Jon 10
10
Vapadapada Na Valeke Miasoka Sipi
1Gonae Jesu sine napua igo de, “Ma sine ne qamu pata ogoto, basoe iki keba ego kaega siporaṉa na bara ria sipi ro ne, do i kebae so kaki dia, basoe nae i sikosiko mana i vasasakata ne qira sipi ro go. 2Do basoe i keba totoloṉe siporaṉa na bara ne, i basoe miasoka sipi ogoto. 3Valeke i miasoka go siporaṉa ne tina papaqa ne valeke miasoka sipi ne, sipi ro tarina gata seko na ia, ṉalu ia i korua go vitoṉo qira, mana tina lulu vasiporo qira go. 4Ṉalu tina lulu vasiporo qira, ia tina kenaqa ne qira mana sipi ro ia tarina muzi ne ia, tanego iri gata rove ovaṉa na ia. 5Ṉalu valeke kakavata tina lama, sipi ro dena tariniki lulua kaega valeke nae, tarina paqa lupo, tanego iriki gata rove kaega ovaṉa na ia.”
6Jesu i sine ne qira seko vapadapada dena, do iriki nanao rove so kaega avana tane iva talupasa ze go.
Jesu Valeke Miasoka Sipi
7Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro. 8Ria basoero iri lama bana go tarakenaqaqu era, iri vano sikosiko mana iri vasasakata ne qira sipi ro go. 9Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne. 10Valeke sikosiko, i lama go tina siko, vae vale basoe mana vari vasasakata go. Do era qa lama, go tamuna pala too ogoto, too dena i purake topuna pata velaka ro.
11Era to qa valeke miasoka sipi velaka, mana qa mao tuna le ne qira sipi ro era go. 12Ṉalu kaki basoe zazu iri volia so, sauna miasoka na sipi ro ne, ṉalu sika piru ro iri lama, ia tina paqa kasi ne qira sipi ro nae, mana sika piru ro tarina lama pala mana vae vale kakiaro sipi ro, tanego basoe nae iki toṉove kaega mana ki rove kaega de go miasoka na sipi ro. 13Basoe iri volia go zazu ia, tina paqa, tanego iki nanao vamazale kaega sipi ro ne. 14-15Era to qa valeke miasoka sipi velaka. Era qa rove qira sipi ro era, gerena Mamae irove velaka ava era, mana sipi ro era iri rove ava era, gere era qa rove velake Mamae. Mana qa mao tuna le ne qira sipi ro era go. 16Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.
17Mamae i lete mamaligara nava era, tanego qa mao go tuna le, go era tuna too ule napu me. 18Kaega ka basoe i mazala go vae vale ava ṉalu tuki va mao go kaega. Do qa toqe ne tanuqu mara vae vale ava. Era i ko nava karaputa tu vamao go vae vale na too era, mana i ko nava karaputa tuna too ule napu me tepa le ne. Iato dena pata i sine nava go era Mamae tuna zazu nego.”
19Pasi nae vano Jiu ne iki kameka kaega nanao qira de ikoego Jesu, sauna sekoro i sine go. 20Topu ria iri go, “I koe manuru de ikoego mana i bulaṉoi! Avigo tane qamu gata go seko ro i sine go.”
21Do kakiaro iri go, “Ṉalu go tara koe manuru de ikoego i makuru tina seko gogo nae, avigo manuru i mazala vamimia na tane valeke kodo?”
Vano Jiu Iri Sila Jesu
22I doka ṉalu vano Jiu iri kelo ne nanao taru na musaqara lavata na Pade Lotu na Jerusalema, ṉalu dena i torana to ṉalu i lolomu go. 23Gonae Jesu i keba goe tepe na Pade Lotu ne, de go iri vitoṉo ze, ‘tepe ia Solomon.’ 24Vano Jiu iri lama teṉo kolo ia, mana iri tana ne, iri go, “I lete umata to, remu qiki rove kaega, akena tane aro, ṉalu aro qo Mesia go sine va velaka ne qemu to.”
25Do Jesu i vataule ne qira, igo, “Era qa sine lupo bana ne qamu, do qamuki vaogote so kaega. Topu na pata mazala ro qa vasadaka ne qamu, loborona karaputa ia Mamae, ianae to i vasadake akena tane era, 26do ramu qamuki vaogoto ava kaega era, tanego qamuki sipi ro era kaega. 27Sipi ro era, iri gata seko ro era, era qa rove qira, mana iri luluava go, 28mana qa teke ne qira too iki rove go kaega lupo, mana tariniki ara le kaega go, mana kaega ka basoe tina mazala go pala vakuziki qirae karisiqu era. 29Ria i teke nava go Mamae, iri sivala neto osina ro pata, mana kaega ka basoe tina mazala go pala vakuziki ne qirae karisina Mamae. 30Tanego raru Mamae, qaru kameka so.”
