मती 7
7
एटाः-ई तेङ रे अलो दोस लगावे
(लुका 6:37–38,41–42)
1“दोस अलोपे लगाव के जेकर से आपे तेङ रे हों अलोकु दोस केपे, 2#मर 4:24चितानतआचि जे लेका आपे दोस लगावेआपे, हेनेन लेका आपे तेङ रे हों दोस लगावेआकु जोटोः जे नाप ते आपे नापेअपे हेनेना ते आपे तआ नाप वापेआ।
3“अमः बोकोमकु रआ कटीज् गलती दो अगम झटहेले ञेलेअम, बकिन अपन रआ सेंड़ा गलती दो अनदेख एंडायाम? 4जोटोः जब अमः खुद रआ गलती दो कम ञेलेआ जोटोः एटाः बोयहाकु रआ गलती सुधरावे तआ चहवओम। 5ओय कपटी! पहिल दो अपन मेड् रआ ठुंगरा उडुङिमी, तब अमः रेनि बोयहा रआ मेड् रे जे झटा इदानआँ होना बढ़ियाँ से ञेल कोते उडुङ सकावेअम।
6“पबितर जीनिस सेताकु तआ अलोपे ओवाकु, जोटोः आपे रआ मोती सुकरी रआ मड़ाङ रे अलोपे गिडी के। नोंका अलो होयावकोः चि सुकरीकु अपन जँगाते रौंदावे जोटोः सेताकु रुवाड़ कोते चीरा-फाड़ा एंडाके।”
कोए, ढुंढावे, जोटोः ठोक-ठोकावे
(लुका 11:9–13)
7“कोयेअम रेदो अमः तआ ओवा मिआँ ञम बेड़हायाम रेदो अमः तआ ञमोआँ, ठोक-ठोकावेएम रेदो अमः तआ जीज् वमा। 8चितानतआचि जे ओके हों कोयेअय, हुँनि तआ ओवायय जोटोः जे ढुंढावेए हुँनि तआ ञमोआँ जोटोः जे ठोक-ठोकावेए हुँनि तआ जीज् वाइया। 9अगर अमः रेनि होपोन रुटी कोये दो आपे मे से ओके अपाते इदानियाँ जे हुँनि तआ दीरी ओवायय? 10चहे हकु कोये दो हुँनि तआ बिञ ओवायय, बतलावेपे ओकेकुन एमेअकु?” 11हिना तआ अगर आपे बुराइ येएपे रे हों अपन सेगोःज् तआ अछा जीनिस ए-एम पे ठुवावना, दो आपे रेनि सिरमा रे दोहोनी बबा अनेज् को-कोय अवलाकु तआ बढ़ियाँ जीनिस कहे एरोय एम लेए!
12 #
लुका 6:31
“जे लेका एटाःकु आपे सुधा बेवहारे तआ चहाव वोओकु हेनेन लेका आपे हों एटाःकु सुधा हों बेवहारेपे, निआँ ही मुसा रआ नियम जोटोः परमेसर पड़ा एतेन दुखमाय अवला होड़कु रआ सिछा हके।”
सुकड़ु जोटोः चकाड़ होरा
(लुका 13:24)
13“सुकड़ु दुवार रे परोमोपे, चितानतआचि चकाड़ा होना दुवार जोटोः चकाड़ा होना होरा जे नास पड़ा सोदोरोओ, जे अगम होड़ होना रे सेनेअकु। 14चितानतआचि सुकड़ुआ होना दुवार जोटोः सुकड़ुआ होना होरा जे जीवन रे सोदोरोओ जोटोः अगम थोड़ेः केनाकु जे होना ञम यतेआकु।”
जे लेका काट हेनेन लेका जोओ
(लुका 6:43–44; 13:25–27)
15“परमेसर पड़ा एतेन दुखमाय अवला कथा केते ठ-ठकु एतेन चँड़चित दोहोनपे! हुँकू आपे ठँवरे भीडी रआ भेंस रे वेजोअकु बकिन भीतरी मन कटराहा हुन्डरा लेकाआ। 16आपे हुँकू रआ जोओ ञेल केते थीताव कुआपे। ओके होड़कु न जनुम झुँड़ एतेन अंजीर गोदे अकु चहे मोरेबा झुँड़ एतेन लोवा। 17बढ़ियाँ काट रे बढ़ियाँ जोओ योओ जोटोः बुरा काट रे बुरा जोओ योओ। 18बढ़ियाँ काट रे बुरा एरो जोओ लेना जोटोः न बुरा काट रे बढ़ियाँ जोओ योओ। 19#मती 3:10; लुका 3:9जे काट रे बढ़ियाँ का जोओ योओ, होना मगेआ जोटोः सेंगेल ते रोंगो एंडाया। 20#मती 12:33नोंका ते आपे कथावा यतपेआ चि हुँकू रआ जोओ ते आपे हुँकू थीताव बेजा कुआपे।”
21“जे होड़ इञः एडे, ‘ओय परभु, ओय परभु’ मेनकेते कथायकु, हुँकू मे से गोटे के गोटे सिरमा राइज रे एरोकु परोम बुजाना, हुँनि जे इञः रेनि बबा रआ हिछा पुरायय हिनी ही सिरमा राइज रे परोमबुजा योओय। 22होनाघनी अगम होड़ इञः एडे कथायकु, ‘ओय परभु, ओय परभु! तना आले अमः रआ ञुमुन ते कले अगामजानी दोहोलआ का? तना अमः रआ ञुमुन ते आले मुवाँ आतमा कले उडुङ दोहोलिड्कुआ जोटोः अमः रआ ञुमुन अँगाव केते अगम सकती रआ काम कले एरञेल लआ!’ 23#सिरिञ 6:8तब इञः हुँकू सुधा सफा-सफा कथायाइञ, ‘इञः आपे ओका हिला हों कइञ ठुवा लेड्पेआ। ओय नियम रआ बिरोद सेने अवलाकु इञः ठँव एतेन ञीरेपे!’”
