လံာ်လူၤကၣ် 21
21
မုၣ်ကမဲအတၢ်ဟ့ၣ်မၤဘူၣ်
(မၢ်. ၁၂:၄၁-၄၄)
1ယ့ၣ်ၡူးကွၢ်တၢ်ဝးတရံးဒီးထံၣ်ဘၣ်ပှၤထူးပှၤတီၤတဖၣ်ဒၢနုာ်လီၤ အတၢ်ဟ့ၣ်တဖၣ်ဆူတၢ်လုၢ်ဟံၣ်အတၢ်ပာ်ဖှိၣ်ကျိၣ်စ့အလီၢ်န့ၣ်လီၤ. 2ဒီးအဝဲဒၣ်ထံၣ်ဘၣ်စ့ၢ်ကီးမုၣ်ကမဲလၢအဖှီၣ်မးတဂၤဒၢနုာ် လီၤတိၢ်ဂီၤမဲာ်ဖိခံဘ့ၣ်လီၤ. 3အဝဲဒၣ်စံးဝဲ, “ယစံးဘၣ်တဲဘၣ်သုလၢမုၣ်ကမဲအဖှီၣ်အယာ် တဂၤအံၤဒၢနုာ်လီၤတၢ်အါန့ၢ်ဒံးပှၤအဂၤတဖၣ်လီၤ. 4အဂ့ၢ်ဒ်အံၤ, ပှၤအဂၤတဖၣ်ဟ့ၣ်လီၤအတၢ်ဟ့ၣ်လၢ အတၢ်ထူးတၢ်တီၤအဘျဲၣ်အစဲၢ်အပူၤလီၤ. မ့မ့ၢ်အဝဲဒၣ်န့ၣ်, မ့ၢ်ဖှီၣ်ဝဲယာ်ဝဲထဲထဲအံၤသနာ်က့, ဟ့ၣ်လီၤတၢ်လၢအအိၣ်ဒီးအီၤခဲလၢာ်လၢအကလုၢ်အီၣ် အသးသမူအဂီၢ်လီၤ.”
ယ့ၣ်ၡူးကတိၤတၢ်ဘၣ်ဃးဒီးတၢ်မၤလီၤပှီၢ်ကွံာ်တၢ်လုၢ်ဟံၣ်
(မး. ၂၄:၁-၂; မၢ်. ၁၃:၁-၂)
5ပှၤတနီၤကတိၤတၢ်ဘၣ်ဃးဒီးတၢ်လုၢ်ဟံၣ်အဂ့ၢ်, လၢအဘၣ်တၢ်ကယၢကယဲအီၤလၢလၢၢ်အဂ့ၤအဘၣ်တဖၣ် ဒီးတၢ်ဟ့ၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ် တဖၣ်န့ၣ်, အိၣ်ဖျါဃံလၤဆံးဒိၣ်လဲၣ်အဂ့ၢ်န့ၣ်လီၤ. ယ့ၣ်ၡူးစံးဝဲ, 6“တၢ်သ့ၣ်တဖၣ်အံၤခဲလၢာ်န့ၣ်, သုထံၣ်ဘၣ်သုဝဲလီၤ. တၢ်ဆၢကတီၢ်ကဟဲတုၤအိၣ်ဝဲဖဲလၢၢ်ထဲတဖျၢၣ်ဧိၤဒၣ်လဲာ် တဘၣ်တၢ်ပာ်လီၤတဲာ်တ့ၢ်အီၤလၢအလီၢ်လၢၤဘၣ်. လၢၢ်ကိးဖျၢၣ်ဒဲးကဘၣ်တၢ်တ့ၢ်လီၤကွံာ်အီၤလၢအလီၢ်န့ၣ်လီၤ.”
