Matyo 2
2
Ghə̂ à tɔbə a loʼ a bə bwey koʼ Yeso nghee ghə ji tsunə wi
1Ghə â ji Yeso n naʼ i Betelehem n mboʼo Judeya. Â loʼ n nəŋə zey Helɔd â loʼnə də̀ŋ kə tii. Ghə̂ a tɔbə à loʼ ghə n zə̀ghə tsu naʼ i ghə n bad key nyi i shiə kɔʼɔ bənə tii, nyi bə n Yerosalem. Ghə n bəbə bə nə̀, 2“Ghə ji ghee waa wən tə i bə doʼlənə də̀ŋ kə ghə̂ a Təjuu ghə fa? Ghey ma kòʼ səghəbələ fə wi fə n bad key nyi i shiə kɔʼɔ bənə tii, ghey u bənə ni bə ngɔɔmə wi.”
3Ambə Helɔd zow tsunə ghəə zən, zə n fəmmə nay ndòw wi nsə ghə̂ a Yerosalem ghə adzəm. 4Helɔd n tɔŋɔ naŋa bə ghə fɔɔngili a nii ghə adzəm nsə ghə̂ a dii a kəlaŋ ghə, bəb tə̀ ghə nə̀, “Ghə i jiə ghee wù wey Zə̀ kə â dza naŋa nə̀ i tûm bənu ə?” 5Ghə n dza tə̀ wi nə̀, “À i loʼ n naʼ i Betelehem, n mboʼo Judeya. À wən loʼ nghee wù tûm ə Kəzə̀ â dzanə nə̀,
6‘Abə wɔ a naʼ i Betelehem zə, n ghəlitsə kə Juda,
Wə̀ ndɔm way dzə nyaŋi fə inaʼ n naʼa tən fa n mboʼo Juda,
Bòʼ nə̀ à i lòʼ fa,
Də̀ŋ key kə î laalənə tə̀ ghə̂ ghuŋ ghə adzəm, tɔŋŋə ghə̂ ghə Izree î shiə bənə.’”
7Sey, Helɔd n tsìilə tɔŋɔ tsu ghə̂ a tɔbə ghey, tɔʼ bəb tə̀ ghə nəŋə zey ghə mə kòʼnə səghəbələ fey tii. 8Nghee tə bəb keeli shi kɔʼnə, tə n zə̀ghə tsu ghə nə̀ ghə ndòw n Betelehem, dza tə̀ ghə nə̀, “Ndòw na, ghaa tɔʼ kəŋ shi kɔʼ luʼu key waa tii loʼnə tii. Abə ghaa koʼ tsunə wi, ghaa i ghəŋə tsu soʼo nə̀ n keeli, tə̀ n mbɔŋ bə ngɔɔmə soʼo wi.”
9Nghee tə ghə mayyə tsunə ghi də̀ŋ kə tii kə, ghə n zəghə tsu fu, nuu ndow. Nghee ghə shiə bənə fu, ghə n koʼ kpiiʼi tsu səghəbələ fey ghə mə bùʼ koʼnə. Fə n ndòw n sə̂ kə ghə, ndòw təmi doʼo kɔʼ n luʼu key waa wey â loʼnə tii. 10Nghee tə̀ ghə koʼ tsunə səghəbələ fey, ghə n ngii duʼlə. 11Ghə n nyi ndòw fu n ndaw, koʼ tsu nay waa, tɔŋŋə Maliya ghî waa tii. Ghə n təm ndòw tənguʼ n tənə wi, ngɔɔmə wi, daŋŋə shiələ bə fə wey ghə mə bənə n ghii wə, itsàa, nsə nəŋ zə, nsə mmvə n ləmmə n loʼ mə, ghə tɔŋŋənə nə̀ a loʼ “Maya.” 12Ambə ghə dzəŋŋə ndownə, ghə n tsəghə ndòw jìi i nuu zə, n təŋkey, Zə̀ kə mâ tsə̀ ghə nə ujim nə̀, i kə̂ ghə nə̂ ndòw dzəŋŋənə n səə Helɔd.
