Lok 14-ын алдартай Библийн эшлэлүүд

Хуваалцах

«Koya minɛ kohobɛnja ondama, kokondɛ oheta sakɛ na n'akɛ, na m'achiakɛ, na bǎna bakɛ, na bashiwabɔ, na kachi chakɛ. Eyǎka kokondɛ oheta mwɛkɔ kwakɛ kɛ mǐnɛ. Nambɔ bishibîya kushinabá n'lɔmbwɛ* kwanyi.

N'to minɛ kushiɔsha otɛta n'salaba kwǎkɛ, na okonda, kushinabá n'lɔmbwɛ* kwanyi.

Yolo kɛkɛsɛ minɛ kwebalehɛcha, kwesachiwa. Ela kɛkɛsɛ minɛ kwebalesacha, kɛ kwehɛchiwa.»

Wɛnyu bɛnywɛ nǎ byɔka bîya, ushi n'to hawǐngi hɛnyu minɛ kwenaba n'lɔmbwɛ* kwǎnyi nambɔ kushinalɛa byɔsɛ byakele nǎbyɔ.»

«Nǎmbɔ komwɛ hawǐngi hɛnyu kohobɛnja okubaa sɛsɛ keolo wɛ̌nɛ, byelěngyɛ kotangɛ oshama, komɔnɛ nambɔ kwenabá na bomɔná bwakenaɔsha oeta nabɔ koya n'kelɔ na okohwa. Ela, nâmbɔ kwatola n'kelɔ kwa okubaa n'sele, hanyuma kɛ na oiswa ohwa keya sɛsɛ, bɔsɛ bɛnɛ bebaokemɔna bebaon'sɛya m'okana kɛte: ‹Koko n'to kwatola okubaa sɛsɛ, ela, kwasaɔsha ohulilisha n'kelɔ.›

Ela, wahoeta m'onda, obɛobocha bambuchu na bitɛndɛ na lwǎta na bihɔbu. Obibyɔ weba na miha, yolo baya bato bashina ya oosowechecha. Ela Abɛcha kweosɔmbɔcha mɛngɔ mɛnɛ baya bɛnɛ bee basɔka bekuka.»

Yɛso kwekaninɛ eyǎka kɛte: «Mǐnyu kwebâbá eto esɔka. Ela nambɔ kwachiminya sa kyakɛ, i ě yabenabêa n'ta yolo yasoechɛ sa kyakɛ? Koya mǐnyu kushi na n'kelɔ kɔkɔsɛ, oba o bitɛtɛ aɔ oonaka. Bebakotɛla hamboka. Koya minɛ kwe na mato ma oholecha, koholechɛ!»