UPUTUKILO 3
3
1Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi? 2Pwo yamba kuli kapela ngwenyi, Ku mitondo yeswe ya mu munda tunahase kulia. 3Alioze ku mihuko ya mutondo uze uli mukachi ka munda, Zambi hanambe ngwenyi, Kanda nuyilia, chipwe kukwatako, kuchina munufwa. 4Kapela yamba kuli pwo ngwenyi, Kufwa kunuchi kufwa, 5mumu Zambi kananyingika ngwenyi, Ha tangwa lize munuliako meso jenu malaula, munupwa ngwe Zambi, nikunyingika chipema ni chipi. 6Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia. 7Mba meso jo yalaula, eswe aali yanyingika ngwo, Uselesele tuli. Yatonga mafwo a mukuyu akaatenge miswele.
8Aho yevwa liji lia Yehova Zambi kanende mu munda ha kukekema cha tangwa, kashika lunga ni mukwo-pwo yaswama kumeso ja Yehova Zambi hakachi ka mitondo ya mu munda. 9Mba Yehova Zambi yatambika kuli Alama ngwenyi, Kulihi uli? 10Iye yakumbulula ngwenyi, Nevwa liji lie mu munda mba nevwa woma mumu uselesele nguli, kashika naswama. 11Zambi yamba ngwenyi, Iya wakulweza ngwenyi, Uselesele uli? Hiwalia ku mutondo uze nakukanjishile ngwami, Kanda uliako, nyi? 12Lunga yamba ngwenyi, Pwo wanguhele akapwe hamwe ni yami, iye wangwahanga wa ku mutondo mba nalianga. 13Mba Yehova Zambi yamba kuli pwo ngwenyi, Achi hiwalinga chika? Pwo yakumbulula ngwenyi, Mwe kapela wangwonganga mba nalianga. 14Yehova Zambi yamba kuli kapela ngwenyi,
Mumu hiwalinga chuma chino
kashika kuwashingiwa kuhiana yimuna eswe
ni tushitu eswe a mu yambu.
Ha jimo lie mukenda, ukalie fufuta matangwa eswe a mwono we.
15Chikwo nawa mungusa kole hakachi ka yena ni pwo;
hakachi ka munyachi we ni munyachi wenyi.
Mukwa munyachi wenyi makawonda mutwe we,
ni yena mukawonda kashijino kenyi.
16Kuli pwo yamba ngwenyi,
Mungwokesa chikolo chinyengo che ni kwaka che.
Musema ana ni yikola;
mbunge ye muyipwa kuli mukwenu-lunga,
iye kumakakuyula.
17Kuli Alama yamba ngwenyi,
Mumu yena hiwatayiza liji lia mukwenupwo
hiwalia ku mutondo uze nakukanjishile ngwami,
Kanda uliako,
mavu kanashingiwa ha mukunda wa yena.
Mukaliako ni kuhondangana wika matangwa eswe a mwono we.
18Mbimbo nawa ni mikalale muyikakusokela,
mba mukalia yilimalima ya ha mavu.
19Mukalia ni matukuta a ku meso je
ndo mukahiluka mu mavu
se kuze kwene akuchijile.
Mumu uli fufuta
mba ku fufuta mukahilukila.
20Mba lunga walukile mukwo-pwo jina ngwenyi, Eva, mumu iye naye ya akwa mwono eswe. 21Mba Yehova Zambi watongelele Alama ni mukwo-pwo yikuto ya malambu akaajike.
22Yehova Zambi yamba ngwenyi, Kumanyi mutu hapwa ngwe yetu, nikunyingika chipema ni chipi, kashika kuchina mazoza kwoko lienyi akahele nawa ku mutondo wa mwono akalie, akatwame ni mwono miaka yeswe… 23kashika Yehova Zambi yamukatwisa mu munda wa Endene akalime mavu kuze amuchijile. 24Mba yahuma mutu, yasa ku sali lia Chivumbuko lia munda wa Endene akerupimi ni katana wa mulengi wa kutalikisa majila eswe kufunga jila ya mutondo wa mwono.
നിലവിൽ തിരഞ്ഞെടുത്തിരിക്കുന്നു:
UPUTUKILO 3: Csa
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Chokwe Bible © Bible Society in Angola, 1975.
