Palamba’anna Pasuro’a I Yesus 6
6
Tuju mantuariin daile’iin padari panggulungi kumpulanen
1Jaji insang sikadanan bayu’a tau parasaya’en, andian soal mobosen barik. Ilalam kumpulanda’ andian dua baranana tau Yahudiin. Andian sapa dua yang mawaan jarum Ibraniin, andian sapa dua yang mawaan jarum Yunaniin. Jaji yang mawaan jarum Yunaniin amumut lo’a tau mawaan jarum Ibraniin. Na’an ingka dadua’ tawa’an ambata babainye jandada’ ilalam jalu datawa’iin lo’a tauen mairaso.
2Jaji daawa kombong barik ambata gulungan palola’a i Yesus dinen kole’da’ dua belasen. Maminna kombong barik, manjarum ira, “Jaji kenang. To’ ikam maurusiin, irantang karajanam mawaan Jaruma Alatala itiang maurusi jalu itawa’iin mairaso, kurang maam,” ingka kenang. 3“Suma poang maile’ikin mantuari tujuun yang pandeen itugas ikam itiang maurusi jalu dinen. Sarata kenang. Arung tau yang maamen asanna sera. Yang kaduaan tau yang dakuasaien kole’a Sumangat Bareseen. Yang kataluun tau datamuun pasitimbangang jalu ajau’en nanna jalu maamen. 4Ati’ mamin itugas, daikam dong-dong poangkam barik bado’aan sarata mawa Jaruma Alatala,” ingka kenang jarumda’ dua belasen lo’a ambata palola’a i Yesus.
5Na, maminna dinen barik, ira dinen satuju kausa lo’a jaruma pasuro’en dinen. Jaji daile’i barik kole’da’ ira dinen yang tujuun. Yang tau daile’iin sera i Stepanus, tau yang parasaya’en tapat. Daia dakuasai tapat kole’a Sumangat Bareseen. Yang daile’iin bokanen i Pilipus, i Prokorus, i Nikanor, i Timon, i Parmenas nanna i Nikolaus dari Antiokia. I Nikolaus, daia okan Yahudi, tau bokan yang maminen masok lo’a agama Yahudiin.#6:5 Tau Yahudiin dinen sama nanna tau Israelen. Di mulakata suma poang kanturunanna baki’ Yehuda yang iasanen Yahudiin. Poangsi nanga mangkama Raja Rahabeam dinen, anaka baki’ Raja Salomo, abala’ dua barik kangkaman tau Israelen dinen, tau lalako’en bagian selatanen barik daasan tau Yahudiin. Balaun barik, samuana ambata tau kanturunanna baki’ Abraham dinen daasan barik tau suku Yahudiin. 6Maminna akaus daile’iin, daawa ira barik lo’a ambata pasuro’a i Yesus dinen. Laloang dado’aang barik kole’da’ sarata dajalaang tanganna lo’da’ datiang manugas lo’da’.
7Jaji maminna dinen insang dadongoang Jaruma Alatala. Insang bayu’ bea palola’a i Yesus di Yerusalem. Ambata imam Yahudiin bayu’ bea yang parasaya’en barik lo’a Dongo Maamen.
