San Juan 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Pättiyäku, Jesú-mä̧ päinä̧u̧: Ttütäsä, kuäkuäwä tta̧'kua̧rü̧mä̧; ttüku ichümä̧, yorisotä ukua ppäi ttuokä̧kua̧; ja̧'wa̧ta̧nü̧ ttürü esetümä̧, yorisotä awa a̧di̧ri̧jo̧ko̧ku̧ jä̧kua̧.

Epíritu ja̧'a̧ a̧'kua̧rä̧kuä̧wä̧ iyümä̧; ttidepo'tämä̧ ji̧ya̧'a̧kuä̧ra̧'a̧tä̧ kka̧'a̧; ja̧'wa̧nü̧ ja̧'a̧ttü̧ ttü pädäjimä̧ epíritu ja̧'a̧nä̧, tta̧'kua̧rü̧'i̧nä̧ jü̧.

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

Jesú ädätinä̧u̧: —Pi̧yȩ ja̧'a̧ Dio aditäwämä̧, Chutä weinä̧ku̧ru̧ kuesetiyätükuarü pä'ü.

Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

Päomȩnä̧, Simón Peduru-mä̧ ädätinä̧ku̧: —Chu̧ru̧wa̧, ¿Diku ti̧'chü̧'a̧nü̧ ja̧'a̧jä̧ttü̧? Uku kui̧wȩnȩmä̧ kkä̧kuä̧wä̧ i'ko jäwä ja̧'a̧.

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

Ya̧tȩ'i̧nä̧ ttukumä̧ ichokü, Chä'o Dio ttüku weokoku jü̧ttü̧mä̧; ja̧'wa̧nü̧ wa̧mä̧, rüjí mo̧ro̧ päi'omȩnä̧mä̧ wa'arettü tto̧dä̧dä̧kua̧.

Isopäi'ünä̧ kuäkuäwä Dio iyümä̧, mo̧ro̧jä̧ra̧'a̧ttü̧ mȩyȩwi̧nü̧tä̧ ja̧'a̧ ja̧'wa̧ta̧nü̧ jua̧u̧tä̧ ja̧'a̧ pi̧jä̧ ttü̧ja̧ tta̧'kua̧rü̧ iyümä̧.

Ttütäsä, kuäkuäwämä̧, tta̧'kua̧rü̧ iyümä̧

Ja̧'wa̧nü̧ ja̧'a̧ Jesú-mä̧, jua̧u̧ o̧si̧ ȩmo̧po̧'ü̧, Dio-rü eseu pä'äji̧'ka̧, u̧wo̧juȩtä̧u̧rü iyä'chinü̧, jua'a yabo juätümä̧ ttü̧ja̧ pȩjä̧tü̧rü̧ ttiyä'chünä̧. Ja̧'wa̧ta̧nü̧tä̧ jȩpi̧nü̧ po̧i̧rü̧'i̧nä̧. Ja̧'wa̧nü̧ kuä̧nü̧ jo̧mȩnü̧ suttädi'äji o'ka'a, Jesú-mä̧ u̧wo̧juȩtä̧u̧rü pä'inü̧: —Ttukua'anä̧ kka̧kui̧pä̧ji̧ ka̧ka̧tä̧tu̧kui̧, surojuoächü juiyäkua'anü̧.

Täkü, cinco-nü̧ jo̧mȩnä̧kü̧, sei-nü̧ jo̧mȩnä̧kü̧ kilómetro jo̧mȩnä̧ ttüjäwäji o'ka'a, Jesú-mä̧ aje wä̧mȩnä̧ woi'kaku icha'a topü, rü̧ȩnä̧ ye'inä̧tü̧. Ja̧'wa̧nü̧ yettiyäku, Jesú-mä̧ päinä̧u̧: —Yekuekuätükuä, ttütäsä.