मियड् बुधिमान जोटोः मियड् मुरख
(लुका 6:47–49)
24“हिना तआ जे ओके हों इञः रआ दुखमा अयुम वाअय जोटोः हेंका सेनेअय, दो हुँनि हुँकू समझदार होड़ लेकाअय जे सेंरेङ तेङ रे अपन ओड़ाः बनाव लअय। 25दाअ् गमा लआ, झरिया रे बडी दाअ् तू लेना, अँधी धुका चलाव लेना जोटोः होना ओड़ाः रे बजड़ाव लेना बकिन ओड़ाः का ञुरलेना। चितानतआचि होना रआ नेव सेंरेग रे दोहोलेना।”
26“बकिन जे ओके हों इञः रआ दुखमा अयुमेअकु जोटोः होना रे ककु सेनेआ, हुँकू हुँनि सोरडोंडो मनवाँ लेकाअय जे अपन ओड़ाः बितिल तेङ रे बनाव लअय। 27दाअ् गमा लआ, जोटोः बडी दाअ् तू लेना, अँधी धुका चलाव लेना, हेनते होना ओड़ाः रे जड़ाः लेना, जोटोः होना एकदम ञुर कनते चबायना!”
28 #
मर 1:22; लुका 4:32 जब ईसु अपन सिछा कथा चुकाव लअय दो होड़कु हुँनि रआ सिछा ते छकरीत दोहोलेनाकु। 29चितानतआचि हुँनि हुँकू परमेसर रआ बचन सि-सिखाव लेका कोवन बकिन हाक ते सिछा ओवा यतकु दोहोलेनय।
നിലവിൽ തിരഞ്ഞെടുത്തിരിക്കുന്നു:
मती 7: BIX
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0
मती 7
7
एटाः-ई तेङ रे अलो दोस लगावे
(लुका 6:37–38,41–42)
1“दोस अलोपे लगाव के जेकर से आपे तेङ रे हों अलोकु दोस केपे, 2#मर 4:24चितानतआचि जे लेका आपे दोस लगावेआपे, हेनेन लेका आपे तेङ रे हों दोस लगावेआकु जोटोः जे नाप ते आपे नापेअपे हेनेना ते आपे तआ नाप वापेआ।
3“अमः बोकोमकु रआ कटीज् गलती दो अगम झटहेले ञेलेअम, बकिन अपन रआ सेंड़ा गलती दो अनदेख एंडायाम? 4जोटोः जब अमः खुद रआ गलती दो कम ञेलेआ जोटोः एटाः बोयहाकु रआ गलती सुधरावे तआ चहवओम। 5ओय कपटी! पहिल दो अपन मेड् रआ ठुंगरा उडुङिमी, तब अमः रेनि बोयहा रआ मेड् रे जे झटा इदानआँ होना बढ़ियाँ से ञेल कोते उडुङ सकावेअम।
6“पबितर जीनिस सेताकु तआ अलोपे ओवाकु, जोटोः आपे रआ मोती सुकरी रआ मड़ाङ रे अलोपे गिडी के। नोंका अलो होयावकोः चि सुकरीकु अपन जँगाते रौंदावे जोटोः सेताकु रुवाड़ कोते चीरा-फाड़ा एंडाके।”
कोए, ढुंढावे, जोटोः ठोक-ठोकावे
(लुका 11:9–13)
7“कोयेअम रेदो अमः तआ ओवा मिआँ ञम बेड़हायाम रेदो अमः तआ ञमोआँ, ठोक-ठोकावेएम रेदो अमः तआ जीज् वमा। 8चितानतआचि जे ओके हों कोयेअय, हुँनि तआ ओवायय जोटोः जे ढुंढावेए हुँनि तआ ञमोआँ जोटोः जे ठोक-ठोकावेए हुँनि तआ जीज् वाइया। 9अगर अमः रेनि होपोन रुटी कोये दो आपे मे से ओके अपाते इदानियाँ जे हुँनि तआ दीरी ओवायय? 10चहे हकु कोये दो हुँनि तआ बिञ ओवायय, बतलावेपे ओकेकुन एमेअकु?” 11हिना तआ अगर आपे बुराइ येएपे रे हों अपन सेगोःज् तआ अछा जीनिस ए-एम पे ठुवावना, दो आपे रेनि सिरमा रे दोहोनी बबा अनेज् को-कोय अवलाकु तआ बढ़ियाँ जीनिस कहे एरोय एम लेए!