I Stepanus datingkam
8Jaji i Stepanus dinen barik baraa tapat kamaamanna atena Alatala lo’a. Bakuasa tapat. Bayu’ tanda panyunyuana nanna jalu laan-laanen yang danuun di arona tauen. 9Poangsi andian barik tau malawanen lo’a i Stepanus. Yang malawanen ambata tau dari golongan Sao Sambayang Tau Bebas,#6:9 Kabar Baik: “rumah ibadat yang disebut Rumah Ibadat Orang-orang Bebas” Terjemahan Baru: “jemaat orang Libertini” Firman Allah yang Hidup: “orang-orang bekas budak” asanna kole’da’, ambata tau Yahudiin dari banua Kirene nanna banua Aleksandria. Ira dinen barik nanna tau Yahudiin dari propinsi Kilikia nanna propinsi Asia sipaduun nanna i Stepanus. 10Poangsi ira dinen na’an dakule’ manalo lo’a jaruma i Stepanus. Atalo lapoang panamuna. Kole’a dakuasai tapat i Stepanus kole’a Sumangat Bareseen manyuro’ datamu tapat pasitimbangang jalu ajau’en nanna jalu maamen. 11Kapanjanganna na’anna dakule’ manalo dinen, dala tau rabarik, daparajari. Dasuro’ manjarum, “Idalinga ikam jaruma tau dinen, jarum pajau’-jau’a lo’a baki’ Musa, pajau’-jau’a lo’a Alatala,” ingka kenang marakar-rakarang jaruma. 12Awan dinen lalo majo’-ajo’a lo’a tauen, gulungan toa-toaan, gulungan guru agamaan. Laloang damansangi barik dinen i Stepanus. Datingkam laloang daawa madapi paurusen. 13Mondok inang rabarik dasogo’ panyaksiin. Daawa pako-ako lo’a i Stepanus, “Tau di’en,” ingka, “na’an sangari jarum patuturina lo’a Saona Alatala di’en. Daia pajau’ lapoang lo’a Ukuma Alatala,” ingka kenang. 14“Idalinga ikam jaruma. I Yesus tau Nasaret, ingka, to’ marurun Saona Alatala di’en. To’ dasurangi baru gulungan adat yang darantangen nanka’ malaloi baki’ Musa kalo’a,” ingka kenang jarumda’ panganung-nganungen. 15Maminna dinen gulungan ambata paurus dinen, mamele unding-unding kausana lo’a i Stepanus, balu’-balu’ lindo’ malaikat dabelena rabarik kole’da’.
നിലവിൽ തിരഞ്ഞെടുത്തിരിക്കുന്നു:
Palamba’anna Pasuro’a I Yesus 6: EBE
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright New Tribes Mission 1997
Palamba’anna Pasuro’a I Yesus 6
6
Tuju mantuariin daile’iin padari panggulungi kumpulanen
1Jaji insang sikadanan bayu’a tau parasaya’en, andian soal mobosen barik. Ilalam kumpulanda’ andian dua baranana tau Yahudiin. Andian sapa dua yang mawaan jarum Ibraniin, andian sapa dua yang mawaan jarum Yunaniin. Jaji yang mawaan jarum Yunaniin amumut lo’a tau mawaan jarum Ibraniin. Na’an ingka dadua’ tawa’an ambata babainye jandada’ ilalam jalu datawa’iin lo’a tauen mairaso.
2Jaji daawa kombong barik ambata gulungan palola’a i Yesus dinen kole’da’ dua belasen. Maminna kombong barik, manjarum ira, “Jaji kenang. To’ ikam maurusiin, irantang karajanam mawaan Jaruma Alatala itiang maurusi jalu itawa’iin mairaso, kurang maam,” ingka kenang. 3“Suma poang maile’ikin mantuari tujuun yang pandeen itugas ikam itiang maurusi jalu dinen. Sarata kenang. Arung tau yang maamen asanna sera. Yang kaduaan tau yang dakuasaien kole’a Sumangat Bareseen. Yang kataluun tau datamuun pasitimbangang jalu ajau’en nanna jalu maamen. 4Ati’ mamin itugas, daikam dong-dong poangkam barik bado’aan sarata mawa Jaruma Alatala,” ingka kenang jarumda’ dua belasen lo’a ambata palola’a i Yesus.