Ghə tyi ndòw ghi waa n naʼ zə Ijip
13Ambə ghə̂ a tɔbə ghey nuu tsunə, tsəndəghə ə Kəzə̀ n ndòw bə n səə Yosef nə ujim, dza tə̀ wi nə̀, “Nuu kɔʼ, wə̀ ney kɔʼ waa wən ghî zə̂, ghaa tyi tsu ndòw n naʼ zə Ijip, ghaa doʼo kə fu ni ndow kuum n nəŋə zey mə i teeli bə dza bə tə̀ ghaa nə̀ ghaa loʼ ni dzəŋŋə nya, n təŋkey, Helɔd kəŋə kaabə waa wən ni wey wi.”
14Tə n daŋŋə nuu kɔʼ, ney kɔʼ này waa ghî waa tii, nuu tsu ndòw n naʼ zə Ijip n tsuʼu tə tii tə. 15Tə n doʼo kə fu tii sa, Helɔd n bə kpuu tsu. Zə â loʼ ni luulə ghəə ghey Mûkəbii â dzanə tə̀ tûm tə wi tə nə̀, “N tɔŋɔ shi bə waa wuŋ n naʼ zə Ijip.”
Helɔd wey aghinətəghə
16Ambə Helɔd bə keeli kɔʼnə nə̀ ghə̂ a tɔbə ghey n wi lòʼlə naŋa, tə n fəələ nay ndòw unəghə, daŋŋə tsəʼlə tsu kəlaŋ nə̀ ghə wey maʼa waa à num ghən ghə loʼnə nə̀ ghə ka kam kuum num tə̀ təbəghə n naʼ i Betelehem nsə n dəŋə kə tii kə kədzəm tə̀ tə â tɔʼlə shi kɔʼnə n wɔ̂ ghə̂ a tɔbə ghey.
17Ghəə ghən â shi ni luulə ghəə ghey wù tûm ə Kəzə̀ Jeremaya â dza naŋanə nə̀,
18“Ghə zow bɔ̀ŋ kə idey kə kûmnə n naʼ i Rama,
Rashel, deynə waa a wi ghə,
Tuu nə̀ kə ghə nə gɔŋŋənə wi
Kûmnə waa a wi ghə n kpuulə.”
Yosef fən dzəŋŋə bə n naʼ i Nazaled
19Ambə Helɔd kpuu tsunə, tsəndəghə ə Kəzə̀ n ndòw bə nə ujim, dza tə̀ Yosef nə̀, 20“Nuu kɔʼ, wə ney kɔʼ waa wən ghî zə̂, ghaa ndòw dzəŋŋə n naʼ zə Izree, n təŋkey, ghə̂ ghən ghə â ləghənə ni wey waa wey n kpuu.” 21Tə n nuu kɔʼ, ney kɔʼ soʼo waa wey ghi zə̂, nuu dzəŋŋə ndòw n naʼ zə Izree.
22Nghee tə Yosef zow tsunə nə̀ à loʼ Akilɔs waa Helɔd tə kɔʼnə ndaŋ ə Kədə̀ŋ n Judeya, tə n tsəŋ ghaʼ ni ndòw fu. Tə n ndòw tsə̀ghə̀ kɔʼ daŋŋə ndòw n mboʼo Galili, kuumnə tsəndəghə ə Kəzə̀ mâ bə tsə̀ wi nə ujim. 23Tə n ndòw muu doʼo ndòw fu n naʼ i loʼ zə ghə tɔŋŋənə nə̀ a loʼ Nazaled. Sey, ghəə zey wù tûm ə Kəzə̀ â dzanə n bə shi isəŋə nə̀, “Ghə î tɔŋŋə wi nə̀ a loʼ wù Nazaled.”