တၢ်ကီတၢ်ခဲဒီးတၢ်မၤနးမၤဖှီၣ်တဖၣ်
(မး. ၂၄:၃-၁၄; မၢ်. ၁၃:၃-၁၃)
7အဝဲသ့ၣ်သံကွၢ်ဝဲ, “သရၣ်ဧၢ, တၢ်အဝဲအံၤကမၤအသးဖဲဆၢကတီၢ်မတၤလဲၣ်. ဒီးတၢ်မနုၤတမံၤကမၤအသးလၢအကဒုးနဲၣ်ဝဲလၢဆၢ ကတီၢ်တုၤလီၤလံလၢတၢ်တမံၤအံၤကမၤအသးန့ၣ်လဲၣ်.”
8ယ့ၣ်ၡူးစံးဝဲ, “အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲပှၤလီန့ၢ်သုတဂ့ၤ. အဂ့ၢ်ဒ်အံၤ, ပှၤအါဒံအါဂၤကဟဲလၢယမံၤဒီးစံးဝဲ, ‘ယမ့ၢ်အဝဲဒၣ်လီၤ.’ ဒီး ‘တၢ်ဆၢကတီၢ်ဟဲတုၤလံ’ န့ၣ်လီၤ. ဘၣ်ဆၣ်ဒီးတဘၣ်ပိာ်အဝဲသ့ၣ်အခံတဂ့ၤ. 9ဖဲသုနၢ်ဟူဘၣ်တၢ်ဒုးတၢ်ယၤဒီးတၢ်ပူထီၣ်လီထီၣ်အကစီၣ်န့ၣ်, တဘၣ်ပျံၤတၢ်ဖုးတၢ်တဂ့ၤ, တၢ်သ့ၣ်တဖၣ်အံၤခဲလၢာ်ကဘၣ်မၤဆိ အသးလီၤ. ဘၣ်ဆၣ်ဒီးအဝဲန့ၣ်အခီပညီတမ့ၢ်လၢတၢ်အကတၢၢ် ဘူးထီၣ်လံန့ၣ်ဘၣ်.”
10အဝဲဒၣ်ကတိၤကဒီးတၢ်ဒီးစံးဝဲ, ထံကီၢ်တဘ့ၣ်ဒီးတဘ့ၣ်ကဒုးလိာ် ယၤလိာ်အသး, တဘီမုၢ်ဒီးတဘီမုၢ်ကထီဒါလိာ်အသးလီၤ. 11ဟီၣ်ခိၣ်ကဟူးဝဲအဒိၣ်အမုၢ်, တၢ်သၣ်ဝံၤလီၤဒိဒီးတၢ်ဆါသံသတြိာ် တဖၣ်ကအိၣ်ထီၣ်ဝဲအဒိၣ်အမုၢ်လၢတၢ်လီၢ်ကိးပူၤဒဲးလီၤ. တၢ်လီၤပျံၤလီၤဖုးဒီးတၢ်ပနီၣ်အဒိၣ်အသွါတဖၣ်ကအိၣ်ဖျါထီၣ်ဝဲလၢမူ ကပိာ်လိၤလီၤ. 12ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ. 13အဝဲအံၤကမ့ၢ်တၢ်ခွဲးဂ့ၤယာ်ဘၣ်လၢသုဂီၢ်လၢသုကစံးဘၣ် တဲဘၣ်ပှၤလၢတၢ်သးခုအကစီၣ်န့ၣ်လီၤ. 14ပာ်သူၣ်ပာ်သးဒ်သိးသုသုတကတဲာ်ကတီၤဆိပာ်သုသးလၢ သုကကတိၤဒီဒၣ်သုသးဒ်လဲၣ်ဒ်လဲၣ်အဂ့ၢ်န့ၣ်တဂ့ၤ. 15အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ. 16သုကဘၣ်တၢ်ဟ့ၣ်လီၤကွံာ်သုလၢသုမိၢ်သုပၢ်တဖၣ်, သုဒီပုၢ်ဝဲၢ်ခွါတဖၣ်, သုဘူးသုတံၢ်တဖၣ်, ဒီးသုတံၤသုသကိးတဖၣ်န့ၣ်လီၤ. သုဝဲတနီၤန့ၣ်အဝဲသ့ၣ်ကမၤသံဝဲလီၤ. 17ပှၤကသူၣ်ဟ့သးဟ့သုကိးဂၤဒဲးလၢယမံၤအဃိလီၤ.
