സങ്കീ. 108

108

വിജയത്തിനുവേണ്ടിയുള്ള പ്രാർത്ഥന

ഒരു ഗീതം; ദാവീദിന്‍റെ ഒരു സങ്കീർത്തനം.

1ദൈവമേ, എന്‍റെ മനസ്സ് ഉറച്ചിരിക്കുന്നു;

ഞാൻ പാടും; എന്‍റെ ഉള്ളംകൊണ്ട് ഞാൻ കീർത്തനം പാടും.

2വീണയും കിന്നരവുമേ, ഉണരുവിൻ;

അതിരാവിലെ ഞാൻ തന്നെ ഉണരും.

3യഹോവേ, വംശങ്ങളുടെ ഇടയിൽ ഞാൻ അങ്ങേക്കു സ്തോത്രം ചെയ്യും;

ജനതകളുടെ മദ്ധ്യേ ഞാൻ അങ്ങേക്ക് കീർത്തനം പാടും.

4അങ്ങേയുടെ ദയ ആകാശത്തിന് മീതെ വലുതാകുന്നു;

അങ്ങേയുടെ വിശ്വസ്തത മേഘങ്ങളോളം എത്തുന്നു.

5ദൈവമേ, അങ്ങ് ആകാശത്തിനു മീതെ ഉയർന്നിരിക്കേണമേ;

അങ്ങേയുടെ മഹത്വം സർവ്വഭൂമിക്കും മീതെ തന്നെ.

6അങ്ങേക്കു പ്രിയമുള്ളവർ വിടുവിക്കപ്പെടേണ്ടതിന്

അങ്ങേയുടെ വലങ്കൈകൊണ്ട് രക്ഷിച്ച് ഞങ്ങൾക്ക് ഉത്തരമരുളേണമേ.

7ദൈവം തന്‍റെ വിശുദ്ധിയിൽ അരുളിച്ചെയ്തത്:

“ഞാൻ ആനന്ദത്തോടെ ശെഖേമിനെ വിഭാഗിച്ച്

സുക്കോത്ത് താഴ്വരയെ അളക്കും.

8ഗിലെയാദ് എനിക്കുള്ളത്;

മനശ്ശെയും എനിക്കുള്ളത്;

എഫ്രയീം എന്‍റെ ശിരോകവചവും

യെഹൂദാ എന്‍റെ ചെങ്കോലും ആകുന്നു.

9മോവാബ് എനിക്ക് കഴുകുവാനുള്ള പാത്രം;

ഏദോമിന്മേൽ ഞാൻ എന്‍റെ ചെരിപ്പ് എറിയും;

ഫെലിസ്ത്യദേശത്തിന്മേൽ ഞാൻ ജയഘോഷംകൊള്ളും.”

10ഉറപ്പുള്ള നഗരത്തിലേക്ക് എന്നെ ആര്‍ കൊണ്ടുപോകും?

ഏദോമിലേക്ക് എന്നെ ആര്‍ വഴിനടത്തും?

11ദൈവമേ, അങ്ങ് ഞങ്ങളെ തള്ളിക്കളഞ്ഞില്ലയോ?

ദൈവമേ, അങ്ങ് ഞങ്ങളുടെ സൈന്യങ്ങളോടുകൂടി പുറപ്പെടുന്നതുമില്ല.

12വൈരിയുടെ നേരെ ഞങ്ങൾക്കു സഹായം ചെയ്യേണമേ;

മനുഷ്യന്‍റെ സഹായം വ്യർത്ഥമല്ലയോ?.

13ദൈവത്താൽ നാം വീര്യം പ്രവർത്തിക്കും;

ദൈവം തന്നെ നമ്മുടെ വൈരികളെ മെതിച്ചുകളയും.

നിലവിൽ തിരഞ്ഞെടുത്തിരിക്കുന്നു:

സങ്കീ. 108: IRVMAL

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

MAL-IRV

Creative Commons License

Indian Revised Version (IRV) - Malayalam (ഇന്ത്യന്‍ റിവൈസ്ഡ് വേര്‍ഷന്‍ - മലയാളം), 2019 by Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.

ഇന്ത്യൻ റിവൈസ്ഡ് വേർഷൻ - മലയാളം നെക്കുറിച്ച് കൂടുതലറിയുക