ᤁᤱᤃ ᤀᤠᤍᤶᤔᤡᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤏᤡ᤹ ᤔᤡᤱᤛᤪᤠ ᤛᤠᤵᤐᤴᤗᤥ॥
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤴ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤸᤗᤧ ᤂᤧᤴ ᤀᤠᤒᤠᤅᤣ ᤁᤢᤏᤠᤖᤢᤶᤓᤢᤱ ᤁᤢᤈᤀᤡ᤺ᤳᤋᤥ ᤆᤥᤃᤢᤖᤥ॥ ᤂᤢᤏᤧ᤹ ᤂᤧᤱᤜᤠ᤹ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤛᤡᤀᤠᤱ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤌᤠᤛᤢ ᤐᤡᤖᤢᤛᤡ॥ ᤜᤧᤰᤁᤩᤠᤱ ᤆᤥᤃᤢᤛᤡᤒᤠ ᤕᤧᤴᤏᤥ ᤂᤧᤱᤜᤠ᤹ ᤂᤢᤏᤧ᤹ “ᤔᤧᤴᤇᤠᤶ ᤕᤠᤵᤔᤡ” ᤔᤡᤱ ᤘᤠ᤺ᤳᤋᤢᤛᤡ॥
ᤀᤠᤍᤶᤔᤧᤴ ᤁᤡᤵ ᤌᤡᤰᤁᤠᤱ ᤛᤢᤶᤒᤥᤱ ᤋᤱᤒᤣ ᤁᤧᤖᤧᤸᤗᤧ. ᤂᤧᤸᤗᤧ ᤀᤠᤒᤠᤅᤣ ᤁᤢᤏᤠᤖᤢᤶᤓᤢᤱ ᤁᤢᤈᤀᤡ᤺ᤳᤋᤥ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ. ᤜᤧᤰᤁᤩᤠᤱ ᤂᤧᤴ ᤛᤣᤋ ᤔᤡᤱ ᤘᤠ᤺ᤳᤋᤢ॥ ᤛᤣ᤺ᤳᤋᤧᤴ ᤛᤠᤘᤠ᤺ᤴᤇᤡᤱ ᤜᤧᤰᤁᤩᤠᤱ ᤂᤧᤴ ᤀᤣᤃᤠᤱ ᤀᤠᤍᤶᤔᤧᤴ ᤁᤡᤵ ᤕᤧᤳᤇᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤀᤠᤍᤶᤔᤧᤴ ᤁᤡᤵ ᤑᤠᤱᤛᤡᤀᤠᤱ ᤛᤢᤶᤒᤥᤱ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤴ ᤔᤠᤛᤡᤱ॥
ᤛᤣ᤺ᤳᤋᤧᤴ ᤁᤡᤵ ᤌᤡᤰᤁᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤸᤗᤧ ᤁᤢᤛ᤻ᤛᤠ ᤀᤣᤏᤥᤛᤧᤴ ᤘᤕᤧ॥ ᤁᤢᤛ᤻ᤛᤠ ᤀᤣᤏᤥᤛᤧᤴ ᤘᤕᤧᤀᤠᤱ ᤛᤣ᤺ᤳᤋᤧᤴ ᤁᤡᤵ ᤕᤧᤳᤇᤡᤀᤠᤱ ᤏᤢᤛᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤛᤣ᤺ᤳᤋᤧᤴ ᤁᤡᤵ ᤑᤠᤱᤛᤡᤀᤠᤱ ᤌᤡᤒᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
ᤀᤣᤏᤥᤛᤧᤴ ᤑᤠᤱᤒᤥᤱ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤁᤏᤠᤏᤧᤴ ᤁᤳᤋᤢ॥ ᤁᤣᤏᤠᤏᤧᤴ ᤘᤕᤧᤀᤠᤱ ᤀᤣᤏᤥᤛᤧᤴ ᤁᤡᤵ ᤕᤧᤳᤇᤡᤀᤠᤱ ᤌᤡᤒᤥᤱᤅᤠᤱ ᤅᤠᤛᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤀᤣᤏᤥᤛᤧᤴ ᤁᤡᤵ ᤑᤠᤱᤛᤡᤀᤠᤱ ᤅᤠᤛᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
ᤁᤣᤏᤠᤏᤧᤴ ᤏᤢᤒᤥᤱ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤔᤜᤗᤠᤗᤧᤴ ᤁᤳᤋᤢ॥ ᤔᤜᤗᤠᤗᤧᤴ ᤘᤕᤧᤀᤠᤱ ᤁᤣᤏᤠᤏᤧᤴ ᤁᤡᤵ ᤕᤧᤳᤇᤡᤀᤠᤱ ᤌᤡᤒᤥᤱ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤁᤣᤏᤠᤏᤧᤴ ᤁᤡᤵ ᤑᤠᤱᤛᤡᤀᤠᤱ ᤌᤡᤒᤥᤱ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
ᤔᤜᤗᤠᤗᤧᤴ ᤋᤢᤰᤐᤥᤱᤅᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤕᤧᤖᤣᤍᤧᤴ ᤁᤳᤋᤢ॥ ᤕᤧᤖᤣᤍᤧᤴ ᤘᤕᤧᤀᤠᤱ ᤔᤜᤗᤠᤗᤧᤴ ᤁᤡᤵ ᤕᤧᤳᤇᤡᤀᤠᤱ ᤛᤢᤶᤒᤥᤱ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤔᤜᤗᤠᤗᤧᤴ ᤁᤡᤵ ᤕᤧᤳᤇᤡᤀᤠᤱ ᤑᤠᤱᤒᤥᤱᤅᤠᤱ ᤅᤠᤛᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤧᤴ ᤔᤠᤛᤡᤱ॥