18ဘၣ်ဆၣ်ဒီးသုခိၣ်သူတဘိဒၣ်လဲာ်တလီၤမၢ်ကွံာ်ဘၣ်ဝဲဘၣ်.
19အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, လၢကျဲဒ်အံၤအပူၤ, သုကအုၣ်က့ၤခီၣ်က့ၤသုနီၢ်ကစၢ်ဒၣ်သုဝဲလီၤ.
ယ့ၣ်ၡူးကတိၤတၢ်ဘၣ်ဃးတၢ်မၤလီၤပှီၢ်ကွံာ် ဝ့ၢ်ယရူၤၡလ့ၣ်
(မး. ၂၄:၁၅-၂၁; မၢ်. ၁၃:၁၄-၁၉)
20ဖဲသုထံၣ်ဝ့ၢ်ယရူၤၡလ့ၣ်ဘၣ်တၢ်ကဝီၤဃာ်အီၤလၢသုးမုၢ်သံၣ်ဘိ တဖၣ်လံန့ၣ်, သုကဘၣ်သ့ၣ်ညါလၢတယံာ်ဘၣ်ဒီးအဝဲဒၣ်ကဘၣ်တၢ်မၤဟးဂီၤ အီၤန့ၣ်လီၤ. 21တုၤနုၤတစုပှၤအိၣ်လၢကီၢ်ယူဒၤတဖၣ်ကဘၣ်ဃ့ၢ်ကွံာ်ဆူကစၢၢ်ခံ ကလိလိၤ, ပှၤအိၣ်လၢခူပူၤဝ့ၢ်ပူၤတဖၣ်ကဘၣ်ဟးထီၣ်ကွံာ်, ဒီးပှၤအိၣ်လၢဝ့ၢ်အချၢတဖၣ်တဘၣ်က့ၤနုာ်က့ၤဝဲဆူဝ့ၢ်ပူၤဘၣ်. 22အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ. 23ဖဲမုၢ်နံၤမုၢ်သီတဖၣ်န့ၣ်အဆၢကတီၢ်, ပိာ်မုၣ်လၢအအိၣ်ဒီးအဟုးအသး, ဒီးမိၢ်လၢအအိၣ်ဒီးဖိဆံးအီၣ်နုၢ်ဖိတဖၣ် ကဘၣ်အဖှီၣ်ဆံးဒိၣ်လဲၣ်. တၢ်နးတၢ်ဖှီၣ်အဒိၣ်အမုၢ်ကတုၤအိၣ်ထံကီၢ် တဘ့ၣ်အံၤ, ဒီးကစၢ်ယွၤအတၢ်သးဒိၣ်ကလီၤဘၣ်ထီဒါပှၤဂီၢ်မုၢ်အံၤလီၤ. 24အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.
ပှၤကညီဖိခွါအတၢ်ဟဲ
(မး. ၂၄:၂၉-၃၁; မၢ်. ၁၃:၂၄-၂၇)
25တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ. 26ပှၤဂီၢ်မုၢ်ကသံတ့ၢ်မးလၢတၢ်ပျံၤတၢ်ဖုးအဃိ, ဖဲအဝဲသ့ၣ်အိၣ်ခိးတၢ်လၢအကဟဲဘၣ်ဟီၣ်ခိၣ်ဒီဘ့ၣ်ညါန့ၣ်လီၤ. အဂ့ၢ်ဒ်အံၤ, တၢ်စိတၢ်ကမီၤလၢမူဖးဖီတဖၣ် ဘၣ်တၢ်နီၣ်ထီၣ်ကွံာ်အီၤလၢအကျိၤဒၣ်ဝဲအပူၤလီၤ. 27တုၤနုၤတစု, ပှၤကညီဖိခွါကဟဲအိၣ်ဖျါထီၣ်လၢတၢ်အၢၣ်အပူၤ, အိၣ်ဒီးတၢ်စိတၢ်ကမီၤဒီးတၢ်လၤတၢ်ကပီၤအဒိၣ်အမုၢ်လီၤ. 28ဖဲတၢ်သ့ၣ်တဖၣ်အံၤစးထီၣ်မၤအသးန့ၣ်, ဂဲၤဆၢထၢၣ်ဒီးမိာ်ထီၣ်သုခိၣ် တက့ၢ်. အဂ့ၢ်ဒ်အံၤ, သုတၢ်အုၣ်က့ၤခီၣ်က့ၤန့ၣ်ဘူးထီၣ်လံ.
