Luk 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nnọ mfifien owom se mmọ ebeeŋde fin, ndien Idem-Mbubod akainọ fin ọyọhọ ndomo, efiik ọdọŋ, otuhede amana ọdọŋ ọyọhọ ọduọhọ. Udomo mpọ nken ofo akamade odoomo ọnọ owom ewen, nsọ ukem ikoro ke Idem-Mbubod emi ikama idomo inọ fin.

Ke ntoro, etiti owom atiŋ ntiti ikọọ sia ekikere esid edede etiti. Idiọk owom anam idọk mpọ sia esid ese ekere ibak. Ndien ikọọ ọwọrọde owom ik'inua ọwuri utọ ekikere esid ese.

Ede anante ofo ama mmọn atua fo onyuŋ ọfọn ido ma mmọ. Buọd oyoomo ede k'uyeem sọ owom eken ofo ọbuọd epe fin. Sia Idem-Mbubod akainọ fin akwaa utip. Ndien emi aka iwuri ke ofo ọfọn ido nte Nkoŋnkan Idem-Mbubod. Sia enye ọfọnde mfọn ma mmọnido ananade esid ekọm ma mmọn ibak.

Anaa ofo enyene mbọm ukem nte Ntaa nnyin ke edem-onyuŋ enyenede mbọm ọnọ mfifien owom.

Yisọs akaaiso epeebi mpọ ete, «Ku udori sọ owom uyo kiinam idiọk-mpọ. K'ubiom sọ owom ipe, mbaak mmọ ibiom fin ipe. Feen nnọ mmọnido eduede fin ndien ekainyuŋ efeen inọ fin.

Yisọs akaaiso epeebi mpọ ete, «Edese ami ntiŋde nnọ mfo mmọnimi ikopde ikọọ iken, anante mfo ima mmọn atuaa mfo, inyuŋ inam etiti mpọ inọ mmọ. Ibeeŋeidem-Mbubod yak ọdiọŋ owom ọdọọŋide akam ọnọ mfo, inyuŋ ibọŋ akam inọ mmọnido etueeŋide mfo iduọ.

Nam sọ nnọ owom ewen mfifien se ofo eyemde owom anam ọnọ fin.

Owom iyubi mfo ufia k'ibaŋ edem keen ituene fin, kanade edem nken nnọ eme yak ọyubi. Owom epe ọbọ fin ewuri fo, yak mfọrọ-idem mfo dian nnọ eme. Owom epe ebeeŋe fin mpọ, yak nnọ eme. Ede owom epe ọbọọ fin mpọ ekeyenede fin k'usanya, k'uyeem sọ ubọ eme.

Yisọs akaiso epeebi mpọ ete, «Etiti eto isioŋoke idiọk mfuri. K'ukem usuŋ ikoro, idiọk eto inyuŋ ikeme isioŋo etiti mfuri.

Nsọ ukem ikoro k'ediọọŋọ mme ọduuk eto esi ke mfuri mmọ. Sia owom inyuŋ itedke wọfa ke eto nkukum, inyuŋ itedke asokoro ke upaap.