MATIEE 'BƆGƲ 13-ын алдартай Библийн эшлэлүүд

Хуваалцах

Dʋdʋkpataa -dʋdʋkpata -aa 'wʋ lilie 'jʋ bhli-a, ʋ mi-a 'n ʋ ji-a 'jinanɩswɩ'ɩ 'wlʋ 'n ʋ ji-a zʋ, 'n 'jeyi -bhlʋ ji-a 'jaa gwlɩ -ngbï 'pa, 'n -mɩmɛ ji-a 'jaa gwlɩ ta 'pa, 'n -mɩmɛ 'ji 'yɛ-a jaa kugbïta 'pa-a, nɩkpa -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'yukwli pönɩ-ɛ, 'jinanɩswɩ'ɩ wa nʋɩ-a 'mö 'n wa zʋnʋɩ-a dlɩ zɔmö yɛ.”

Gwagwalu -ʋʋ 'mö lilie 'jʋ bhli-a, ʋ mi-a 'n ʋ jiʋ-a 'wʋ 'möna, -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'nʋ 'bhë, ma'a 'pɩ 'wʋɔ dlɩpapɩɛ-ɛ yʋlʋa -bha, 'n wʋlʋwʋlʋɛ -yɛ -li 'bhuo 'sɔɔ 'tʋ lɩbhʋa -bha. Ɩ gbʋ-ʋ plʋa-a tenyie yɛ, wa'a zʋ -bha -Lagɔwɛlɩ wa 'pɩ 'yɛ 'jinanɩswɩ'ɩ 'mö 'bhɩlɔ.

-Lagɔɔ nyininyinipɩɛ wɛlɩ mɩ-ɩ -yɛ-a lilie jʋ, 'yuogblʋɔ -kʋkʋngoyawʋ la lilie 'jʋ bhli-a 'n 'zɩ jiʋ-a li-e, nɩkpa -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'yukwli pönɩ, wa'a 'nʋɩ 'mö, 'n Sata ji-a 'n a sʋa-a dlɩ zɔmö.

Pʋpʋ 'klʋ la lilie 'jʋ bhli-a 'n ʋ ji-a -vlala mi, -mʋmʋa-a -yɛ -bha 'wlʋnʋ -bha. Wa -yɛ -Lagɔwɛlɩ 'nʋ tɔngʋ, 'mʋna lɩbhʋa -bha, 'n wa nglui-a 'wʋ. 'Bhë wa'a nyʋnanɩɩ-a 'mö dlɩ zɔmö wa 'kɩ -ganɩ 'kɔmʋʋ. Nglinyunoli -yɛ yʋlɔyʋlʋ 'sɔ -kʋa 'mɩ wɛlɩɛ yɛ ghlɩ-ɛ, cɛ wa sɩ-a 'mö.

Sa nɩkpɛ 'nɩ-ɛ la'a -ma kabönɩkpɛɛ 'lagblɛ'ɛ 'nglɩmölu zuzolɩ'ɩ glu yɩlɩ, -sɩbha -Lagɔɔ nyininyinipɩ -wʋ 'yɛ -bha. Ɔ yɩlʋ-a, 'n ɔ jiʋ-a ziza 'sɔ, 'mʋna -wʋɔ 'lɩbha 'le ɔ mö-a, 'n ɔ ji-a ɔ -li 'bhuo 'pɛlʋ 'pa, 'n ɔ ji-a 'lagblɛ la'a pɩa.

'N -mʋmʋ-ʋ ji-e -bha dʋdʋkpataa dʋdʋkpata 'klʋ bhli. Ʋ mi-a, 'n ʋ ji-a 'jinanɩswɩ'ɩ 'wlʋ, 'n ʋ ji-a zʋ. 'Jeyi -bhlʋ 'wlʋ 'jaa gwlɩ -ngbï 'mö, -mɩmɛ 'wlʋ 'jaa gwlɩ ta 'mö, -mɩmɛ 'wlʋ 'yɛ 'jaa kugbïta 'mö.

A 'tati ɩ 'sɔ -kpɔ 'ji ɩ 'yɛ 'ghlimanɩ, lilidɩde -yɛ nyini 'bhë, n 'yɛ libhonʋngwa 'dɩ 'nyɛ naa, wa -dɩ -lɛ -tɩtɛ-ɛ 'jinylɔputuko, wa 'ka sɛ gwa, wa -kaa si-a 'bhë, wa 'yɛ lili 'wʋ 'bhlonʋ wa 'kɩ -dɩ, wa 'kɩ -ma -digbagbʋ 'mö 'pa.”