တၢ်မၤလိဘၣ်ဃးချၢၣ်ဒၢတထူၣ်
(မး. ၂၄:၃၂-၃၅; မၢ်. ၁၃:၂၈-၃၁)
29တၢ်န့ၣ်ဝံၤအလီၢ်ခံ, ယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ် ကတိၤဒိတထံၣ်အံၤလီၤ. “ကွၢ်ချၢၣ်ဒၢအထူၣ်ဒီးသ့ၣ်အဂၤ ကိးထူၣ်ဒဲးတက့ၢ်. 30ဖဲသုထံၣ်ဘၣ်အဝဲသ့ၣ်အလၣ်ဒိးစၢ်ထီၣ်ဝဲန့ၣ်, သုသ့ၣ်ညါလၢတၢ်ကိၢ်ခါအကတီၢ်ဘူးထီၣ်ဝဲလံန့ၣ်လီၤ. 31ဒ်န့ၣ်အသိး, ဖဲသုထံၣ်ဘၣ်တၢ်သ့ၣ်တဖၣ်အံၤမၤအသးန့ၣ်, သ့ၣ်ညါလၢကစၢ်ယွၤအဘီအမုၢ်ဘူးထီၣ်လံန့ၣ်တက့ၢ်.
32သ့ၣ်နီၣ်ထီၣ်တၢ်အံၤတက့ၢ်. တၢ်သ့ၣ်တဖၣ်အံၤခဲလၢာ်ကမၤအသး တချုးပှၤတစိၤအံၤလဲၤပူၤကွံာ်ဒံးဘၣ်န့ၣ်လီၤ. 33မူခိၣ်ဒီးဟီၣ်ခိၣ်ကလဲၤပူၤကွံာ်ဝဲလီၤ. ဘၣ်ဆၣ်ဒီး, ယကလုၢ်ကထါတဖၣ်တလဲၤပူၤကွံာ်ဝဲနီတစုဘၣ်.
အလီၢ်အိၣ်လၢပကဆိးသီ
34အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ. 35အဂ့ၢ်ဒ်အံၤကဟဲတုၤအိၣ်ပှၤခဲလၢာ်လၢဟီၣ်ခိၣ်ဒီဘ့ၣ်ညါဒ်ထုအသိးလီၤ. 36ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”
37ဖဲမုၢ်နံၤမုၢ်သီတဖၣ်န့ၣ်, ယ့ၣ်ၡူးသိၣ်လီၤသီလီၤတၢ်လၢတၢ်လုၢ်ဟံၣ် အပူၤဒီးဖဲအတုၤဃီၤဟါခီလီၤအဆၢကတီၢ်န့ၣ်, အဝဲဟးထီၣ်ဒ်သိးအကအိၣ်ဝဲဖဲကစၢၢ်သ့ၣ်စၤယံးအလိၤဖဲ မုၢ်နၤတၢ်ခံးအဆၢကတီၢ်န့ၣ်လီၤ. 38ဖဲဂီၤခီဂီၤဂီၤအဆၢကတီၢ်န့ၣ်, ပှၤဂီၢ်မုၢ်ခဲလၢာ်လဲၤဆူတၢ်လုၢ်ဟံၣ်ဒ်သိး အကဒိကနၣ်အတၢ်စံးတၢ်ကတိၤအဂီၢ်န့ၣ်လီၤ.
Одоогоор Сонгогдсон:
လံာ်လူၤကၣ် 21: KSWC
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Sgaw Karen Common Bible © Bible Society of Myanmar, 1992.