ᤕᤧᤖᤣᤍᤧᤴ ᤁᤡᤵ ᤌᤡᤰᤁᤠᤱ ᤋᤢᤰᤐᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤁᤢᤛ᤻ᤛᤠ ᤜᤏᤥᤰᤁᤧᤴ ᤘᤕᤧ॥ ᤜᤏᤥᤰᤁᤧᤴ ᤘᤕᤧᤀᤠᤱ ᤕᤧᤖᤣᤍᤧᤴ ᤁᤡᤵ ᤕᤧᤳᤇᤡ ᤋᤱᤒᤣ ᤜᤡᤅᤧ॥ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤕᤧᤖᤣᤍᤧᤴ ᤁᤡᤵ ᤑᤠᤱᤛᤡᤀᤠᤱ ᤋᤢᤰᤐᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤧᤴ ᤔᤠᤛᤡᤱ॥
ᤜᤏᤥᤰᤁᤧᤴ ᤋᤢᤰᤐᤥᤱᤅᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤁᤢᤛ᤻ᤛᤠ ᤔᤋᤢᤛᤣᤗᤜᤴ ᤘᤕᤧ॥ ᤔᤋᤢᤛᤣᤗᤜᤴ ᤘᤕᤧᤀᤠᤱ ᤜᤏᤥᤰᤁᤧᤴ ᤁᤡᤵ ᤛᤢᤶᤛᤡ ᤋᤱᤒᤣ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤥᤛᤥᤖᤡᤰ ᤗᤠᤱᤄᤣᤃᤧᤖ ᤘᤕᤧ॥ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤜᤏᤥᤰᤁᤧᤴ ᤁᤡᤵ ᤛᤢᤶᤛᤡᤀᤠᤱ ᤋᤢᤰᤐᤥᤱᤅᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤀᤠᤱ ᤘᤕᤧ॥ ᤜᤏᤥᤰᤁᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤥᤛᤥᤖᤡᤰ ᤘᤕᤧ ᤜᤧᤰᤁᤩᤠᤱ ᤂᤢᤏᤧ᤹ ᤔᤕᤧᤒᤣ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤑᤥ᤺ᤰᤛᤢᤍᤣ᤹ᤖᤢ॥
ᤔᤋᤢᤛᤣᤗᤜᤴ ᤁᤡᤵ ᤌᤡᤰᤁᤠᤱ ᤕᤧᤵᤐᤥᤱᤅᤠᤱ ᤏᤢᤛᤡ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤁᤢᤛ᤻ᤛᤠ ᤗᤧᤔᤧᤰᤁᤧᤴ ᤘᤕᤧ॥ ᤗᤧᤔᤧᤰᤁᤧᤴ ᤘᤕᤧᤀᤠᤱ ᤔᤋᤢᤛᤣᤗᤴ ᤁᤡᤵ ᤏᤢᤛᤡᤀᤠᤱ ᤕᤧᤵᤐᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤔᤋᤢᤛᤣᤗᤴ ᤁᤡᤵ ᤑᤠᤱᤛᤡᤀᤠᤱ ᤋᤢᤰᤐᤥᤱᤅᤠᤱ ᤑᤠᤱᤛᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
ᤗᤧᤔᤧᤰᤁᤧᤴ ᤁᤡᤵ ᤌᤡᤰᤁᤠᤱ ᤕᤧᤵᤐᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤁᤧᤖᤧᤸᤗᤧ ᤂᤢᤏᤧ᤹ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ॥ ᤗᤧᤔᤧᤰᤁᤧᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤏᤢᤜ ᤔᤡᤱ ᤘᤠ᤺ᤳᤋᤢ. “ᤕᤜᤘᤣ ᤍᤠᤱᤒᤧᤸᤗᤧ ᤛᤠᤱᤃᤪᤠ ᤔᤧᤳᤋᤢᤒᤠ ᤂᤠᤶᤒᤣ᤺ᤰᤔᤥ ᤀᤠᤏᤡ᤹ ᤀᤠᤈᤥᤃᤢᤶᤒᤠ ᤋᤢᤰᤂᤣᤗᤠᤰᤂᤣᤒᤠ ᤕᤠ᤺ᤶᤒᤰᤁᤥ ᤁᤴ ᤀᤅᤧ᤺ᤰᤘᤠ᤺ᤸᤗᤧ ᤀᤠᤏᤡ᤹ ᤜᤠᤱᤜᤠᤱ ᤀᤠᤔᤧᤳᤗᤥ॥” ᤏᤢᤜᤴ ᤘᤕᤧᤀᤠᤱ ᤗᤧᤔᤧᤰᤁᤧᤴ ᤁᤡᤵ ᤅᤠᤛᤡᤀᤠᤱ ᤑᤠᤱᤒᤥᤱᤅᤠᤱ ᤅᤠᤛᤡ ᤋᤱᤒᤣ ᤜᤡᤅᤧ॥ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ ᤗᤧᤔᤧᤰᤁᤧᤴ ᤁᤡᤵ ᤏᤢᤛᤡᤀᤠᤱ ᤏᤢᤒᤥᤱᤅᤠᤱ ᤏᤢᤛᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
ᤏᤢᤜᤴ ᤁᤡᤵ ᤅᤠᤛᤡ ᤋᤱᤒᤣ ᤁᤧᤖᤧᤸᤗᤧ ᤂᤢᤏᤧ᤹ ᤛᤣᤔ. ᤜᤠᤔ ᤏᤢ ᤕᤧᤐᤧᤍ ᤛᤢᤶᤛᤡ ᤁᤢᤛ᤻ᤛᤠ ᤔᤧᤘᤕᤧ॥

г сонсох ᤋᤥᤗᤡᤱᤛᤥᤔᤢ 5