लूका 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

एमाकुपे अरो अपे केहों परमेसर एमापेयाय। ओता-ओता केते, हिलाव-हिलाव केते पेड़ेच वनाः चेतान चुगचुगाव वनाः, जे सुबिन के सुबिन सोंग परमेसर अपे रआ कोजोङ रे दुल वपेयाय, चिलिमेनचि जे सोंग वनाः एते सोंग कनापे इना सोंग तिगी अपे केहों एमापेयाकु।

बुगिन मनवां, जे बुगिन गानाम उनी रआ मोन रे जमा एकाना, इना रे एते गी बुगिन गानाम उडुङ कनाय अरो कठिक मनवां, जे बुराय उनी रआ मोन रे हेनाःआं, इना रे एते गी कठिक-कठिक गानाम उडुङ कनाय। चिलिमेनचि जे मोन रे पेड़ेच एकाना, इनागी मोचा एते उडुङओः काना।

मुदा आमरेन बइरिकु के दुलार कुम उनकु के बुगिन कुम। जहन्‍नाः रुवाड़ अगु रआ आसरा ओलोम दोहोया अरो रीन एमाकुम। तोबे आम कथिर परतिफोल होयुःआ अरो आम परमपरधान परमेसर रिई होपोन बयुःआम, चिलिमेनचि उनी बुराय करावान के अरो धेनयाबाद का एएम वनकु के माया कुकानाय।

जे लेका अपे रिई सोवारागदूत आबा माया एते पेड़ेच हेनाया, इनका गी अपे हों माया एते पेड़ेच बयुःपे।

जहय केहों भला-बुरा गामकेते ओलोपे नेयाय कुवा, जेकर एते परमेसर अपे केहों काय नेयाय पेयाय अरो दोस ओलोपे लगावकुवा, जेकर एते परमेसर अपे रेहों दोसी काय ठहरावपेयाय। माफ कुपे, जेकर एते परमेसर अपे केहों माफ पेयाय।

मगर इञ अपे अयुमइकु एते गामवापेकानिञ चि अपन बइरिकु एते दुलार कुपे, जे अपे एते बिरोध इयाकु उनकु रआ भलायेपे। जे अपे के सरफाव पेकानाकु उनकु के आसरीबाद एमाकुपे। जे अपे के आपमान पेयाकु उनकु कथिर पराथनायपे।

जे बेवहार अपन कथिर एटाः होर एते चहाः कनापे, इनका गी बेवहार अपे हों एटाः होर के कराव कुपे।

जे अपे रआ मियाः जोहा रे चटाः रु पेकानाकु, एटाः अनाः जोहा हों उनकु सोझ वकुपे। जे अपे रआ पेछोरी रेच पेकानाकु, उनकु के अपे रआ सोनोः इदी रे ओलोपे रोकावकुवा। जे आम एते कोय मिकानाकु उनकु के एमाकुम अरो जे आम एते आम रआ अपन रेचकानाकु उना ओलोम कोय रुवाड़ कुवा।

बुगिन दाड़ु बुगिन जो एमुः कनाय, अरो कठिक दाड़ु कठिक जो एमुः कनाय।

इनाते सुबिन मिमियाः दाड़ु अपन जो एते चिनहाव कोःकाना, चिलिमेनचि होर गजार एते अंजीर काय गोत कनाय अरो जनुम झुड़ एते अंगुर जो।