12 #
लुका 6:31
“जे लेका एटाःकु आपे सुधा बेवहारे तआ चहाव वोओकु हेनेन लेका आपे हों एटाःकु सुधा हों बेवहारेपे, निआँ ही मुसा रआ नियम जोटोः परमेसर पड़ा एतेन दुखमाय अवला होड़कु रआ सिछा हके।”
सुकड़ु जोटोः चकाड़ होरा
(लुका 13:24)
13“सुकड़ु दुवार रे परोमोपे, चितानतआचि चकाड़ा होना दुवार जोटोः चकाड़ा होना होरा जे नास पड़ा सोदोरोओ, जे अगम होड़ होना रे सेनेअकु। 14चितानतआचि सुकड़ुआ होना दुवार जोटोः सुकड़ुआ होना होरा जे जीवन रे सोदोरोओ जोटोः अगम थोड़ेः केनाकु जे होना ञम यतेआकु।”
जे लेका काट हेनेन लेका जोओ
(लुका 6:43–44; 13:25–27)
15“परमेसर पड़ा एतेन दुखमाय अवला कथा केते ठ-ठकु एतेन चँड़चित दोहोनपे! हुँकू आपे ठँवरे भीडी रआ भेंस रे वेजोअकु बकिन भीतरी मन कटराहा हुन्डरा लेकाआ। 16आपे हुँकू रआ जोओ ञेल केते थीताव कुआपे। ओके होड़कु न जनुम झुँड़ एतेन अंजीर गोदे अकु चहे मोरेबा झुँड़ एतेन लोवा। 17बढ़ियाँ काट रे बढ़ियाँ जोओ योओ जोटोः बुरा काट रे बुरा जोओ योओ। 18बढ़ियाँ काट रे बुरा एरो जोओ लेना जोटोः न बुरा काट रे बढ़ियाँ जोओ योओ। 19#मती 3:10; लुका 3:9जे काट रे बढ़ियाँ का जोओ योओ, होना मगेआ जोटोः सेंगेल ते रोंगो एंडाया। 20#मती 12:33नोंका ते आपे कथावा यतपेआ चि हुँकू रआ जोओ ते आपे हुँकू थीताव बेजा कुआपे।”
21“जे होड़ इञः एडे, ‘ओय परभु, ओय परभु’ मेनकेते कथायकु, हुँकू मे से गोटे के गोटे सिरमा राइज रे एरोकु परोम बुजाना, हुँनि जे इञः रेनि बबा रआ हिछा पुरायय हिनी ही सिरमा राइज रे परोमबुजा योओय। 22होनाघनी अगम होड़ इञः एडे कथायकु, ‘ओय परभु, ओय परभु! तना आले अमः रआ ञुमुन ते कले अगामजानी दोहोलआ का? तना अमः रआ ञुमुन ते आले मुवाँ आतमा कले उडुङ दोहोलिड्कुआ जोटोः अमः रआ ञुमुन अँगाव केते अगम सकती रआ काम कले एरञेल लआ!’ 23#सिरिञ 6:8तब इञः हुँकू सुधा सफा-सफा कथायाइञ, ‘इञः आपे ओका हिला हों कइञ ठुवा लेड्पेआ। ओय नियम रआ बिरोद सेने अवलाकु इञः ठँव एतेन ञीरेपे!’”
मियड् बुधिमान जोटोः मियड् मुरख
(लुका 6:47–49)
24“हिना तआ जे ओके हों इञः रआ दुखमा अयुम वाअय जोटोः हेंका सेनेअय, दो हुँनि हुँकू समझदार होड़ लेकाअय जे सेंरेङ तेङ रे अपन ओड़ाः बनाव लअय। 25दाअ् गमा लआ, झरिया रे बडी दाअ् तू लेना, अँधी धुका चलाव लेना जोटोः होना ओड़ाः रे बजड़ाव लेना बकिन ओड़ाः का ञुरलेना। चितानतआचि होना रआ नेव सेंरेग रे दोहोलेना।”
26“बकिन जे ओके हों इञः रआ दुखमा अयुमेअकु जोटोः होना रे ककु सेनेआ, हुँकू हुँनि सोरडोंडो मनवाँ लेकाअय जे अपन ओड़ाः बितिल तेङ रे बनाव लअय। 27दाअ् गमा लआ, जोटोः बडी दाअ् तू लेना, अँधी धुका चलाव लेना, हेनते होना ओड़ाः रे जड़ाः लेना, जोटोः होना एकदम ञुर कनते चबायना!”
28 #
मर 1:22; लुका 4:32 जब ईसु अपन सिछा कथा चुकाव लअय दो होड़कु हुँनि रआ सिछा ते छकरीत दोहोलेनाकु। 29चितानतआचि हुँनि हुँकू परमेसर रआ बचन सि-सिखाव लेका कोवन बकिन हाक ते सिछा ओवा यतकु दोहोलेनय।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0