നിലവിൽ തിരഞ്ഞെടുത്തിരിക്കുന്നു:
Matyo 2: WEH
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2022 CABTAL
Matyo 2
2
Ghə̂ à tɔbə a loʼ a bə bwey koʼ Yeso nghee ghə ji tsunə wi
1Ghə â ji Yeso n naʼ i Betelehem n mboʼo Judeya. Â loʼ n nəŋə zey Helɔd â loʼnə də̀ŋ kə tii. Ghə̂ a tɔbə à loʼ ghə n zə̀ghə tsu naʼ i ghə n bad key nyi i shiə kɔʼɔ bənə tii, nyi bə n Yerosalem. Ghə n bəbə bə nə̀, 2“Ghə ji ghee waa wən tə i bə doʼlənə də̀ŋ kə ghə̂ a Təjuu ghə fa? Ghey ma kòʼ səghəbələ fə wi fə n bad key nyi i shiə kɔʼɔ bənə tii, ghey u bənə ni bə ngɔɔmə wi.”
3Ambə Helɔd zow tsunə ghəə zən, zə n fəmmə nay ndòw wi nsə ghə̂ a Yerosalem ghə adzəm. 4Helɔd n tɔŋɔ naŋa bə ghə fɔɔngili a nii ghə adzəm nsə ghə̂ a dii a kəlaŋ ghə, bəb tə̀ ghə nə̀, “Ghə i jiə ghee wù wey Zə̀ kə â dza naŋa nə̀ i tûm bənu ə?” 5Ghə n dza tə̀ wi nə̀, “À i loʼ n naʼ i Betelehem, n mboʼo Judeya. À wən loʼ nghee wù tûm ə Kəzə̀ â dzanə nə̀,
6‘Abə wɔ a naʼ i Betelehem zə, n ghəlitsə kə Juda,
Wə̀ ndɔm way dzə nyaŋi fə inaʼ n naʼa tən fa n mboʼo Juda,
Bòʼ nə̀ à i lòʼ fa,
Də̀ŋ key kə î laalənə tə̀ ghə̂ ghuŋ ghə adzəm, tɔŋŋə ghə̂ ghə Izree î shiə bənə.’”
7Sey, Helɔd n tsìilə tɔŋɔ tsu ghə̂ a tɔbə ghey, tɔʼ bəb tə̀ ghə nəŋə zey ghə mə kòʼnə səghəbələ fey tii. 8Nghee tə bəb keeli shi kɔʼnə, tə n zə̀ghə tsu ghə nə̀ ghə ndòw n Betelehem, dza tə̀ ghə nə̀, “Ndòw na, ghaa tɔʼ kəŋ shi kɔʼ luʼu key waa tii loʼnə tii. Abə ghaa koʼ tsunə wi, ghaa i ghəŋə tsu soʼo nə̀ n keeli, tə̀ n mbɔŋ bə ngɔɔmə soʼo wi.”
9Nghee tə ghə mayyə tsunə ghi də̀ŋ kə tii kə, ghə n zəghə tsu fu, nuu ndow. Nghee ghə shiə bənə fu, ghə n koʼ kpiiʼi tsu səghəbələ fey ghə mə bùʼ koʼnə. Fə n ndòw n sə̂ kə ghə, ndòw təmi doʼo kɔʼ n luʼu key waa wey â loʼnə tii. 10Nghee tə̀ ghə koʼ tsunə səghəbələ fey, ghə n ngii duʼlə. 11Ghə n nyi ndòw fu n ndaw, koʼ tsu nay waa, tɔŋŋə Maliya ghî waa tii. Ghə n təm ndòw tənguʼ n tənə wi, ngɔɔmə wi, daŋŋə shiələ bə fə wey ghə mə bənə n ghii wə, itsàa, nsə nəŋ zə, nsə mmvə n ləmmə n loʼ mə, ghə tɔŋŋənə nə̀ a loʼ “Maya.” 12Ambə ghə dzəŋŋə ndownə, ghə n tsəghə ndòw jìi i nuu zə, n təŋkey, Zə̀ kə mâ tsə̀ ghə nə ujim nə̀, i kə̂ ghə nə̂ ndòw dzəŋŋənə n səə Helɔd.