31Pasi nae vano Jiu ne, iri soqe ipaka, mara vana ze Jesu iri go.
32Gonae Jesu i sine ne qira, “Topuna pata velaka ro, i sine nava Mamae na zazu ne, mana ramu qamu mia to zazu velaka to nae. Adeke zazu velaka ro nae tane i tora go tamuna vana ve go era ipaka ne na?”
33Vano Jiu iri vataule, “Sauna zazu velaka ro, qo zazu ne go, remu qiki vele vana goe kaega ipaka, do aro qo sine sekoro i vasakate God. Aro qo basoe gere qemu so remu, do qo go, qaburu varipada God, iato nae tane qi vele vana goe ipaka ne.”
34Jesu ivataule ne qira, “I karo banae go Tamana ramu, ‘God i go, ramu qamu god ro’. 35Ita qata rove seko na Buka tabo ne, i pata ogoto, God i koru qirae basoero nae god ro, ria to basoero i teke ne qira go tarama ro ia. 36Ba era ne, Mamae tane ivine ava, mana i turi nava me vudu pua dena go. Avigo tane qa seko sakate go era God qamu go? Bana qa sine go, era qa Tuna God? 37Ṉalu tuki zazu ne kaega era pataro i soko go Mamae, ramu muniki vaogoto ava era. 38Do ṉalu qa zazu neso era kameka patana so i zazu ne go Mamae, ramu muna vaogote pataro qa zazu ne go era. Ṉalu qamuki vaogoto ava kaega era, do muna vaogote pataro qa zazu ne go. Nae ne qamu mazala to rove na Mamae i koe loboroqu era, mana era qa koe loborona Mamae go.”
39Iri pada napu ne pala na ia, do i surae de iri koego mana i zaza go.
40Taramuzina pataro dena, Jesu i kava ule napu za kene tepa na uguru Jodan. Dego i bapitema bana qirae basoero ne Jon, iago Jesu i za koe de igogo ne. 41Topu ria basoero iri lamae de ikoego Jesu, mana iri sine ne iri go, “Jon iki zazu ne kaega kaki zazu mazalaro, do osina pata i sine go Jon sauna valeke dena, i ogoto lupo so.” 42Iago basoero iri koego de igogo ne, iri vaogote Jesu.
നിലവിൽ തിരഞ്ഞെടുത്തിരിക്കുന്നു:
Jon 10: VRSNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Varisi, Solomon Islands © Bible Society of the South Pacific, 1994, 2004.
Jon 10
10
Vapadapada Na Valeke Miasoka Sipi
1Gonae Jesu sine napua igo de, “Ma sine ne qamu pata ogoto, basoe iki keba ego kaega siporaṉa na bara ria sipi ro ne, do i kebae so kaki dia, basoe nae i sikosiko mana i vasasakata ne qira sipi ro go. 2Do basoe i keba totoloṉe siporaṉa na bara ne, i basoe miasoka sipi ogoto. 3Valeke i miasoka go siporaṉa ne tina papaqa ne valeke miasoka sipi ne, sipi ro tarina gata seko na ia, ṉalu ia i korua go vitoṉo qira, mana tina lulu vasiporo qira go. 4Ṉalu tina lulu vasiporo qira, ia tina kenaqa ne qira mana sipi ro ia tarina muzi ne ia, tanego iri gata rove ovaṉa na ia. 5Ṉalu valeke kakavata tina lama, sipi ro dena tariniki lulua kaega valeke nae, tarina paqa lupo, tanego iriki gata rove kaega ovaṉa na ia.”
6Jesu i sine ne qira seko vapadapada dena, do iriki nanao rove so kaega avana tane iva talupasa ze go.
Jesu Valeke Miasoka Sipi
7Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro. 8Ria basoero iri lama bana go tarakenaqaqu era, iri vano sikosiko mana iri vasasakata ne qira sipi ro go. 9Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne. 10Valeke sikosiko, i lama go tina siko, vae vale basoe mana vari vasasakata go. Do era qa lama, go tamuna pala too ogoto, too dena i purake topuna pata velaka ro.
11Era to qa valeke miasoka sipi velaka, mana qa mao tuna le ne qira sipi ro era go. 12Ṉalu kaki basoe zazu iri volia so, sauna miasoka na sipi ro ne, ṉalu sika piru ro iri lama, ia tina paqa kasi ne qira sipi ro nae, mana sika piru ro tarina lama pala mana vae vale kakiaro sipi ro, tanego basoe nae iki toṉove kaega mana ki rove kaega de go miasoka na sipi ro. 13Basoe iri volia go zazu ia, tina paqa, tanego iki nanao vamazale kaega sipi ro ne. 14-15Era to qa valeke miasoka sipi velaka. Era qa rove qira sipi ro era, gerena Mamae irove velaka ava era, mana sipi ro era iri rove ava era, gere era qa rove velake Mamae. Mana qa mao tuna le ne qira sipi ro era go. 16Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.
