San Juan 3
3
Jesú, Nicodemo-ku̧ ukuokuinü̧ wȩnȩ
1Fariseo wotü i̧sa̧, ya̧tȩ, judío ttu̧ru̧wa̧ Nicodemo pä'ü mi̧kua̧ kki̧nü̧, 2Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧:
—Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.
3Jesú-mä̧ jua̧u̧ru̧ pä'inü̧:
—Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.
4Päku, Nicodemo-mä̧ jä'epinü̧:
—¿Jua̧u̧nu̧mä̧, täkü büäkuächätü tta'amä̧, pä'äji ta'anümä̧, toku ttuwäpächü'anü̧ ja̧'a̧jä̧ttü̧? ¿Pä'äji ji̧nü̧ta'anü̧ ppa̧'ä̧chü̧ ja̧ju̧ kku̧kuä̧ba̧ jakuä doächü'anü̧ ja̧'a̧, uwäpächa pä'ümä̧?
5Jesú ädätinä̧ku̧:
—Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧. 6Ttü̧ja̧ttü̧ uwäpächümä̧, ttü̧ja̧sa̧ ja̧'a̧; ja̧'wa̧ta̧nü̧ Epíritu-ttü uwäpächümä̧ Epíritu i̧sa̧ ja̧'a̧. 7Jareünä̧ ttuwäpächa pä'ü rekuä rü̧ja̧'a̧ pädäja'amä̧, isoó pä'ümä̧ kuamükuädä. 8Kkä̧rü̧'koppamä̧ pä̧wä̧rü̧ja̧'a̧ku̧ttu̧, kkä̧rü̧'ko̧wa̧'a̧; jua'akumä̧ juoppa icha'a kuä̧ju̧kua̧'a̧nä̧, jua'attü icha'a; Ja̧'wa̧ta̧nü̧ jua'aku 'cha̧'a̧ pä'ümä̧ jȩru̧pa̧jä̧.
Ja̧'wa̧nü̧ wotü ja̧'a̧, o'katoi'ünä̧ Epíritu-ttü uwäpächätümä̧. 9Päku, Nicodemo-mä̧ pä'äjita'anü̧ jä'epinü̧:
—Jua̧u̧mä̧ ¿Tta̧'a̧nü̧ jo̧mȩnä̧tä̧ jü̧ttü̧?
10Jesú päinä̧ku̧:
—¿Ukumä̧, Iraettü wo̧juȩkuä̧ isotüttü ttu̧wä̧mȩnä̧ wa̧ kua'anä̧, pi̧yȩmä̧ kuieruwa'a tä̧jí̧? 11Isopäi'ünä̧ pädäkujä̧, ujutumä̧ tu̧wo̧juö̧nä̧ ukuokuätüjä̧ ja̧'wa̧ta̧nü̧ totinü̧tä̧ ji'äwätüjä̧ ja̧'wa̧nü̧ ja̧'a̧nä̧ ukutumä̧ jitäu esetokotüjä̧. 12Pi̧jä̧ jäwä jidäwomȩnä̧'i̧nä̧ kuesetätukuoka'amä̧, ¿Toku kuesetätukuäkua'ajä̧ttü̧ mo̧ro̧jä̧ jäwä jidäwomȩnä̧mä̧?
13Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧. 14Ja̧'wa̧ta̧nü̧ Moisé rȩba̧ dȩ'a̧ra̧'a̧ttü̧ ä̧ka̧rü̧ ju'toju äräbe'ü u̧ju̧ni̧nü̧ta̧'a̧nü̧; Ttü, Ubo I̧tti̧'rü̧'i̧nä̧ rekuä rü̧ja̧'a̧ ju'toju äräbe'ü ttu̧ju̧na̧ttü̧ pä'ü. 15Isopäi'ünä̧ o'katoi'ünä̧ Ttürü esetätümä̧ totte'ächü juiyäkua'anü̧, pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.
Dio pi̧jä̧ ttü̧ja̧rü̧ eseu repeinü̧ wȩnȩ
16Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧. 17Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.