Ghə tyi ndòw ghi waa n naʼ zə Ijip
13Ambə ghə̂ a tɔbə ghey nuu tsunə, tsəndəghə ə Kəzə̀ n ndòw bə n səə Yosef nə ujim, dza tə̀ wi nə̀, “Nuu kɔʼ, wə̀ ney kɔʼ waa wən ghî zə̂, ghaa tyi tsu ndòw n naʼ zə Ijip, ghaa doʼo kə fu ni ndow kuum n nəŋə zey mə i teeli bə dza bə tə̀ ghaa nə̀ ghaa loʼ ni dzəŋŋə nya, n təŋkey, Helɔd kəŋə kaabə waa wən ni wey wi.”
14Tə n daŋŋə nuu kɔʼ, ney kɔʼ này waa ghî waa tii, nuu tsu ndòw n naʼ zə Ijip n tsuʼu tə tii tə. 15Tə n doʼo kə fu tii sa, Helɔd n bə kpuu tsu. Zə â loʼ ni luulə ghəə ghey Mûkəbii â dzanə tə̀ tûm tə wi tə nə̀, “N tɔŋɔ shi bə waa wuŋ n naʼ zə Ijip.”
Helɔd wey aghinətəghə
16Ambə Helɔd bə keeli kɔʼnə nə̀ ghə̂ a tɔbə ghey n wi lòʼlə naŋa, tə n fəələ nay ndòw unəghə, daŋŋə tsəʼlə tsu kəlaŋ nə̀ ghə wey maʼa waa à num ghən ghə loʼnə nə̀ ghə ka kam kuum num tə̀ təbəghə n naʼ i Betelehem nsə n dəŋə kə tii kə kədzəm tə̀ tə â tɔʼlə shi kɔʼnə n wɔ̂ ghə̂ a tɔbə ghey.
17Ghəə ghən â shi ni luulə ghəə ghey wù tûm ə Kəzə̀ Jeremaya â dza naŋanə nə̀,
18“Ghə zow bɔ̀ŋ kə idey kə kûmnə n naʼ i Rama,
Rashel, deynə waa a wi ghə,
Tuu nə̀ kə ghə nə gɔŋŋənə wi
Kûmnə waa a wi ghə n kpuulə.”
Yosef fən dzəŋŋə bə n naʼ i Nazaled
19Ambə Helɔd kpuu tsunə, tsəndəghə ə Kəzə̀ n ndòw bə nə ujim, dza tə̀ Yosef nə̀, 20“Nuu kɔʼ, wə ney kɔʼ waa wən ghî zə̂, ghaa ndòw dzəŋŋə n naʼ zə Izree, n təŋkey, ghə̂ ghən ghə â ləghənə ni wey waa wey n kpuu.” 21Tə n nuu kɔʼ, ney kɔʼ soʼo waa wey ghi zə̂, nuu dzəŋŋə ndòw n naʼ zə Izree.
22Nghee tə Yosef zow tsunə nə̀ à loʼ Akilɔs waa Helɔd tə kɔʼnə ndaŋ ə Kədə̀ŋ n Judeya, tə n tsəŋ ghaʼ ni ndòw fu. Tə n ndòw tsə̀ghə̀ kɔʼ daŋŋə ndòw n mboʼo Galili, kuumnə tsəndəghə ə Kəzə̀ mâ bə tsə̀ wi nə ujim. 23Tə n ndòw muu doʼo ndòw fu n naʼ i loʼ zə ghə tɔŋŋənə nə̀ a loʼ Nazaled. Sey, ghəə zey wù tûm ə Kəzə̀ â dzanə n bə shi isəŋə nə̀, “Ghə î tɔŋŋə wi nə̀ a loʼ wù Nazaled.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2022 CABTAL