UPUTUKILO 3
3
1Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi? 2Pwo yamba kuli kapela ngwenyi, Ku mitondo yeswe ya mu munda tunahase kulia. 3Alioze ku mihuko ya mutondo uze uli mukachi ka munda, Zambi hanambe ngwenyi, Kanda nuyilia, chipwe kukwatako, kuchina munufwa. 4Kapela yamba kuli pwo ngwenyi, Kufwa kunuchi kufwa, 5mumu Zambi kananyingika ngwenyi, Ha tangwa lize munuliako meso jenu malaula, munupwa ngwe Zambi, nikunyingika chipema ni chipi. 6Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia. 7Mba meso jo yalaula, eswe aali yanyingika ngwo, Uselesele tuli. Yatonga mafwo a mukuyu akaatenge miswele.
8Aho yevwa liji lia Yehova Zambi kanende mu munda ha kukekema cha tangwa, kashika lunga ni mukwo-pwo yaswama kumeso ja Yehova Zambi hakachi ka mitondo ya mu munda. 9Mba Yehova Zambi yatambika kuli Alama ngwenyi, Kulihi uli? 10Iye yakumbulula ngwenyi, Nevwa liji lie mu munda mba nevwa woma mumu uselesele nguli, kashika naswama. 11Zambi yamba ngwenyi, Iya wakulweza ngwenyi, Uselesele uli? Hiwalia ku mutondo uze nakukanjishile ngwami, Kanda uliako, nyi? 12Lunga yamba ngwenyi, Pwo wanguhele akapwe hamwe ni yami, iye wangwahanga wa ku mutondo mba nalianga. 13Mba Yehova Zambi yamba kuli pwo ngwenyi, Achi hiwalinga chika? Pwo yakumbulula ngwenyi, Mwe kapela wangwonganga mba nalianga. 14Yehova Zambi yamba kuli kapela ngwenyi,
Mumu hiwalinga chuma chino
kashika kuwashingiwa kuhiana yimuna eswe
ni tushitu eswe a mu yambu.
Ha jimo lie mukenda, ukalie fufuta matangwa eswe a mwono we.
15Chikwo nawa mungusa kole hakachi ka yena ni pwo;
hakachi ka munyachi we ni munyachi wenyi.
Mukwa munyachi wenyi makawonda mutwe we,
ni yena mukawonda kashijino kenyi.
16Kuli pwo yamba ngwenyi,
Mungwokesa chikolo chinyengo che ni kwaka che.
Musema ana ni yikola;
mbunge ye muyipwa kuli mukwenu-lunga,
iye kumakakuyula.
17Kuli Alama yamba ngwenyi,
Mumu yena hiwatayiza liji lia mukwenupwo
hiwalia ku mutondo uze nakukanjishile ngwami,
Kanda uliako,
mavu kanashingiwa ha mukunda wa yena.
Mukaliako ni kuhondangana wika matangwa eswe a mwono we.
18Mbimbo nawa ni mikalale muyikakusokela,
mba mukalia yilimalima ya ha mavu.
19Mukalia ni matukuta a ku meso je
ndo mukahiluka mu mavu
se kuze kwene akuchijile.
Mumu uli fufuta
mba ku fufuta mukahilukila.
20Mba lunga walukile mukwo-pwo jina ngwenyi, Eva, mumu iye naye ya akwa mwono eswe. 21Mba Yehova Zambi watongelele Alama ni mukwo-pwo yikuto ya malambu akaajike.
22Yehova Zambi yamba ngwenyi, Kumanyi mutu hapwa ngwe yetu, nikunyingika chipema ni chipi, kashika kuchina mazoza kwoko lienyi akahele nawa ku mutondo wa mwono akalie, akatwame ni mwono miaka yeswe… 23kashika Yehova Zambi yamukatwisa mu munda wa Endene akalime mavu kuze amuchijile. 24Mba yahuma mutu, yasa ku sali lia Chivumbuko lia munda wa Endene akerupimi ni katana wa mulengi wa kutalikisa majila eswe kufunga jila ya mutondo wa mwono.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Chokwe Bible © Bible Society in Angola, 1975.