Wrúfè 3
3
Wrúfè è gɔ̃ɔ̃̀ yè nyàà sɥ́
1Lɛ̀ yi ɓlɵ́ yà zieɛ é Nìómà yà pɵ e gbɵ bɔú Wrúfè lǝ̀, “Yaáló kǝ sǝ̀ ã́ã̀ gɔ̃ɔ̃̀ mɛɛ̀ ɥ lǝ̀, kǝ ɥ píé keelɛ̀ nyɛ̀ɛ̀ kǝ lɵ̀, kǝ wɔ̃́ nyɛ̀ɛ̀ kǝ ɥ gɔ̀ sǝ̀à? 2Ч zò è bɥ̀ɵ̀ nɛ̀ɛ̀ Bóà ɥ́ go yuɔkǝlɛ̀à àɓà yuɔkǝmɛ̀ lonzǝ̀ son, à píé ɓlɥ́ɵ̀ ɓɛ, kwa mɛ mɥ̀. Lɛ̀gà zɵ, è lò kǝ yaa bálè pìèlɛ̀à gbeingɥ́à. 3A mɔ́ɔ̀wɔ̃̀ã̀ɛ̃̀, ɓò ɥ zrú, ɥ́ nyɔ́ xlɵ́ɵ́ sǝ̀ǝ̀zǝ̀ tá ɥ ɓà, ɥ́ ɓa sɔ kpã̀ã̀zǝ̀ dà ɥ ɓà, ɥ́ ló bálè siɛ̀lɛ̀ ɓà má. Kǝǝ kɵ́kǝ̀ ɥ́ɥ dèzɔ̃̀ gɔ̃ɔ̃̀ ɓɛ lǝ̀ nɛ̀ɛ̀ ɥ mɥ́ è toápɵ́ è nyiɛ pǝɓɵ̀sɥ̀à è pǝ mɥ. 4Yàkǝɛ ɓò ɥ nyákǝ àɓà lɛ̀ é lo wɔàɛ̀ wɔ̃̀ã, yàkɔɔ́ yà wɔ sɛa yà yi zǝɛ, ɓò ló ɥ́ sɔlíé ɓoà gɛ̃̀ là, ɥ́ wɔ à gɛ̃̀ píé. Àyé yà bɥ̀ɵ̀ yà ɥ yeɛ, ye é lo pǝ ɥ́ loà kǝɛ biɛ̀ ɥ lǝ̀.”
5Lɛ̀kɔ̀ɔɛ Wrúfè yà pɵ, “Pǝ sáálɵ ɥ́ pɵɛ a lòà kǝ.”
6Lɵɛ Wrúfè è lo bálè siɛ̀lɛ̀ ɓà, ê dè kǝ̀ nɛ̀zɛ̃ã à gɔ̃̀ le yà bìɛ̀a à lǝ̀ɛ̀ lɵ́. 7Lɛ̀ Bóà yà pǝ ɓɵ̀, yà pǝ mɥ é à zòɔ grúà liɛ, é lo é wɔ̀ bálè kpo sɔ́. Lɛkɔ̀ɔɛ é Wrúfè è nu séín-séínlɵ, ê ɓà sɔ líé sɥ à gɛ̃̀ là, lɛ yà wɔ̀ sɛa à gɛ̃̀ píéɛ, ê kpà e là. 8Lɛ̀ gbein zinlɵ lɛ̀à dɔɛ, Bóà è bɥ̀ɵ̀ é sìɛ̀kɔ̀à, é à té è tũ nɛ̀ɛ̀ le è kǝ̀ wɔùká à gɛ̃̀ píé. 9É Bóà yà lɛ̀ɛ̀kpɔ́ kǝ̀, é pɵ, “Dɵ mɥ̀ ɥ káɛ?”
É pɵà lǝ̀, “Ma Wrúfè, ɓa nɔ̀àlè mɥ̀. Ƃò ɓa sɔ líé kpa n là, ɓií m mɛ̀ dèèdè mɥ̀ ɥ ká. Ƃi ɥ́ lo ɥ zòkǝ m píé.”