လံာ်လူၤကၣ် 21
21
မုၣ်ကမဲအတၢ်ဟ့ၣ်မၤဘူၣ်
(မၢ်. ၁၂:၄၁-၄၄)
1ယ့ၣ်ၡူးကွၢ်တၢ်ဝးတရံးဒီးထံၣ်ဘၣ်ပှၤထူးပှၤတီၤတဖၣ်ဒၢနုာ်လီၤ အတၢ်ဟ့ၣ်တဖၣ်ဆူတၢ်လုၢ်ဟံၣ်အတၢ်ပာ်ဖှိၣ်ကျိၣ်စ့အလီၢ်န့ၣ်လီၤ. 2ဒီးအဝဲဒၣ်ထံၣ်ဘၣ်စ့ၢ်ကီးမုၣ်ကမဲလၢအဖှီၣ်မးတဂၤဒၢနုာ် လီၤတိၢ်ဂီၤမဲာ်ဖိခံဘ့ၣ်လီၤ. 3အဝဲဒၣ်စံးဝဲ, “ယစံးဘၣ်တဲဘၣ်သုလၢမုၣ်ကမဲအဖှီၣ်အယာ် တဂၤအံၤဒၢနုာ်လီၤတၢ်အါန့ၢ်ဒံးပှၤအဂၤတဖၣ်လီၤ. 4အဂ့ၢ်ဒ်အံၤ, ပှၤအဂၤတဖၣ်ဟ့ၣ်လီၤအတၢ်ဟ့ၣ်လၢ အတၢ်ထူးတၢ်တီၤအဘျဲၣ်အစဲၢ်အပူၤလီၤ. မ့မ့ၢ်အဝဲဒၣ်န့ၣ်, မ့ၢ်ဖှီၣ်ဝဲယာ်ဝဲထဲထဲအံၤသနာ်က့, ဟ့ၣ်လီၤတၢ်လၢအအိၣ်ဒီးအီၤခဲလၢာ်လၢအကလုၢ်အီၣ် အသးသမူအဂီၢ်လီၤ.”
ယ့ၣ်ၡူးကတိၤတၢ်ဘၣ်ဃးဒီးတၢ်မၤလီၤပှီၢ်ကွံာ်တၢ်လုၢ်ဟံၣ်
(မး. ၂၄:၁-၂; မၢ်. ၁၃:၁-၂)
5ပှၤတနီၤကတိၤတၢ်ဘၣ်ဃးဒီးတၢ်လုၢ်ဟံၣ်အဂ့ၢ်, လၢအဘၣ်တၢ်ကယၢကယဲအီၤလၢလၢၢ်အဂ့ၤအဘၣ်တဖၣ် ဒီးတၢ်ဟ့ၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ် တဖၣ်န့ၣ်, အိၣ်ဖျါဃံလၤဆံးဒိၣ်လဲၣ်အဂ့ၢ်န့ၣ်လီၤ. ယ့ၣ်ၡူးစံးဝဲ, 6“တၢ်သ့ၣ်တဖၣ်အံၤခဲလၢာ်န့ၣ်, သုထံၣ်ဘၣ်သုဝဲလီၤ. တၢ်ဆၢကတီၢ်ကဟဲတုၤအိၣ်ဝဲဖဲလၢၢ်ထဲတဖျၢၣ်ဧိၤဒၣ်လဲာ် တဘၣ်တၢ်ပာ်လီၤတဲာ်တ့ၢ်အီၤလၢအလီၢ်လၢၤဘၣ်. လၢၢ်ကိးဖျၢၣ်ဒဲးကဘၣ်တၢ်တ့ၢ်လီၤကွံာ်အီၤလၢအလီၢ်န့ၣ်လီၤ.”
