Ba-Roma 8-ын алдартай Библийн эшлэлүүд

Хуваалцах

Pele tulizi kuti kulibaabo bayanda Leza, nkukuti kulibaabo baitidwe mbuli bukanze bwakwe, ulabeleka abo kuti makani oonse abote

Nkaambo ndisinizye kuti taakwe cintu, niluba lufu nibuba buumi, nibaba baangelo nibaba basibwami nibaba basinguzu, naaba makani aasunu naaba makani aaciza, niziba zintu zyakujulu niziba zyakunsi, niziba zilenge zimwi zyoonse, taakwe cintu niciba cimwi cikonzya kutwaandaanya kuluyando lwa-Leza lwamuli-Kristo Jesu Mwami wesu.

Mbubonya obo awalo Muuya ulatugwasya munkompamo zyesu, Nkaambo kukomba mbutweelede tatucizi pe, pele Muuya mwini ulatukombelezezya amitongelo iitaambiki.

Lino twaambe buti kumakani aya? Anooli Leza kali aswe, ino nguni uukonzya kutulwisya?

Lino sunu taakwe luzulo kulibaabo bakamantene muli-Kristo Jesu (ibateendi mbuli nyama anukuti mbuli muuya).

Ikuti miyeeyo yanyama ndufu, anukuti miyeeyo yamuuya mbuumi, alimwi nduumuno.

Pele mumakani aya oonse tulazunda cakwiinda nkaambo kayooyo uutuyanda.

Nkaambo ndayeeya kuti mapenzi aaciindi ecino taakwe makani kumeso aabulemu mbutuzooyubunwidwa.

Nguni uukonzya kutwaandaanya kuluyando lwa-Kristo? Sa mapenzi naaba mapakasyo naaba mafwabi niiba inzala niciba cintanda nibuba bulowe niliba isumo?

Nkabela oyo uugulunganya myoyo yabantu ulizi miyeeyo ya-Muuya mbwiibede, ikuti ulakombelezezya basalali kubusyu bwa-Leza.

Nkaambo boonse beenzegwa ku-Muuya wa-Leza mbabonya mbibana ba-Leza.

Nkaambo basinyama balayeeya makani aanyama, anukuti basimuuya balayeeya makani aamuuya.

Oyo iwatakatukasya Mwanaakwe mwini, pele wakamwaabila ndiswe toonse, sa takooyootupa buyo antoomwe anguwe zintu zimwi zyoonse?

Muuya mwini ulazuminana amyuuya yesu tubeni kuti tuli bana ba-Leza. Lino kuti tuli bana, alimwi tuli baswaana, nkukuti baswaana ba-Leza, baswaana bakwe antoomwe a-Kristo, ikuti tuli bapenzinyina kuti tukabe balemunyina.

Nkaambo kakuti miyeeyo yanyama ngusinkondonyina Leza, ikuti tiilibombyi ku-Mulao wa-Leza nikuba kukonzya kulibombya.

Ikuti ludunamino lwazilenge lulalangila luyubununo lwabana ba-Leza.

Tulizi kuti kusikila sunu zilenge zyoonse zilatongela akumyongwa antoomwe.