18Ttü, Dio I̧tti̧rü̧ esetümä̧, täbokuämä̧ 'kuäopoka'a jä̧kua̧'a̧. Ja̧'wa̧nü̧ ja̧'a̧nä̧ esetokümä̧, täkü täbokuänä̧ kkü̧; Dio i̧tti̧ chu'ä̧kua̧rü̧ esetoka'attü̧. 19Pa̧'a̧nü̧ jo̧mȩnä̧ ro̧ȩpä̧kua̧ Dio-mä̧: Ttümä̧ pi̧jä̧ra̧'a̧ ichinü̧sä̧, Ttütä ja̧'a̧ tȩya̧u̧, yo̧mȩ kkȩdȩpü̧mä̧; ja̧'wa̧nü̧ ja̧'a̧nä̧ ttü̧ja̧mä̧ yo̧ü̧tä̧ eseu repe'ätü, surojütä jȩtta̧'a̧ttü̧. 20Isopäi'ünä̧, o'katoi'ünä̧ surojü jȩpä̧tü̧mä̧ tȩya̧u̧ kkü'kokotü; tȩya̧u̧ra̧'a̧mä̧ ichokotü, suronä̧ jȩttä̧'i̧jü̧ i̧jȩkuä̧chü̧ juiyatü pä'ü. 21Ja̧'wa̧nü̧ ja̧'a̧nä̧, jueü wȩnȩnä̧ jȩpü̧ kka̧kuä̧tü̧mä̧ tȩya̧u̧ra̧'a̧ku̧ ichätü, Dio a̧'kua̧ iweyenä̧ jȩpü̧ ttü̧jä̧'i̧jü̧ i̧jȩkuä̧chü̧nä̧.
Bautizo jȩpä̧'i̧jü̧ Ju̧a̧-mä̧, Jesú ütü'kü ji'äwinü̧
22Jua̧u̧ jä̧ji̧ o'ka'a, Jesú-mä̧ u̧wo̧juȩtä̧u̧ku Judea rȩjȩra̧'a̧ ichäji̧'ka̧, a̧'u̧kua̧'a̧tä̧ mo̧ro̧ kkä̧nü̧, juätütäku bautizo jȩpi̧nü̧. 23Ja̧'wa̧ta̧nü̧ Ju̧a̧'i̧nä̧ Enó̧-nä̧ bautizo jȩpü̧ kki̧nü̧, Salim pä'ü mi̧kuomȩ tü'künä̧nü̧. Juȩnȩ aje rü̧ȩnä̧ akua'attü̧, ttü̧ja̧ tticha'a bautizo jȩpi̧nü̧. 24Jua̧u̧nu̧mä̧, Ju̧a̧-rü̧ kärenä̧ ttütäkua'a ä'kanä̧ 'kuäopina̧'a̧.
25Ja̧'wa̧nü̧ ja̧'a̧, Ju̧a̧ u̧wo̧juȩtä̧u̧mä̧ judío i̧sa̧ku̧ pä'ä'chäkuäwinä̧tü̧ surojü tükäu ikuäwä tü'kü. 26Ja̧'wa̧nü̧ jä̧ji̧ o'ka'a, Ju̧a̧-rü̧ ichi'ü ji'äwinä̧tü̧:
—Wo̧juȩkuä̧ i̧sa̧ topittü̧, Jordán aje ji̧jȩku̧nä̧ttü̧, ukutäku ü̧ja̧'a̧, ütü'kü jikuäwäjäku päjimä̧, bautizo jȩpü̧ ja̧'wa̧nü̧ jȩa̧'a̧ o'katoi'ünä̧ jua̧u̧tä̧ku̧ 'chä̧tü̧.
