SAM 121
121
ദൈവം എന്റെ സംരക്ഷകൻ
ആരോഹണഗീതം
1ഞാൻ പർവതങ്ങളിലേക്കു കണ്ണുകൾ ഉയർത്തുന്നു,
എനിക്കു സഹായം എവിടെനിന്നു വരും?
2എന്റെ സഹായം സർവേശ്വരനിൽനിന്നു വരുന്നു.
ആകാശവും ഭൂമിയും സൃഷ്‍ടിച്ച സർവേശ്വരനിൽനിന്നു തന്നെ.
3നിന്റെ കാൽ വഴുതുവാൻ അവിടുന്ന് അനുവദിക്കയില്ല.
നിന്റെ സംരക്ഷകൻ സദാ ജാഗരൂകനാണ്.
4ഇസ്രായേലിന്റെ പരിപാലകൻ ഉറങ്ങാതെ ഉണർന്നിരിക്കുന്നു.
5സർവേശ്വരനാണ് നിന്റെ പരിപാലകൻ.
നിനക്കു തണലേകാൻ അവിടുന്നു നിന്റെ വലത്തുഭാഗത്തുണ്ട്.
6പകൽ സൂര്യനോ രാത്രി #121:6 പൗർണമി ദിവസങ്ങളിൽ ചന്ദ്രനിൽനിന്നുള്ള പ്രകാശം ചില രോഗങ്ങളുടെ കാഠിന്യം വർധിപ്പിക്കുമെന്നു വിശ്വസിച്ചിരുന്നു.ചന്ദ്രനോ നിന്നെ ബാധിക്കയില്ല.
7സർവ തിന്മകളിൽനിന്നും അവിടുന്നു നിന്നെ സംരക്ഷിക്കും.
അവിടുന്നു നിന്റെ ജീവനെ കാത്തുകൊള്ളും.
8ഇനിമേൽ എന്നും സർവേശ്വരൻ നിന്നെ
എല്ലാ ജീവിതവ്യാപാരങ്ങളിലും പരിപാലിക്കും.
നിലവിൽ തിരഞ്ഞെടുത്തിരിക്കുന്നു:
SAM 121: malclBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Malayalam C.L. Bible, - സത്യവേദപുസ്തകം C.L.
Copyright © 2016 by The Bible Society of India
Used by permission. All rights reserved worldwide.