တၢ်ကီတၢ်ခဲဒီးတၢ်မၤနးမၤဖှီၣ်တဖၣ်
(မး. ၂၄:၃-၁၄; မၢ်. ၁၃:၃-၁၃)
7အဝဲသ့ၣ်သံကွၢ်ဝဲ, “သရၣ်ဧၢ, တၢ်အဝဲအံၤကမၤအသးဖဲဆၢကတီၢ်မတၤလဲၣ်. ဒီးတၢ်မနုၤတမံၤကမၤအသးလၢအကဒုးနဲၣ်ဝဲလၢဆၢ ကတီၢ်တုၤလီၤလံလၢတၢ်တမံၤအံၤကမၤအသးန့ၣ်လဲၣ်.”
8ယ့ၣ်ၡူးစံးဝဲ, “အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲပှၤလီန့ၢ်သုတဂ့ၤ. အဂ့ၢ်ဒ်အံၤ, ပှၤအါဒံအါဂၤကဟဲလၢယမံၤဒီးစံးဝဲ, ‘ယမ့ၢ်အဝဲဒၣ်လီၤ.’ ဒီး ‘တၢ်ဆၢကတီၢ်ဟဲတုၤလံ’ န့ၣ်လီၤ. ဘၣ်ဆၣ်ဒီးတဘၣ်ပိာ်အဝဲသ့ၣ်အခံတဂ့ၤ. 9ဖဲသုနၢ်ဟူဘၣ်တၢ်ဒုးတၢ်ယၤဒီးတၢ်ပူထီၣ်လီထီၣ်အကစီၣ်န့ၣ်, တဘၣ်ပျံၤတၢ်ဖုးတၢ်တဂ့ၤ, တၢ်သ့ၣ်တဖၣ်အံၤခဲလၢာ်ကဘၣ်မၤဆိ အသးလီၤ. ဘၣ်ဆၣ်ဒီးအဝဲန့ၣ်အခီပညီတမ့ၢ်လၢတၢ်အကတၢၢ် ဘူးထီၣ်လံန့ၣ်ဘၣ်.”
10အဝဲဒၣ်ကတိၤကဒီးတၢ်ဒီးစံးဝဲ, ထံကီၢ်တဘ့ၣ်ဒီးတဘ့ၣ်ကဒုးလိာ် ယၤလိာ်အသး, တဘီမုၢ်ဒီးတဘီမုၢ်ကထီဒါလိာ်အသးလီၤ. 11ဟီၣ်ခိၣ်ကဟူးဝဲအဒိၣ်အမုၢ်, တၢ်သၣ်ဝံၤလီၤဒိဒီးတၢ်ဆါသံသတြိာ် တဖၣ်ကအိၣ်ထီၣ်ဝဲအဒိၣ်အမုၢ်လၢတၢ်လီၢ်ကိးပူၤဒဲးလီၤ. တၢ်လီၤပျံၤလီၤဖုးဒီးတၢ်ပနီၣ်အဒိၣ်အသွါတဖၣ်ကအိၣ်ဖျါထီၣ်ဝဲလၢမူ ကပိာ်လိၤလီၤ. 12ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ. 13အဝဲအံၤကမ့ၢ်တၢ်ခွဲးဂ့ၤယာ်ဘၣ်လၢသုဂီၢ်လၢသုကစံးဘၣ် တဲဘၣ်ပှၤလၢတၢ်သးခုအကစီၣ်န့ၣ်လီၤ. 14ပာ်သူၣ်ပာ်သးဒ်သိးသုသုတကတဲာ်ကတီၤဆိပာ်သုသးလၢ သုကကတိၤဒီဒၣ်သုသးဒ်လဲၣ်ဒ်လဲၣ်အဂ့ၢ်န့ၣ်တဂ့ၤ. 15အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ. 16သုကဘၣ်တၢ်ဟ့ၣ်လီၤကွံာ်သုလၢသုမိၢ်သုပၢ်တဖၣ်, သုဒီပုၢ်ဝဲၢ်ခွါတဖၣ်, သုဘူးသုတံၢ်တဖၣ်, ဒီးသုတံၤသုသကိးတဖၣ်န့ၣ်လီၤ. သုဝဲတနီၤန့ၣ်အဝဲသ့ၣ်ကမၤသံဝဲလီၤ. 17ပှၤကသူၣ်ဟ့သးဟ့သုကိးဂၤဒဲးလၢယမံၤအဃိလီၤ.