27Pättiyäku, Ju̧a̧-mä̧ päinä̧u̧:
—Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧. 28Ukutumä̧, jidäwa'a ä̧ju̧kuä̧jä̧tü̧jä̧: Ttümä̧ Crito-mä̧kü̧sä̧ pä'ü, ttümä̧ jua̧u̧tä̧ ä'kanä̧ wȩ'ä̧wa̧sä̧, pä'ü. 29Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä. 30Rü̧ȩnä̧ rekuä rü̧ja̧'a̧ Jua̧u̧ ukuo rü̧ä̧cha̧ pä'ümä̧; pä̧ro̧kua̧ ttü chukuo juidächa'anä̧.
Mo̧ro̧jä̧ra̧'a̧ttü̧ ichinü̧ wȩnȩ
31Mo̧ro̧jä̧ra̧'a̧ttü̧ rȩbȩu̧mä̧, o'kajuiyünä̧tä̧ u̧wä̧mȩnä̧ wa̧; pi̧jä̧ i̧sa̧mä̧, pi̧jä̧nä̧tä̧ wa̧; ja̧'wa̧nü̧ ja̧'a̧ttü̧ pi̧jä̧ jäwätä ukuoku ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ ichümä̧ o'kajuiyünä̧ u̧wä̧mȩnä̧ wa̧. 32Ja̧'wa̧nü̧ ja̧'a̧ttü̧ toä'ijütä, ä̧ju̧kuä̧'i̧jü̧tä̧ jiäwa'anä̧; jiäumä̧ ya̧tȩ'i̧nä̧ tteseta pä'okotü. 33Ja̧'wa̧nü̧ ja̧'a̧nä̧, ya̧tȩ Jua̧u̧ru̧ esetümä̧, Dio-mä̧ Jueü wȩnȩ ja̧'a̧ pä'ü wo̧jui̧'ü̧. 34Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧. 35Jä'o Dio-mä̧, i̧tti̧rü̧ eseu repea'attü̧, o'kajuiyünä̧ u̧mü̧nä̧ jü̧nä̧tä̧ iyinä̧ku̧. 36I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.
നിലവിൽ തിരഞ്ഞെടുത്തിരിക്കുന്നു:
San Juan 3: PNT13
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Sociedades Biblicas Unidas en Venezuela
San Juan 3
3
Jesú, Nicodemo-ku̧ ukuokuinü̧ wȩnȩ
1Fariseo wotü i̧sa̧, ya̧tȩ, judío ttu̧ru̧wa̧ Nicodemo pä'ü mi̧kua̧ kki̧nü̧, 2Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧:
—Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.
3Jesú-mä̧ jua̧u̧ru̧ pä'inü̧:
—Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.
4Päku, Nicodemo-mä̧ jä'epinü̧:
—¿Jua̧u̧nu̧mä̧, täkü büäkuächätü tta'amä̧, pä'äji ta'anümä̧, toku ttuwäpächü'anü̧ ja̧'a̧jä̧ttü̧? ¿Pä'äji ji̧nü̧ta'anü̧ ppa̧'ä̧chü̧ ja̧ju̧ kku̧kuä̧ba̧ jakuä doächü'anü̧ ja̧'a̧, uwäpächa pä'ümä̧?
5Jesú ädätinä̧ku̧:
—Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧. 6Ttü̧ja̧ttü̧ uwäpächümä̧, ttü̧ja̧sa̧ ja̧'a̧; ja̧'wa̧ta̧nü̧ Epíritu-ttü uwäpächümä̧ Epíritu i̧sa̧ ja̧'a̧. 7Jareünä̧ ttuwäpächa pä'ü rekuä rü̧ja̧'a̧ pädäja'amä̧, isoó pä'ümä̧ kuamükuädä. 8Kkä̧rü̧'koppamä̧ pä̧wä̧rü̧ja̧'a̧ku̧ttu̧, kkä̧rü̧'ko̧wa̧'a̧; jua'akumä̧ juoppa icha'a kuä̧ju̧kua̧'a̧nä̧, jua'attü icha'a; Ja̧'wa̧ta̧nü̧ jua'aku 'cha̧'a̧ pä'ümä̧ jȩru̧pa̧jä̧.