10Lɛ̀kɔ̀ɔɛ é Bóà yà pɵà lǝ̀, “Gó Yàwɛ è lúàkpɔ́ ɥ ɓà, n lú. Grúsǝ̀ é và é zìa à yé ɥ́ kǝ̀ ɥ gɔ̃̀ le káɛ̀ làɛ̀ ɓâ kǝ n ká. È kǝ̀ ɥ ɓà ɥ́n ló gɔ̃ɔ̃̀nù dɔ̀ù-dɔ̀ù píé, ékɛ̃̀ɛ̃̀ wò kǝ̀ ɓɔ̀uzǝ̀o ĩ́ĩ́ wò kǝ̀ fɛ́ɛ́zǝ̀ɛ̀ ká, kǝǝ ɥ ká kǝ pɵ́.” 11Lɛ̀kɔ̀ɔɛ ê pɵ́, “N lú, kɵ́kǝ̀ ɥ zòɔ è dũlú. Pǝ sáálɵ ɥ̂ mɛ̀ɛ̀ ã́ã̀ à kǝ ɥ lǝ̀ɛ̀, a lòà kǝ, ɓií m ɓá gɔ̃̀ɔ̃̀nù wó pɵɵ zɵɛ wà gɥ́ dɔ̀a nɛ̀ɛ̀ ɥ le kpã̀ã̀zǝ̀ ká. 12È wɔ̃́dè ká nɛ̀ɛ̀ ɥ mɛ̀ mɥ̀ n ká, kǝǝ gɔ̃ɔ̃̀ do è zɵɛ, kãã̀ kaa mɛ̀ɛ̀lɛ̀ èye kóá kɵ̀ɵ dùò é zìèa n là. 13Ƃò tó zɵ gbeingɥ́à, yàkɔɔ́ lɛ̀à kpààɛ̀, ê kɛ̃̀ɛ̃̀ è lò mɔ̀ àɓà nyɛ̀ɛ̀ wé àɓà nyɛ̀ɛ̀ wɔ̃́ ê ɓà nyàà kǝ ɥ mɔ́ɔ̀wɔ̃̀ã̀ɛ̃̀ kǝɛ, kǝ è sǝ̀, gó yà kǝ. Kǝǝ ê kɛ̃̀ɛ̃̀ yaáló weàɓà nyàà kǝ ɥ lǝ̀ɛ̀, kǝ a n sɵ̀ɓɵ̀ Yàwɛ é ɓéìɛ̀ tɔ́ ká nɛ̀ɛ̀ a lò pǝ é mɛ mɛ̀ è mɔ̀à nyàà kǝɛ kǝ. Ƃò wɔsɛa lɛ̀ è kpàà.”
14Lɵɛ é Wrúfè è wɔ̀à gɛ̃̀ píé é toápɵ́ lɛ̀ è kpàà. Kǝǝ è wrùùlú lɛ̀àlíé lɛ̀ tii gɥ́, kǝ mɛ nyá yaá mɛ kṹkũ̀, ɓií Bóà yaá mɛɛ̀ mɛ gbɛɛ nyàà gɥ́dɔá nɛ̀ɛ̀ le è nù bálè siɛ̀lɛ̀ ɓà mɥ́ gbein. 15Lɛkɔ̀ɔɛ Bóà yà pɵ, “Ƃò nu sɔ é ɥ ɓàɛ̀ ká, ɥ́ à líé pó.” Lɵɛ é nuá é líé po, é Bóà è bálè sii dã pǝ gɥ́ é kǝ̀ ɓɔ̀ɔ krú ká, ê lu, ê dà Wrúfè gbãlà é loá pɵɵ. 16Lɛkɔ̀ɔ é nu e gɔ̃̀ le píéɛ, é à gɔ̃̀ le yà pɵà lǝ̀, “Kô ma ɥ píé gbɛ̃́ã̀ɛ̀, n lú?”
Wrúfè è wɔ̃́ sáálɵ é gɔ̃ɔ̃̀ ɓɛɛ yà kǝ̀à gɔ̀ɛ̀ bìɛ̀ à lǝ̀, 17ê pɵà lǝ̀ wòa nɛ̀ɛ̀, “Bálè ɓɔ̀ɔ krú é nɛ̀ ê nu n lǝ̀, ɓií yà pɵ̀, ‘Ч káló lo ɥ gɔ̃̀ le píé ɥ kwɛ fèè ká.’ ”
18Nìómà yà pɵ à lǝ̀, “Dɔ, n lú, zɛ̃ã wɔ̃́ lo e gɔ̀dɔáɛ ɥ́n à ye, ɓií gɔ̃ɔ̃̀ ɓɛ e káló e fùà nyɛ̀ɛ̀ toápɵ́ nyɛ̀ɛ̀ wɔ̃́ nɛ̀ yeá kólíé gbɛ̃́ã̀.”
നിലവിൽ തിരഞ്ഞെടുത്തിരിക്കുന്നു:
Wrúfè 3: DHB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക