Juan 1-ын алдартай Библийн эшлэлүүд

Хуваалцах

Soo nta̱ká rá ñɨvɨ ya̱ nákuatáꞌví ráa re̱ꞌ, ya̱ kúneí iniꞌ ráa re̱ꞌ, jee jiáꞌayuꞌú re̱ꞌ ni̱ꞌi̱nꞌ ráa kuvi ráa se̱ꞌya Ndiosíꞌ.

Ne̱ xíꞌnañúꞌún ya̱ ne̱ ntiáꞌan kiko̱o ñɨ̱vɨ́, jee ya̱ íyó re̱ꞌ ya̱ kúvi re̱ꞌ Tu̱ꞌun. Jee maáréꞌ ya̱ kúvi re̱ꞌ Tu̱ꞌun ya̱ nééꞌ re̱ꞌ jín Ndiosíꞌ, jee maáréꞌ ya̱ kúvi Tu̱ꞌun vá kúvi re̱ꞌ Ndiosíꞌ.

Jee ñuꞌunꞌ vá túúnꞌ nu̱u̱nꞌ ñuunꞌ neenꞌ nu̱u̱nꞌ jiáꞌnu niva̱ꞌa rá ñɨvɨ. Jee ñuunꞌ neenꞌ ntu kúvi kuneí‑i nu̱u̱nꞌ ñuꞌunꞌ vá.

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Jee nta̱ká ya̱ íyó, jee maáréꞌ nsa̱ꞌá ya̱ kiko̱o ráa nsa̱ꞌá Ndiosíꞌ. Jee ntu̱náꞌ íyó ni ɨɨn nantíñú ya̱ ña̱ko̱o retánꞌ ntu nsa̱ꞌá re̱ꞌ maa nsa̱ꞌá Ndiosíꞌ. Jee maáréꞌ ví ya̱ sáꞌá ya̱ kutekuꞌ ñɨvɨ jín Ndiosíꞌ. Jee ya̱ tékúꞌ ñɨvɨ jín Ndiosíꞌ kúvi ñuꞌunꞌ ya̱ túúnꞌ iniꞌ ánímaꞌ rá ñɨvɨ vá.

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Jee nneeꞌ re̱ꞌ iniꞌ ñɨ̱vɨ́ yaꞌá, jee maáréꞌ nsa̱ꞌá ya̱ kiko̱o ñɨ̱vɨ́ yaꞌá nsa̱ꞌá Ndiosíꞌ, soo rá ñɨvɨ ñɨ̱vɨ́ ntu nnákuniꞌ ráa re̱ꞌ. Jee nkiji re̱ꞌ nu̱u̱nꞌ ñuunꞌ maáréꞌ Israel jee rá ñɨvɨ re̱ꞌ ntu nnákuatáꞌví ráa re̱ꞌ.

Jee maáréꞌ ya̱ kúvi ñuꞌunꞌ nijia ya̱ túúnꞌ iniꞌ ánímaꞌ nta̱ká rá ñɨvɨ. Nkiji re̱ꞌ iniꞌ ñɨ̱vɨ́ yaꞌá.

Chi njia̱ꞌa Ndiosíꞌ nu̱u̱nꞌ Moisés tu̱ꞌun ley re̱ꞌ sáva ku̱ꞌva‑a vá nu̱u̱nꞌ rá ñɨvɨ. Jee, Jesús ya̱ kúvi Cristo, nsa̱ꞌá Ndiosíꞌ ya̱ nsa̱ꞌá re̱ꞌ ya̱ nni̱ꞌi̱nꞌ‑ó ya̱ váꞌa ma̱ni̱ꞌ iniꞌ Ndiosíꞌ jín ya̱ naáꞌ.