Ja̧'wa̧nü̧ wotü ja̧'a̧, o'katoi'ünä̧ Epíritu-ttü uwäpächätümä̧. 9Päku, Nicodemo-mä̧ pä'äjita'anü̧ jä'epinü̧:
—Jua̧u̧mä̧ ¿Tta̧'a̧nü̧ jo̧mȩnä̧tä̧ jü̧ttü̧?
10Jesú päinä̧ku̧:
—¿Ukumä̧, Iraettü wo̧juȩkuä̧ isotüttü ttu̧wä̧mȩnä̧ wa̧ kua'anä̧, pi̧yȩmä̧ kuieruwa'a tä̧jí̧? 11Isopäi'ünä̧ pädäkujä̧, ujutumä̧ tu̧wo̧juö̧nä̧ ukuokuätüjä̧ ja̧'wa̧ta̧nü̧ totinü̧tä̧ ji'äwätüjä̧ ja̧'wa̧nü̧ ja̧'a̧nä̧ ukutumä̧ jitäu esetokotüjä̧. 12Pi̧jä̧ jäwä jidäwomȩnä̧'i̧nä̧ kuesetätukuoka'amä̧, ¿Toku kuesetätukuäkua'ajä̧ttü̧ mo̧ro̧jä̧ jäwä jidäwomȩnä̧mä̧?
13Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧. 14Ja̧'wa̧ta̧nü̧ Moisé rȩba̧ dȩ'a̧ra̧'a̧ttü̧ ä̧ka̧rü̧ ju'toju äräbe'ü u̧ju̧ni̧nü̧ta̧'a̧nü̧; Ttü, Ubo I̧tti̧'rü̧'i̧nä̧ rekuä rü̧ja̧'a̧ ju'toju äräbe'ü ttu̧ju̧na̧ttü̧ pä'ü. 15Isopäi'ünä̧ o'katoi'ünä̧ Ttürü esetätümä̧ totte'ächü juiyäkua'anü̧, pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.
Dio pi̧jä̧ ttü̧ja̧rü̧ eseu repeinü̧ wȩnȩ
16Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧. 17Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.
18Ttü, Dio I̧tti̧rü̧ esetümä̧, täbokuämä̧ 'kuäopoka'a jä̧kua̧'a̧. Ja̧'wa̧nü̧ ja̧'a̧nä̧ esetokümä̧, täkü täbokuänä̧ kkü̧; Dio i̧tti̧ chu'ä̧kua̧rü̧ esetoka'attü̧. 19Pa̧'a̧nü̧ jo̧mȩnä̧ ro̧ȩpä̧kua̧ Dio-mä̧: Ttümä̧ pi̧jä̧ra̧'a̧ ichinü̧sä̧, Ttütä ja̧'a̧ tȩya̧u̧, yo̧mȩ kkȩdȩpü̧mä̧; ja̧'wa̧nü̧ ja̧'a̧nä̧ ttü̧ja̧mä̧ yo̧ü̧tä̧ eseu repe'ätü, surojütä jȩtta̧'a̧ttü̧. 20Isopäi'ünä̧, o'katoi'ünä̧ surojü jȩpä̧tü̧mä̧ tȩya̧u̧ kkü'kokotü; tȩya̧u̧ra̧'a̧mä̧ ichokotü, suronä̧ jȩttä̧'i̧jü̧ i̧jȩkuä̧chü̧ juiyatü pä'ü. 21Ja̧'wa̧nü̧ ja̧'a̧nä̧, jueü wȩnȩnä̧ jȩpü̧ kka̧kuä̧tü̧mä̧ tȩya̧u̧ra̧'a̧ku̧ ichätü, Dio a̧'kua̧ iweyenä̧ jȩpü̧ ttü̧jä̧'i̧jü̧ i̧jȩkuä̧chü̧nä̧.