5Na, maminna dinen barik, ira dinen satuju kausa lo’a jaruma pasuro’en dinen. Jaji daile’i barik kole’da’ ira dinen yang tujuun. Yang tau daile’iin sera i Stepanus, tau yang parasaya’en tapat. Daia dakuasai tapat kole’a Sumangat Bareseen. Yang daile’iin bokanen i Pilipus, i Prokorus, i Nikanor, i Timon, i Parmenas nanna i Nikolaus dari Antiokia. I Nikolaus, daia okan Yahudi, tau bokan yang maminen masok lo’a agama Yahudiin.#6:5 Tau Yahudiin dinen sama nanna tau Israelen. Di mulakata suma poang kanturunanna baki’ Yehuda yang iasanen Yahudiin. Poangsi nanga mangkama Raja Rahabeam dinen, anaka baki’ Raja Salomo, abala’ dua barik kangkaman tau Israelen dinen, tau lalako’en bagian selatanen barik daasan tau Yahudiin. Balaun barik, samuana ambata tau kanturunanna baki’ Abraham dinen daasan barik tau suku Yahudiin. 6Maminna akaus daile’iin, daawa ira barik lo’a ambata pasuro’a i Yesus dinen. Laloang dado’aang barik kole’da’ sarata dajalaang tanganna lo’da’ datiang manugas lo’da’.
7Jaji maminna dinen insang dadongoang Jaruma Alatala. Insang bayu’ bea palola’a i Yesus di Yerusalem. Ambata imam Yahudiin bayu’ bea yang parasaya’en barik lo’a Dongo Maamen.
I Stepanus datingkam
8Jaji i Stepanus dinen barik baraa tapat kamaamanna atena Alatala lo’a. Bakuasa tapat. Bayu’ tanda panyunyuana nanna jalu laan-laanen yang danuun di arona tauen. 9Poangsi andian barik tau malawanen lo’a i Stepanus. Yang malawanen ambata tau dari golongan Sao Sambayang Tau Bebas,#6:9 Kabar Baik: “rumah ibadat yang disebut Rumah Ibadat Orang-orang Bebas” Terjemahan Baru: “jemaat orang Libertini” Firman Allah yang Hidup: “orang-orang bekas budak” asanna kole’da’, ambata tau Yahudiin dari banua Kirene nanna banua Aleksandria. Ira dinen barik nanna tau Yahudiin dari propinsi Kilikia nanna propinsi Asia sipaduun nanna i Stepanus. 10Poangsi ira dinen na’an dakule’ manalo lo’a jaruma i Stepanus. Atalo lapoang panamuna. Kole’a dakuasai tapat i Stepanus kole’a Sumangat Bareseen manyuro’ datamu tapat pasitimbangang jalu ajau’en nanna jalu maamen. 11Kapanjanganna na’anna dakule’ manalo dinen, dala tau rabarik, daparajari. Dasuro’ manjarum, “Idalinga ikam jaruma tau dinen, jarum pajau’-jau’a lo’a baki’ Musa, pajau’-jau’a lo’a Alatala,” ingka kenang marakar-rakarang jaruma. 12Awan dinen lalo majo’-ajo’a lo’a tauen, gulungan toa-toaan, gulungan guru agamaan. Laloang damansangi barik dinen i Stepanus. Datingkam laloang daawa madapi paurusen. 13Mondok inang rabarik dasogo’ panyaksiin. Daawa pako-ako lo’a i Stepanus, “Tau di’en,” ingka, “na’an sangari jarum patuturina lo’a Saona Alatala di’en. Daia pajau’ lapoang lo’a Ukuma Alatala,” ingka kenang. 14“Idalinga ikam jaruma. I Yesus tau Nasaret, ingka, to’ marurun Saona Alatala di’en. To’ dasurangi baru gulungan adat yang darantangen nanka’ malaloi baki’ Musa kalo’a,” ingka kenang jarumda’ panganung-nganungen. 15Maminna dinen gulungan ambata paurus dinen, mamele unding-unding kausana lo’a i Stepanus, balu’-balu’ lindo’ malaikat dabelena rabarik kole’da’.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright New Tribes Mission 1997