ROM ROM-BUU 12-ын алдартай Библийн эшлэлүүд

Хуваалцах

Ran ban tu mbi ka bi he wa mgbumgblume nyi ran, ama no Izhi no sran yi rimi sron mbi ran sran sron mbi. Imba nye bi to ti Izhi nga kya riwa a bi nga bi ri si-u sron nga ran tsra.

Ringamba biyi miri vayi, ritu nchon losron Izhi ri ta me bre yi: ka ngambi no Izhi iwawu ka ide ri wu, yo sron mbi rimi ndu wan nga no sisron. Rinyi nye he gbre ri kpunji riwa a he no yi ti.

No yosron mbi no no yi kinklan sron, vu sron rimi kongye riwa ari kpa sron mbi time, nga bi ri ran bre Izhi ran bla vi.

Ran no meme ti no dzan gbengbren wen ran; tsede wu han gbengbren meme ti ri ndindi ti.

Nyime ngambi bran ka wa hu Izhi, nga bi ri no ngambi mkpen.

No Nyime no he kpunji. Ka mbi ri kya riwa a he meme, bi ri vu kya riwa a bi.

Ti kongye bibi riwa bi kii ri sikpa ri konga.

Wa kpan won, ran ti kya zhula ran, tsede no fu Izhi no ti-u ri wu. Ritu Imbe Izhi tre ri, <<Bachi a tre ri wawu ri ti zhula, wawu ri han zhula.>>

Ti ndu bran nga bi ri ran ti sankon ran. Hu Izhi ri sron riri.

Ngha ritu de riwa Izhi ka no wen me la kongaa rimi mbi: Ran tika ritu ngambi bran han bibi riwa a he no yi ti ran. tsede bi ka tika ran tsra, nga bi ri bla ri ngambi ri bibi yosron riwa Izhi ka no yi.

Ka injo ti meme ti ri wu, ran ti meme ti zhula ri wu ran. Ti kongye riwa konga ri tre ri a bi.

Kima ngambi he riri ri ko nga. Ran nzu tu ran, ama he ri reresron. Ran ban tu wen ri wu he ri wiwiri ran.

Tsede, bibi riwa imbe Izhi tre ri,<<I wa kpan fu wen iyon ri ti wa, wuka no wa ri; ka ilama ti wa, no wa ima no wa so; ritu i wu ti nganyi wu no shan ti wa.>>

Bre Izhi no tilibu sro wawa wa no yi yaa; ran la nyun ri wa ran. Ti kinklan sron ri wawa wa ti kinklan sron, nga bi ri ti shnji sron ri wawa wa ti shnji sron.

Ga wa kpi mbi ri mgbrombi wa hu Izhi, nga bi ri kpa tsren ri ko mbi.

Ki he ri gbre kigbu rimi kpa riri, nga ko gbre ritan he ri ndu wan. Ri ngamba nye, ko ri riwa ki kigbu, ki he kpa riri rimi kabrutu ri Kristo, nga ki nga ri ngambu ka igbirekankan rimi kpa riri.