MATIEE 'BƆGƲ 24-ын алдартай Библийн эшлэлүүд

Хуваалцах

'Jinylolie zumanɩ yɛ nɩkpa -mʋmʋaa -bɛ, wa linɩkpaa 'jɩbhajɩbhʋ ji-a dlɩ zɔmö bhɩa. -Ma yʋlɔyʋlʋɛ la'aa 'mö, -ɔ -yɛ -ma dlɩ nyʋnanɩ 'bhlonʋde -yɛ nyini, mɔ-ɔ ji-a 'pʋɔ.

-Lagɔɔ nyininyinipɩ 'wʋɔ 'tɩtɩɛ -tɩtɩ la'a, dʋdʋkpataa këti 'bhuo -gömö wa jiɩ-a gbanɩɛ -gwlɩ 'bhuo 'yɛ ɩ bhle'e -ji 'bhë 'bhlonʋde 'yɛ nyini.

-Bhaa do'o tʋɩ wa -wʋ-a gwɩ 'le -yɛ -mɩ wa ji-a gwɩ 'sɔɔ wɛlɩ a ji-a 'nʋɔ. A -kɩɩ -sɩbha 'nʋ, dlɩ 'na-a wlɔnʋya 'mö -nɩ. -Wʋʋ yɛ-a, 'mɩ -ɩ la'a mɩ-ɩ ji-a 'yu -gaa tɛnyɩ 'bhë, ɛ 'na -bha -gaganɩlɩ'ɩ 'pɩɛ sɛyɩlade glɩnɩ.

Nɩkpa tʋ wa ji-a gwɩɛ, dʋdʋ -mʋmʋ -gömöö nɩkpa -yɛ -mʋmʋ -gömöö nɩkpa 'sɔ 'yɛ-a 'ji gögönɩ wa 'yɛ-a tʋ gwɩ. -Ma dʋdʋɩɛ -bɛ -gömö ngɔmʋ-ʋ ji-e -ma jie, -ma -mɩmɩɛ -gömö dʋdʋkpata 'yɛ-a tɛlɩ. 'Mɩ -ɩ la'a 'bhuo, yʋlɔyʋlʋ 'kadʋ -ʋ ji-a jie, ʋ tɛnɩde -bha.

-Lagɔtapɛ -yɛ dʋdʋkpata 'sɔ sɛ ɩ ji-a yɩla, na nglie wɛlɩ 'na -nɩ sɛ yɩla 'lɩlɩlɩ.

-Wʋʋ yɛ-a, nɩkpaa -bɛ ji-a jie, wa 'yɛ-a na 'nglɩ -su, wa 'yɛ-a nʋ naa: Puanyɔ -ɔ -Lagɔ -sa-a -bha 'mɔ wa glɩnɩ-a nʋ. 'N wa 'yɛ-a nɩkpaa -bɛ yʋlʋ nʋ.

-Bhaa do'o, abha na -lʋa, -ma nɩkpa cɛ'ɛ wa jiya-a zʋɔ, wa 'kaya 'zwɩ zia, wa 'kaya 'lɩbha, na -lʋaa glɩnɩ yɛ nɩkpa bhuo-o jiya-a 'jɛbhɛlɩɛ. Ɩ yɛ a gla'aa -mʋmʋa -bɛ na gbʋ ji-a dlɩ'ɩ 'bhönɩɛ, wa 'yɛ-a 'jɛbhɛlɩjɛbhɛlɩnɩ, wa 'yɛ-a 'pɛlʋ 'papanɩ -ma na tʋngwa cɛ'ɛ. Nɩkpa -Lagɔ 'nɩ-a tia 'bhë -wa la-a wajɩ -Lagɔɔ 'mögbanɩngwa, wa -bɛ ji-a jie, wa 'yɛ-a nɩkpaa -bɛ yʋlʋ nʋ.

Ɔ nɛ naa: “A möna 'mö nɩkpa jiya-a yʋlʋ nʋ.

Ɩ yɛ a pö 'yɛ -sɩbha -nɩ ajɩ 'wʋ, -wʋʋ yɛ-a, la a'a-a 'wʋ pönɩ -bha Nɩkpɛɛ 'Gu ji-a jinɩɛ.

Ɩ yɛ a'a ngɔmö -nɩ, -wʋʋ yɛ-a, zlɩ -ɛɛ 'mö a 'Bhitɩbha ji jie a 'nɩɛ -ji.

Zlɩɛ -mɛɛ 'mö ɩ ji jinɩɛ -bɛ 'nɩɛ -ji, -Lagɔzuzukuo 'bhï 'nɩɛ -ji, -Lagɔɔ 'Guo 'bhë 'nɩɛ -ji, na -Tɩbha -Lagɔ -bhlʋ tɩ-ɩ -jie -bha.

-Wʋʋ yɛ-a, nɩkpa ji-a jie, wa 'yɛ-a nʋ naa: Puanyɔ -ɔ -Lagɔ -sa-a -bha 'mɔ wa glɩnɩ-a nʋ, -mɩlado'o -Lagɔ 'nʋa-a -bha -sa. -Mʋmʋa 'yɛ-a nʋ naa: -Lagɔɔ 'mögbanɩngwa wa glɩnɩ -bha nʋ, -mɩlado'o -Lagɔ 'nʋa-a tia. Bhatɩɛ -bɛ wa ji-a nɛ nʋɔ, 'n wa 'yɛ-a nɩkpaa -bɛ yʋlʋ nʋ. -Lie -bɛ wa ji-a 'mö jɩla wa 'yɛ -Lagɔɔ -lʋa 'bhï yʋlʋ nʋɔ yɛ.

Nɩkpɛɛ 'Gu -yɛ jie ji-e, -ɩ la'a -ɩ 'plɩ la-a -benyido'o Nowee do'o mɩ-ɩ ji-a 'plɩɛ. Laa do'o -Lagɔ nʋ-a -zɛbhlɛ ʋ ji-a zɔmö 'paa, 'n ʋ ji-a Nowe 'dɩ 'nyɛ naa: Ɔ nʋ bato nɛ. -Bhaa do'o nɩkpaa gbʋ 'nɩ -ma -wʋ, wa li, wa nɩma nʋɩ, wa kwa 'ngwlɩ, 'ngwlɩ mö ghlɩa, -mʋmʋa zʋ wa 'gwie ghlɩa, -mʋmʋa tɩmö wa 'gwiee 'ngwlɩ. Wa-a -sɩbha nʋ 'le, Nowe bhɩa-a bato 'ji, 'n ɔ ji-e -ma ʋ 'mö pla. Wa'a-a -luo sɛ jɩblɩnɩ 'n -zɛbhlɛ jua-a 'mö bhuluo, 'n ɛ jua-a sɛ -sa. -Sɩbha Nɩkpɛɛ 'Guo jijie ji-a nɩkpa 'mö bhuluoo.