ROM ROM-BUU 1-ын алдартай Библийн эшлэлүүд

Хуваалцах

Itre ri ro nyi ran he kya ri shan ri mo ran; a he gbengbren Izhi nye riwa ari kpa kongaa riwa a kpanyime, ri mimɨlan ari he nji Yahuda nga ri hari wan ri he wawa wa ran he nji Yahuda ran.

Ritu tre ri ro-a nye tsro bibi riwa Izhi ri no ta ki ti tsra ri wawu: a he ritu yosron nye zhu ri mimɨlan hi ri kre wan. Bibi riwa imbe Izhi tre ri,<<Inji riwa ari ti ndindi ti ri yosron nye ri fe vɨri.>>

Tu riwa Izhi a ti mgbumgblume, nji wa to meme nga shuwulu, Hu ri kya riwa Izhi ti wa. Ri ngamba wa nji-a wa ran he ri kya ri tre ri wawa wa ran to-u ran.

Wa to Izhi, ama wana ri no mkpen riwa a he wa ma-a ran, ko no wa ngɨri ri wu. Tsede, irimɨren mba he ri kuklu, nga sron mba riwa a ran ri rimɨren ran a ti bu.

Wa sran kpunji tre ri che ritu Izhi; wa gbre nga wari ri hu kya riwa Izhi ti, memeko Izhi kyuwan, riwa a he riwa wa gbre wu hi ri kre! No he ngamba.

Ifu Izhi zhu ri shu mu ye ritu wawa wa ti meme ti riwa meme ti mba a chan kpunji ran no nji ran to-u ran.

Ritu wa ti nganyi, Izhi kɨma gon ti wa no mbye mba ri shan-a. Wa mbaa mba riwa wa kru ri ronron wa kɨma ri kru ngamba mbaa riwa a ran tsra ran. Ri ngamba me wa ronron wa kru ngamba ronron, nga ritu ngamba wa ngɨzhi yaa ri ye ri ngamba ritu meme ti mba riwa wa ti. Ritu wa kamba ri to Izhi, a kɨma gon ti wa no wa ti meme ti riwa a ran bi no wa ti ran.

Wa tre ri wa he ri wiwiri, ama wa he wa mkpiran; riwa no wa gbre Izhi riwa ari vɨri, wa kɨma ri gbre Izhi riwa wa he ka nji,wari ka chenchen nga wari ka inɨma wa ji ko kyawa wa gbran ri meme.