18ဘၣ်ဆၣ်ဒီးသုခိၣ်သူတဘိဒၣ်လဲာ်တလီၤမၢ်ကွံာ်ဘၣ်ဝဲဘၣ်.
19အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, လၢကျဲဒ်အံၤအပူၤ, သုကအုၣ်က့ၤခီၣ်က့ၤသုနီၢ်ကစၢ်ဒၣ်သုဝဲလီၤ.
ယ့ၣ်ၡူးကတိၤတၢ်ဘၣ်ဃးတၢ်မၤလီၤပှီၢ်ကွံာ် ဝ့ၢ်ယရူၤၡလ့ၣ်
(မး. ၂၄:၁၅-၂၁; မၢ်. ၁၃:၁၄-၁၉)
20ဖဲသုထံၣ်ဝ့ၢ်ယရူၤၡလ့ၣ်ဘၣ်တၢ်ကဝီၤဃာ်အီၤလၢသုးမုၢ်သံၣ်ဘိ တဖၣ်လံန့ၣ်, သုကဘၣ်သ့ၣ်ညါလၢတယံာ်ဘၣ်ဒီးအဝဲဒၣ်ကဘၣ်တၢ်မၤဟးဂီၤ အီၤန့ၣ်လီၤ. 21တုၤနုၤတစုပှၤအိၣ်လၢကီၢ်ယူဒၤတဖၣ်ကဘၣ်ဃ့ၢ်ကွံာ်ဆူကစၢၢ်ခံ ကလိလိၤ, ပှၤအိၣ်လၢခူပူၤဝ့ၢ်ပူၤတဖၣ်ကဘၣ်ဟးထီၣ်ကွံာ်, ဒီးပှၤအိၣ်လၢဝ့ၢ်အချၢတဖၣ်တဘၣ်က့ၤနုာ်က့ၤဝဲဆူဝ့ၢ်ပူၤဘၣ်. 22အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ. 23ဖဲမုၢ်နံၤမုၢ်သီတဖၣ်န့ၣ်အဆၢကတီၢ်, ပိာ်မုၣ်လၢအအိၣ်ဒီးအဟုးအသး, ဒီးမိၢ်လၢအအိၣ်ဒီးဖိဆံးအီၣ်နုၢ်ဖိတဖၣ် ကဘၣ်အဖှီၣ်ဆံးဒိၣ်လဲၣ်. တၢ်နးတၢ်ဖှီၣ်အဒိၣ်အမုၢ်ကတုၤအိၣ်ထံကီၢ် တဘ့ၣ်အံၤ, ဒီးကစၢ်ယွၤအတၢ်သးဒိၣ်ကလီၤဘၣ်ထီဒါပှၤဂီၢ်မုၢ်အံၤလီၤ. 24အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.
ပှၤကညီဖိခွါအတၢ်ဟဲ
(မး. ၂၄:၂၉-၃၁; မၢ်. ၁၃:၂၄-၂၇)
25တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ. 26ပှၤဂီၢ်မုၢ်ကသံတ့ၢ်မးလၢတၢ်ပျံၤတၢ်ဖုးအဃိ, ဖဲအဝဲသ့ၣ်အိၣ်ခိးတၢ်လၢအကဟဲဘၣ်ဟီၣ်ခိၣ်ဒီဘ့ၣ်ညါန့ၣ်လီၤ. အဂ့ၢ်ဒ်အံၤ, တၢ်စိတၢ်ကမီၤလၢမူဖးဖီတဖၣ် ဘၣ်တၢ်နီၣ်ထီၣ်ကွံာ်အီၤလၢအကျိၤဒၣ်ဝဲအပူၤလီၤ. 27တုၤနုၤတစု, ပှၤကညီဖိခွါကဟဲအိၣ်ဖျါထီၣ်လၢတၢ်အၢၣ်အပူၤ, အိၣ်ဒီးတၢ်စိတၢ်ကမီၤဒီးတၢ်လၤတၢ်ကပီၤအဒိၣ်အမုၢ်လီၤ. 28ဖဲတၢ်သ့ၣ်တဖၣ်အံၤစးထီၣ်မၤအသးန့ၣ်, ဂဲၤဆၢထၢၣ်ဒီးမိာ်ထီၣ်သုခိၣ် တက့ၢ်. အဂ့ၢ်ဒ်အံၤ, သုတၢ်အုၣ်က့ၤခီၣ်က့ၤန့ၣ်ဘူးထီၣ်လံ.
