Lucas 7-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nunee Hau hatete ba o katak, ninia sala, maski barak, hetan ona perdaun. Tanba nee, nia hatudu domin boot. Maibee ba nia nebee hetan perdaun uitoan, nia mos hadomi uitoan.” No Jesus dehan ba feto nee, “O nia sala sira hetan perdaun ona.”

No Nia dehan ba feto nee, “O nia fiar salva ona o. Lao ba ho dame.”

Nia hamriik iha Jesus nia ain iha kotuk. Nia komesa habokon Jesus nia ain ho ninia matan been, no nia hamaran Jesus nia ain ho ninia fuuk. Depois nia rei no fui mina morin ba Jesus nia ain.

Nunee hau hanoin katak hau la merese atu baa hasoru Ita Boot. Maibee foo sai liafuan deit, no hau nia atan sei sai diak. Tanba hau mos mane ida nebee iha autoridade okos, no hau iha soldadu sira iha hau nia okos. Hau dehan ba ida, ‘Baa!’ no nia baa; no hau dehan ba ida seluk, ‘Mai!’ no nia mai. No ba hau nia atan, ‘Halo ida nee!’ no nia halo tuir.” Bainhira Jesus rona tiha liafuan nee, Nia admira komandante nee. Nia fila aan no dehan ba sira nebee lao tuir Nia, “Hau dehan ba imi, Hau seidauk hetan ema ho fiar nebee hanesan nee iha Israel.”

No iha oras nee, Jesus foin kura ema barak ho isin moras no moras peste, no Nia duni sai espíritu aat sira, no Nia halo ema barak nebee matan delek bele haree fali. No Jesus hataan ba sira, “Fila fali ba, no foo hatene ba João kona ba buat nebee imi haree no rona nee, katak ema matan delek sira bele haree, ema ain kudeik sira bele lao, ema moras lepra sira sai moos, ema tilun diuk sira bele rona, ema mate sira moris fali, no ema kiak sira rona evanjelhu.