya ko ba tɔl kafahkakan wɔgh.

Ten nyinin bafe kutossyɔm, aneŋko Adah nyin maŋ yes afe kutossyɔm.

“Kɔn ti ran bakakghi ishara wɔgh, ba sen ti maŋ ta rani ishara wɔgh. Kɔn ti nghasaŋhɛn ya yi bakak be kubun wɔgh, ba sen ti maŋ nghasaŋ ya yi nyin yoŋ ben kubun wɔgh. Hanan, ba sen ti maŋ ta hanani.

“Meŋ ne nda tɔŋghɛn nyin ko ti fossɛn, shimɛn bafefub nyin, nyen ba ya ko ba be ishishim nyin yi kulejel, korokghɛn ba ya ko ba ta nɔkghɛn kanukakpɛ yi aweŋ, ten ti nassaŋghɛn arɔ ba ya ko ba ta nassɛn ngbaŋ.

Nyen banet yi ikyɛt ko nyin shimɛn mbam na ta nyeni.

Be akak ta basak kukoŋ kungbam, tu tirikghi ku ya ma. Be akak shan atoro aton nwun, kɔn tu shimi afe atak wɔgh. Nɔkghɛn gbik aya ko ata ribɛn ikyɛŋ, be akak shan ikyɛŋ nwun, kɔn nwun ti tɔk ata borokghi wɔgh.

AYeso nye yah, “Wallaŋ kakon ka lejel ko ka te nna mban nna kpɛ, anama yu, kakon ka kpɛ te nna mban nna lejel wɔgh.

Ba fuk koyaŋ kakon ijwa namban nka. Banet bos ambo aton kakon atsirtsɔn wɔgh, kɔn ba ne bos namban ampapu akon ajijen wɔgh.