Matiye 5-ын алдартай Библийн эшлэлүүд

Хуваалцах

Kú zi ɓá hɔrɛ ka̧n lámbe, ɓay a kú ɓá yoŋ guku rú yá, kú e ɓá nɛ́ si tûl tay, ɓay a ké táŋgel hí̧ njukuri too, ka e a ɓil vûn. Nǎŋnɔ́ kɔ́, geltáŋa a wǎyri, ké táŋ a mbɛl a njukuri, rá̧lǒo kú ma kó béla péna a wǎyri, a kú ma hɔ̧́ Bâa a wǎyri ka e a nûnalê.»

Ɓá wǎyri, pé kaw ɓá geltáŋa a tísiri, pû ka e a tûl kɔ̂l, zi ma múna nyá.

Béla hí̧ njukuri ka erú a law a táŋáké, ɓayhí̧lé kú e kó Gáŋvbôn!

Béla hí̧ njukuri ka erú a nzala niŋ péna a ndáráké, ɓayhí̧lé Gáŋvbôn e hí̧ kuriri ŋgɛ́rɛ niŋáké!

Dáy mǐ, mi sa hí̧ wǎyri ɓá: Í zi njuku ŋgá̧na a wǎyri, a í gɔ́ŋ Gáŋvbôn ɓay a njukuri ka ɓá wǎyri tɔ́ʼɔsêe.

«Béla hí̧ njukuri ka tu ka mûn a kuriri ɓá kú kaw ɓá fóya, ɓayhí̧lé Pû Mbây a Gáŋvbôn, ɓá ɓála kuriri!

Béla hí̧ njukuri ka ɛ́ a vónáké a bazeŋ a njukuri, ɓayhí̧lé Gáŋvbôn e ɗí kuriri ɓá gun a mɛ̌!

Béla hí̧ njukuri ka e a ɓil vúna, ɓayhí̧lé Gáŋvbôn e volaw a kuriri!

Béla hí̧ njukuri, a kú ɓá kuriri tɔ́ʼɔsêe, ɓay ka kú niŋ hɛ̧ ka Gáŋvbôn ziy, ɓayhí̧lé Pû Mbây a Gáŋvbôn ɓá ɓala a kuriri!

Béla hí̧ njukuri a kósêe a mbáŋa kuriri, ɓayhí̧lé Gáŋvbôn kɔ́, e kósêe a kuriri!

Béla hí̧ wǎyri, ka njukuri fára wǎyri, ka a ɓá wǎyri tɔ́ʼɔsêe, ka a sa ɓéké ɓayri ɓórí ɓórí kɔ̧ tûl a wǎyri, ɓay ka i láɓulaw hí̧ míy. I záy, a i kaw a lawrína, ɓayhí̧lé kpáʼandɔ̂ʼɔ péna a wǎyri ɓá hɔ̧́náké mí zoko wǎyri a nûnalê. Katína, nǎŋnɔ́ pé, kú ɓá porofɛ́tri ka tí kaw ɗambɛl hí̧ wǎyri tɔ́ʼɔsêe kɔ́.»

Béla hí̧ njukuri ka erú a law a vónáké, ɓayhí̧lé Gáŋvbôn e hí̧ kuriri tísiri a ké hí̧nzáʼa hí̧ kuriri ɓayké!

«Ɓá wǎyri, pé kaw ɓá tom a tísiri. Dáy, tom mí zi núŋ mbaay, kú e niŋ a̧ní rá̧, a ké renúŋ ɓá féké ɓáy lé? Ké zi bel mbaa, ɓá kú fere kɔ̧ kpâa, a njukuri kú sé tûlké.

Dáy, wǎyri kɔ́, í kaw ɓá táŋáké, ɓá báŋké ka Bâa a wǎyri a nûnalê kaw ɓá táŋáké.»

Ɓay a wǎyri mí ɓá: “ɛ̧ lé, ké ɓá ɛ̧!” Malé: “háy lé, ké ɓá háy!” Hɛ̧ ka njuku sa kɔ̧ tûlké, gí a ŋgboro Sata̧n.»

«Í lá, kú tí sa: “Njuku mí gu nûn nɔ́ lé, mɔ́ gu nûn nɛ́ pí, a njuku mí haw sîló lé, mɔ́ haw sîlé pí.” Dáy, mǐ, mi sa hí̧ wǎyri, í zi ná rerú ɓéké hí̧ njuku ka niŋ ɓéké ziŋ wǎyri. Njuku mí vbá̧ ɓil nûn nɔ́ a ŋgboro lâʼa lé, mɔ́ pɔŋ nɛ́ ké vbá̧ a ŋgboro a kporo kɔ́.

Dáy, mí ɓá nûn nɔ́ a lâʼa, pé ɓá mɔ́ lé ɓil ɓékéhɛ̧ lé, mɔ́ lú nûnké vbú kpâa ɓá ɗínáké. Ɓayhí̧lé, belɓá mɔ́ ɓɔ́l hɛ̧ mbêw, ka mûn nɔ́, ndé, kú ɓá mûn nɔ́ too, vbú ɓil hɔrɛ. Dáy, mí ɓá ndɔ̂ʼɔ a lâʼa, pé ɓá mɔ́ ri ɓil ɓékéhɛ̧ lé, mɔ́ kúŋ ndɔ̂ʼɔké vbú kpâa ɓá ɗínáké. Ɓayhí̧lé, belɓá mɔ́ ɓɔ́l hɛ̧ mbêw, ka mûn nɔ́, ndé, kú ɓá mûn nɔ́ too vbú ɓil hɔrɛ.»