Lucas 23-ын алдартай Библийн эшлэлүүд

Хуваалцах

Soo nkachiꞌ Jesús: ―Tááꞌ ni̱ꞌ, kunekáꞌnú iniꞌ nú kune̱ꞌyá nú ráa, chi ntu̱ví jíníꞌ ráa na̱ kúvi ya̱ sáꞌá ráa ―nkachiꞌ re̱ꞌ. Jee tásáva ráa saꞌma re̱ꞌ nu̱u̱nꞌ ɨɨn inka ráa jee nsi̱kɨ́ ráa suertéꞌ sáva tasáva ráa maa.

Saájee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ ne̱ vitan kuneeꞌ nú jín nuꞌuꞌ ne̱ nu̱u̱nꞌ viiꞌ víꞌí íyó antivɨ́ súkún nu̱u̱nꞌ nééꞌ Ndiosíꞌ ―nkachiꞌ Jesús.

Jee nkachiꞌ re̱ꞌ nu̱u̱nꞌ Jesús: ―Naku̱ꞌun iniꞌ nú kunáꞌví iniꞌ nú nuꞌuꞌ sáá kenta kunisotíñú nú tátúníꞌ nú nu̱u̱nꞌ kua̱íyó ―nkachiꞌ re̱ꞌ nu̱u̱nꞌ Jesús.

Saájee kua̱yuꞌú Jesús nka̱najíín re̱ꞌ, jee nkachiꞌ re̱ꞌ: ―Tátáꞌ ni̱ꞌ, xi̱ntíín nú nátají ni̱ꞌ ta̱chi̱ꞌ káꞌánꞌ ni ―nkachiꞌ re̱ꞌ, saájee nu̱u̱nꞌ nɨ́ꞌɨ nna̱statáchiꞌ re̱ꞌ jee ni̱ꞌi̱ꞌ re̱ꞌ.

Jee sáá nkenta ráa nu̱u̱nꞌ naní Yɨkɨ Xíníꞌ Níyɨ, jee yukuán nte̱kaa rá soldado Jesús nu̱u̱nꞌ kurúsiꞌ. Jee suni nte̱kaa ráa ni núvíꞌ ka̱ꞌ rá te̱e kua̱chi vá, jee ta nu̱u̱nꞌ ráa kurúsiꞌ ráa, ɨɨn ichi kuáꞌá re̱ꞌ jee ɨɨn ichi sátín re̱ꞌ.

Sáá nkuvi nɨ́ kaxu̱vi̱ꞌ jee nnu̱neenꞌ kua̱íyó kuitɨꞌ nu̱u̱nꞌ ñu̱ꞌún ne̱ kau̱ni̱ꞌ yánini, chi nnu̱neenꞌ nu̱u̱nꞌ nka̱niiꞌ. Jee nna̱ta̱sava saꞌma káꞌnú níntakaa ñúmáꞌñú veñu̱ꞌun káꞌnú ya̱ jiásɨ́ꞌ iniꞌ veꞌi nu̱u̱nꞌ ííꞌ nasɨ́kuitɨꞌ ka̱ꞌ.

Jee sáá niniꞌ te̱e kúvi capitán tátúníꞌ nu̱u̱nꞌ rá soldado vá ya̱ nkuvi suꞌva, jee nna̱kuetúꞌún re̱ꞌ Ndiosíꞌ jee suni nkachiꞌ re̱ꞌ: ―Máá nááꞌ nijia ya̱ tee yaꞌá kúvi re̱ꞌ te̱e na̱a̱ꞌ ―nkachiꞌ re̱ꞌ.