Bautizo jȩpä̧'i̧jü̧ Ju̧a̧-mä̧, Jesú ütü'kü ji'äwinü̧
22Jua̧u̧ jä̧ji̧ o'ka'a, Jesú-mä̧ u̧wo̧juȩtä̧u̧ku Judea rȩjȩra̧'a̧ ichäji̧'ka̧, a̧'u̧kua̧'a̧tä̧ mo̧ro̧ kkä̧nü̧, juätütäku bautizo jȩpi̧nü̧. 23Ja̧'wa̧ta̧nü̧ Ju̧a̧'i̧nä̧ Enó̧-nä̧ bautizo jȩpü̧ kki̧nü̧, Salim pä'ü mi̧kuomȩ tü'künä̧nü̧. Juȩnȩ aje rü̧ȩnä̧ akua'attü̧, ttü̧ja̧ tticha'a bautizo jȩpi̧nü̧. 24Jua̧u̧nu̧mä̧, Ju̧a̧-rü̧ kärenä̧ ttütäkua'a ä'kanä̧ 'kuäopina̧'a̧.
25Ja̧'wa̧nü̧ ja̧'a̧, Ju̧a̧ u̧wo̧juȩtä̧u̧mä̧ judío i̧sa̧ku̧ pä'ä'chäkuäwinä̧tü̧ surojü tükäu ikuäwä tü'kü. 26Ja̧'wa̧nü̧ jä̧ji̧ o'ka'a, Ju̧a̧-rü̧ ichi'ü ji'äwinä̧tü̧:
—Wo̧juȩkuä̧ i̧sa̧ topittü̧, Jordán aje ji̧jȩku̧nä̧ttü̧, ukutäku ü̧ja̧'a̧, ütü'kü jikuäwäjäku päjimä̧, bautizo jȩpü̧ ja̧'wa̧nü̧ jȩa̧'a̧ o'katoi'ünä̧ jua̧u̧tä̧ku̧ 'chä̧tü̧.
27Pättiyäku, Ju̧a̧-mä̧ päinä̧u̧:
—Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧. 28Ukutumä̧, jidäwa'a ä̧ju̧kuä̧jä̧tü̧jä̧: Ttümä̧ Crito-mä̧kü̧sä̧ pä'ü, ttümä̧ jua̧u̧tä̧ ä'kanä̧ wȩ'ä̧wa̧sä̧, pä'ü. 29Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä. 30Rü̧ȩnä̧ rekuä rü̧ja̧'a̧ Jua̧u̧ ukuo rü̧ä̧cha̧ pä'ümä̧; pä̧ro̧kua̧ ttü chukuo juidächa'anä̧.
Mo̧ro̧jä̧ra̧'a̧ttü̧ ichinü̧ wȩnȩ
31Mo̧ro̧jä̧ra̧'a̧ttü̧ rȩbȩu̧mä̧, o'kajuiyünä̧tä̧ u̧wä̧mȩnä̧ wa̧; pi̧jä̧ i̧sa̧mä̧, pi̧jä̧nä̧tä̧ wa̧; ja̧'wa̧nü̧ ja̧'a̧ttü̧ pi̧jä̧ jäwätä ukuoku ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ ichümä̧ o'kajuiyünä̧ u̧wä̧mȩnä̧ wa̧. 32Ja̧'wa̧nü̧ ja̧'a̧ttü̧ toä'ijütä, ä̧ju̧kuä̧'i̧jü̧tä̧ jiäwa'anä̧; jiäumä̧ ya̧tȩ'i̧nä̧ tteseta pä'okotü. 33Ja̧'wa̧nü̧ ja̧'a̧nä̧, ya̧tȩ Jua̧u̧ru̧ esetümä̧, Dio-mä̧ Jueü wȩnȩ ja̧'a̧ pä'ü wo̧jui̧'ü̧. 34Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧. 35Jä'o Dio-mä̧, i̧tti̧rü̧ eseu repea'attü̧, o'kajuiyünä̧ u̧mü̧nä̧ jü̧nä̧tä̧ iyinä̧ku̧. 36I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Sociedades Biblicas Unidas en Venezuela