17Mamae i lete mamaligara nava era, tanego qa mao go tuna le, go era tuna too ule napu me. 18Kaega ka basoe i mazala go vae vale ava ṉalu tuki va mao go kaega. Do qa toqe ne tanuqu mara vae vale ava. Era i ko nava karaputa tu vamao go vae vale na too era, mana i ko nava karaputa tuna too ule napu me tepa le ne. Iato dena pata i sine nava go era Mamae tuna zazu nego.”
19Pasi nae vano Jiu ne iki kameka kaega nanao qira de ikoego Jesu, sauna sekoro i sine go. 20Topu ria iri go, “I koe manuru de ikoego mana i bulaṉoi! Avigo tane qamu gata go seko ro i sine go.”
21Do kakiaro iri go, “Ṉalu go tara koe manuru de ikoego i makuru tina seko gogo nae, avigo manuru i mazala vamimia na tane valeke kodo?”
Vano Jiu Iri Sila Jesu
22I doka ṉalu vano Jiu iri kelo ne nanao taru na musaqara lavata na Pade Lotu na Jerusalema, ṉalu dena i torana to ṉalu i lolomu go. 23Gonae Jesu i keba goe tepe na Pade Lotu ne, de go iri vitoṉo ze, ‘tepe ia Solomon.’ 24Vano Jiu iri lama teṉo kolo ia, mana iri tana ne, iri go, “I lete umata to, remu qiki rove kaega, akena tane aro, ṉalu aro qo Mesia go sine va velaka ne qemu to.”
25Do Jesu i vataule ne qira, igo, “Era qa sine lupo bana ne qamu, do qamuki vaogote so kaega. Topu na pata mazala ro qa vasadaka ne qamu, loborona karaputa ia Mamae, ianae to i vasadake akena tane era, 26do ramu qamuki vaogoto ava kaega era, tanego qamuki sipi ro era kaega. 27Sipi ro era, iri gata seko ro era, era qa rove qira, mana iri luluava go, 28mana qa teke ne qira too iki rove go kaega lupo, mana tariniki ara le kaega go, mana kaega ka basoe tina mazala go pala vakuziki qirae karisiqu era. 29Ria i teke nava go Mamae, iri sivala neto osina ro pata, mana kaega ka basoe tina mazala go pala vakuziki ne qirae karisina Mamae. 30Tanego raru Mamae, qaru kameka so.”
31Pasi nae vano Jiu ne, iri soqe ipaka, mara vana ze Jesu iri go.
32Gonae Jesu i sine ne qira, “Topuna pata velaka ro, i sine nava Mamae na zazu ne, mana ramu qamu mia to zazu velaka to nae. Adeke zazu velaka ro nae tane i tora go tamuna vana ve go era ipaka ne na?”
33Vano Jiu iri vataule, “Sauna zazu velaka ro, qo zazu ne go, remu qiki vele vana goe kaega ipaka, do aro qo sine sekoro i vasakate God. Aro qo basoe gere qemu so remu, do qo go, qaburu varipada God, iato nae tane qi vele vana goe ipaka ne.”
34Jesu ivataule ne qira, “I karo banae go Tamana ramu, ‘God i go, ramu qamu god ro’. 35Ita qata rove seko na Buka tabo ne, i pata ogoto, God i koru qirae basoero nae god ro, ria to basoero i teke ne qira go tarama ro ia. 36Ba era ne, Mamae tane ivine ava, mana i turi nava me vudu pua dena go. Avigo tane qa seko sakate go era God qamu go? Bana qa sine go, era qa Tuna God? 37Ṉalu tuki zazu ne kaega era pataro i soko go Mamae, ramu muniki vaogoto ava era. 38Do ṉalu qa zazu neso era kameka patana so i zazu ne go Mamae, ramu muna vaogote pataro qa zazu ne go era. Ṉalu qamuki vaogoto ava kaega era, do muna vaogote pataro qa zazu ne go. Nae ne qamu mazala to rove na Mamae i koe loboroqu era, mana era qa koe loborona Mamae go.”
39Iri pada napu ne pala na ia, do i surae de iri koego mana i zaza go.
40Taramuzina pataro dena, Jesu i kava ule napu za kene tepa na uguru Jodan. Dego i bapitema bana qirae basoero ne Jon, iago Jesu i za koe de igogo ne. 41Topu ria basoero iri lamae de ikoego Jesu, mana iri sine ne iri go, “Jon iki zazu ne kaega kaki zazu mazalaro, do osina pata i sine go Jon sauna valeke dena, i ogoto lupo so.” 42Iago basoero iri koego de igogo ne, iri vaogote Jesu.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Varisi, Solomon Islands © Bible Society of the South Pacific, 1994, 2004.