တၢ်မၤလိဘၣ်ဃးချၢၣ်ဒၢတထူၣ်
(မး. ၂၄:၃၂-၃၅; မၢ်. ၁၃:၂၈-၃၁)
29တၢ်န့ၣ်ဝံၤအလီၢ်ခံ, ယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ် ကတိၤဒိတထံၣ်အံၤလီၤ. “ကွၢ်ချၢၣ်ဒၢအထူၣ်ဒီးသ့ၣ်အဂၤ ကိးထူၣ်ဒဲးတက့ၢ်. 30ဖဲသုထံၣ်ဘၣ်အဝဲသ့ၣ်အလၣ်ဒိးစၢ်ထီၣ်ဝဲန့ၣ်, သုသ့ၣ်ညါလၢတၢ်ကိၢ်ခါအကတီၢ်ဘူးထီၣ်ဝဲလံန့ၣ်လီၤ. 31ဒ်န့ၣ်အသိး, ဖဲသုထံၣ်ဘၣ်တၢ်သ့ၣ်တဖၣ်အံၤမၤအသးန့ၣ်, သ့ၣ်ညါလၢကစၢ်ယွၤအဘီအမုၢ်ဘူးထီၣ်လံန့ၣ်တက့ၢ်.
32သ့ၣ်နီၣ်ထီၣ်တၢ်အံၤတက့ၢ်. တၢ်သ့ၣ်တဖၣ်အံၤခဲလၢာ်ကမၤအသး တချုးပှၤတစိၤအံၤလဲၤပူၤကွံာ်ဒံးဘၣ်န့ၣ်လီၤ. 33မူခိၣ်ဒီးဟီၣ်ခိၣ်ကလဲၤပူၤကွံာ်ဝဲလီၤ. ဘၣ်ဆၣ်ဒီး, ယကလုၢ်ကထါတဖၣ်တလဲၤပူၤကွံာ်ဝဲနီတစုဘၣ်.
အလီၢ်အိၣ်လၢပကဆိးသီ
34အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ. 35အဂ့ၢ်ဒ်အံၤကဟဲတုၤအိၣ်ပှၤခဲလၢာ်လၢဟီၣ်ခိၣ်ဒီဘ့ၣ်ညါဒ်ထုအသိးလီၤ. 36ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”
37ဖဲမုၢ်နံၤမုၢ်သီတဖၣ်န့ၣ်, ယ့ၣ်ၡူးသိၣ်လီၤသီလီၤတၢ်လၢတၢ်လုၢ်ဟံၣ် အပူၤဒီးဖဲအတုၤဃီၤဟါခီလီၤအဆၢကတီၢ်န့ၣ်, အဝဲဟးထီၣ်ဒ်သိးအကအိၣ်ဝဲဖဲကစၢၢ်သ့ၣ်စၤယံးအလိၤဖဲ မုၢ်နၤတၢ်ခံးအဆၢကတီၢ်န့ၣ်လီၤ. 38ဖဲဂီၤခီဂီၤဂီၤအဆၢကတီၢ်န့ၣ်, ပှၤဂီၢ်မုၢ်ခဲလၢာ်လဲၤဆူတၢ်လုၢ်ဟံၣ်ဒ်သိး အကဒိကနၣ်အတၢ်စံးတၢ်ကတိၤအဂီၢ်န့ၣ်လီၤ.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Sgaw Karen Common Bible © Bible Society of Myanmar, 1992.